Hi ka tialmi nih aitinh mi cu Laimi high school a graduate ding pawl college an pehnak hnga caah thazaang forhfialnak pakhat bantukin ka tial mi a si. Education hi a herh le a biapi ti cu kan theih ko nain kan huam bak tawn lo. U.S ram ah kum fatin ram dang siangngakchia sianginn kai ruah bak ah an ra. Kum khat hnu kum khat an karh chin lengmang ti a si fawn. U.S ram sianginn ruah i a rami ram dang siangngakchia ahhin China an tam bik. Cun, India le South Korea hi an si. Voikhat cu Ohio State University ah ka va leng ve. Campus chung ai chawk mi hi Asian mi le ram dang mi deuh lawng te ka hmuh hna. Mah cu nih khua a ka ruahter ngai. Hitluk in maw fimnak hi biapi ah an chiah le US tiangtiang ah an rak fuh ko hnga ka ti.
Education ngeih a that hi ka upat deuh bantukin ka fiang chin lengmang ve. Education cu rumnak le hmailei khuasak nakah hriamnam tha bik a si. College graduates mi cu high school graduates mi nakin a lethnih tam nihlawh an ei. Bachelors degree in college a graduate mi cu 100% chungah 80% hi an nihlawh hmuhmi a si. High school graduate mi an let hnih nihlawh a si, an ti. Cawnnak a san deuh paoh le, na nihlawh (salary) a tam deuhdeuh ve lai. Pumpak in college kaimi nih rian fawi deuh in hmuh khawh a si. An riantuan thawkka zongah high school graduates mi nakin an hmuh mi a tam deuh tawn.
College degree ngei lo mi nih rian harsa deuh in an tuan pinah rian hmuh zong an i harh deuh tawn. Mi tam deuh college degree ngeimi cu office ah air-condition le heat he fawi tein rian an tuan. Mah cu nih minung kan nunnak zong quality a thatter deuh caah ngan zong a dam.
College siangngakchia cu an sianginn kai nakah training tha tein an pek hna. An cawnnak degree le hmalei an riantuan duhnak ah qualify ding in cawnpiaktu te nih an zuampiak hna. Hmailei an i tinhmi zongah professional taktak ding hi biapi bikah an chiahpiak hna. Cucaah, college a graduate mi nih riantuannak kong he pehtlaiin caantha (opportunities) tampi an ngei. Hmun dang le ram dang zongah an cawnmi fimnak fawi tein rian soknak ah an hman khawh.
Public Health Services nih survey an tuahmi ah college a graduate mi cu an nun khua a sau deuh, an ti. Zeicatiah, rian fawi deuh in an tuan. Minung kan ngandamnak ah a herh ngaimi exercise tuah le sport i celh caan zong an ngeih caah a si. Nu le pa tha tein college le high school a graduate mi cu an fa le zong nih an van cawn ve hna ti, a si. College siangngakchia an riantuan mi hi zoh dawh deuhmi le sullam ngei deuh mi an si zungzal. An tuanmi rian kong he pehtlaiin freedom zong an ngei deuh ti, a si. Nifatin an khuasak nak le an riantuannak nih an lung zong a ton hna. Mah le mah i zohchonak (self-esteem) zong an ngei deuh i, anmah tein tinhmi zong an i khiak kho.
Hi tlukin education ngeih le college pehzulh hi a tha ti kan thei ko nain hika a tanglei bantuk ruangah an ngol tawn.
College kaiman a fak tuk, an ti tawn. A hman ko. Sinain, college nih scholarship a phunphun kum fatin an tuahmi a um ve. Cozah sin zongah financial aid sawk khawh a si. Cozah bawmhnak in mi tampi a kai mi le college a graduates mi an tam tuk. Tangka kongah zeihmanh thachiat ding a si lo. Zeicatiah, hi college ca liamheu mi nakin hmailei thil tha tampi kan hmuh te dingmi cuanh thiam an rak biapi. College kai mi cu an upat tik i an tuan dingmi rian an i tuan cia, an ti tawn ka theih. Chim duh mi cu, college kai lio ah harsa ko hmanh usih law, hmailei kan upat tikah rian fawi tuk in tuan te ding kha a si.
College hna cu mino ca lawng a si, upa ca hrim zong a si loh, an ti tawn. A hman lo. A ngaingai tiah, college kaimi hi mino lungfim an tlawm. College kaimi zaapi hi upa lungfim lawng te an si. Community college hna cu a hleiin upa an tam. Fimnak cawnnak ah kum a rii khiah um lo. A tlai tuk cang ti zong um fawn loh. A relrem caan paoh le huam caan poah kai khawh a si. Abiapi mi cu duhnak lungthin taktak he kai tu hi a rak si. College class pakhat chungah tar dengmang mi le kum khatnak kaimi kum 18 college siangngakchia pawl hmunkhat ca cawng mi an tampi.
Ka chung le college kaimi hohmanh an um lo caah kai ka lung chuak lo, an ti tawn. Chungkhar pakhat chungah minung pakhat khat nih thok hmasa a herh. Nangmah college na kai sicun, na fa a kai ve hrimhrim lai tiah fiang tein zumh khawh a si. Hihi chungkhar tampi nih an fiang tawn lo. Cucaah, rianhraang tuan hi an i thim deuh tawn. Rianhraang an tuan caah, fa le chimh cawnpiak caan an ngei ti lo. Hmunkhat biaruah caan a tlawm chinchin. Rian nih a uk deuh theu hna. Cucaah, fa le zong anmah duhning in khua an sa i a donghnak ahcun nu le pa bantukin rianhraang an tuan ve.
Ca ka thiam lo tuk. Math le English kai harh tuk, an ti tawn. College kai tikah cawnmi program cio an i dang. Nain, Math le Engish hi cu general education ah cawn viar asi ko. General education in cawnmi an si caah an har lem lo. Aho paoh nih cawn viarmi asi fawn ko. Cun, ram dang sianginn kai that tuk nak cu bawmtu (tutor) an um zungzal. Math le English thiam lo caan ah zalong tein an in bawmh khawh. A sung ding dirhmun na si zongah anmah bawmhnak in na awng kho. An felfai taktak. I bochan awktlak an si. Cucaah, ca ka thiam lo, Math le English kai harh tuk titi hlah.
College he kaitlak lo, ka sifak tuk, an ti tawn. College ah miphun kip i cawh a si. Mi sifak harsa an tam lengluang ve. College campus chung ummi le bang cu zaangfak tuk an si. Tangka an ngeih lo tuk ah rawltaam tihal tuarmi an tampi. An mawh ve lo. Nu le pa dawhceo deuh le khuasak tuntuknak ah a si theu ve ko. Na thinphang hlah, zeitlukin ka harsa na ti zongah nangmah bantuk na hmuh ve hrimhrim hna lai.
College nih an ka cohlang la loh. College kai dingin kai tlak lo, an ti tawn. College pakhat nih program an ngeihmi a tam tuk. Community college hna cu ai open bak mi an si. Zeibantuk application paoh an cohlan. Degree tampi an ngeih pinah, technical training le general education tibantuk zong tami an ngeih.
"Fimnak cu a ngeitu caah lungvar mansung bantuk a si. Fimnak suiuum cu ahohmanh nih an fir kho ti lo."
College kai hi a fawi cu a fawi bak loh. Rian ngan ngai a si. Sinain, hmailei na zuun te dingmi kha tuan deuh ka tial cia bang, na ruah chih zungzal lai. Keizong full-time in rian ka tuan i full-time in college ka kai ve. A caan ah ka baat tuk caan a um tawn. Khat leiah, choir hla cawn a si. Mino meeting le pumh a si. Mitkuu cim lo ruangah ka mit mu le ka lu thahri an fah tuk caan hi a tlawm bak lo. Rian chuah i tha dam tein kai khawh zong a si ko hnga. Nain, hohmanh ka sianginn kainak ah support tu ka ngeih ve lo. Tikah, samfa tia tiangin kai rin ve a herh caah a si. A caan ahcun lungdongh deng a fawi caan um la, sihmanhsehlaw, hmailei i a let tampi in na zuun te ding mi kha philh hrimhrim hlah. Riantuannak ka boss pa nih "Education is the key" a ka ti i, thazaang a ka pek tawn zungzal.
Education kan ngeih ahcun kanmah pumpak ca lawngah a rak si lo. Kan chungkhar, kan ram le miphun ca hrimhrim zongah a rak si chih. Tunii ah kan ram hawi lo seh, sersiam ve cang hna usih kan ti ahcun, "education" hi kan tawhfung a si ko. Fim cawnnak "education" loin khoika ram minung hmanh nih an ram an sersiam bal lo. Sersiam khawh zong a si fawn lo. Kan ram le miphun kan sersiam ve lai kan ti ahcun "education" hi biapi ah kan chiah hmasa a herh. Cucaah, hi tluk ram tha kan um lio te hin fimnak tampi in cawng usih. I lak khawh chungin i lak hna usih.
Tukum high school a graduates dingmi na si ahcun college cu kan peh piak hrimhrim ko. High school dih cang ko nain college kai lo mi na si zongah lungthawhnak van ngei hram. Nangmah pumpak ca si pinah kan miphun hrimhrim nih kan herh hih. Kan ram le miphun nih keimah an ka herh ti na lung chungah chia zungzal. I zuam chih! Teirial thlu law, Pathian sinah bawmhhal in thlacam zungzal. Kan aunak aw a kan ngeihpiak zungzal i, kan i zuamnak le teirial kan thluknak cungah thluahchuah zungzal tu Pathian a si.
******************************************************************************************************************************
University of Southern California nih article an tialmi pakhat chungin zeimawtzat ka van chapmi an si. Siaherhnak nganpi he college kong le education kong ah forhfialnak le thazaang peknak pakhat bantukin ka tial. A reltu caah thahnem santlai si hram seh!
Phungthlukbia 16:16
"Fimnak ngeih hi sui nakin a tha deuh, hngalhthiamnak ngeih hi ngun nakin thim deuh awk a si."
College degree ngei lo mi nih rian harsa deuh in an tuan pinah rian hmuh zong an i harh deuh tawn. Mi tam deuh college degree ngeimi cu office ah air-condition le heat he fawi tein rian an tuan. Mah cu nih minung kan nunnak zong quality a thatter deuh caah ngan zong a dam.
College siangngakchia cu an sianginn kai nakah training tha tein an pek hna. An cawnnak degree le hmalei an riantuan duhnak ah qualify ding in cawnpiaktu te nih an zuampiak hna. Hmailei an i tinhmi zongah professional taktak ding hi biapi bikah an chiahpiak hna. Cucaah, college a graduate mi nih riantuannak kong he pehtlaiin caantha (opportunities) tampi an ngei. Hmun dang le ram dang zongah an cawnmi fimnak fawi tein rian soknak ah an hman khawh.
Public Health Services nih survey an tuahmi ah college a graduate mi cu an nun khua a sau deuh, an ti. Zeicatiah, rian fawi deuh in an tuan. Minung kan ngandamnak ah a herh ngaimi exercise tuah le sport i celh caan zong an ngeih caah a si. Nu le pa tha tein college le high school a graduate mi cu an fa le zong nih an van cawn ve hna ti, a si. College siangngakchia an riantuan mi hi zoh dawh deuhmi le sullam ngei deuh mi an si zungzal. An tuanmi rian kong he pehtlaiin freedom zong an ngei deuh ti, a si. Nifatin an khuasak nak le an riantuannak nih an lung zong a ton hna. Mah le mah i zohchonak (self-esteem) zong an ngei deuh i, anmah tein tinhmi zong an i khiak kho.
Hi tlukin education ngeih le college pehzulh hi a tha ti kan thei ko nain hika a tanglei bantuk ruangah an ngol tawn.
College kaiman a fak tuk, an ti tawn. A hman ko. Sinain, college nih scholarship a phunphun kum fatin an tuahmi a um ve. Cozah sin zongah financial aid sawk khawh a si. Cozah bawmhnak in mi tampi a kai mi le college a graduates mi an tam tuk. Tangka kongah zeihmanh thachiat ding a si lo. Zeicatiah, hi college ca liamheu mi nakin hmailei thil tha tampi kan hmuh te dingmi cuanh thiam an rak biapi. College kai mi cu an upat tik i an tuan dingmi rian an i tuan cia, an ti tawn ka theih. Chim duh mi cu, college kai lio ah harsa ko hmanh usih law, hmailei kan upat tikah rian fawi tuk in tuan te ding kha a si.
College hna cu mino ca lawng a si, upa ca hrim zong a si loh, an ti tawn. A hman lo. A ngaingai tiah, college kaimi hi mino lungfim an tlawm. College kaimi zaapi hi upa lungfim lawng te an si. Community college hna cu a hleiin upa an tam. Fimnak cawnnak ah kum a rii khiah um lo. A tlai tuk cang ti zong um fawn loh. A relrem caan paoh le huam caan poah kai khawh a si. Abiapi mi cu duhnak lungthin taktak he kai tu hi a rak si. College class pakhat chungah tar dengmang mi le kum khatnak kaimi kum 18 college siangngakchia pawl hmunkhat ca cawng mi an tampi.
Ka chung le college kaimi hohmanh an um lo caah kai ka lung chuak lo, an ti tawn. Chungkhar pakhat chungah minung pakhat khat nih thok hmasa a herh. Nangmah college na kai sicun, na fa a kai ve hrimhrim lai tiah fiang tein zumh khawh a si. Hihi chungkhar tampi nih an fiang tawn lo. Cucaah, rianhraang tuan hi an i thim deuh tawn. Rianhraang an tuan caah, fa le chimh cawnpiak caan an ngei ti lo. Hmunkhat biaruah caan a tlawm chinchin. Rian nih a uk deuh theu hna. Cucaah, fa le zong anmah duhning in khua an sa i a donghnak ahcun nu le pa bantukin rianhraang an tuan ve.
Ca ka thiam lo tuk. Math le English kai harh tuk, an ti tawn. College kai tikah cawnmi program cio an i dang. Nain, Math le Engish hi cu general education ah cawn viar asi ko. General education in cawnmi an si caah an har lem lo. Aho paoh nih cawn viarmi asi fawn ko. Cun, ram dang sianginn kai that tuk nak cu bawmtu (tutor) an um zungzal. Math le English thiam lo caan ah zalong tein an in bawmh khawh. A sung ding dirhmun na si zongah anmah bawmhnak in na awng kho. An felfai taktak. I bochan awktlak an si. Cucaah, ca ka thiam lo, Math le English kai harh tuk titi hlah.
College he kaitlak lo, ka sifak tuk, an ti tawn. College ah miphun kip i cawh a si. Mi sifak harsa an tam lengluang ve. College campus chung ummi le bang cu zaangfak tuk an si. Tangka an ngeih lo tuk ah rawltaam tihal tuarmi an tampi. An mawh ve lo. Nu le pa dawhceo deuh le khuasak tuntuknak ah a si theu ve ko. Na thinphang hlah, zeitlukin ka harsa na ti zongah nangmah bantuk na hmuh ve hrimhrim hna lai.
College nih an ka cohlang la loh. College kai dingin kai tlak lo, an ti tawn. College pakhat nih program an ngeihmi a tam tuk. Community college hna cu ai open bak mi an si. Zeibantuk application paoh an cohlan. Degree tampi an ngeih pinah, technical training le general education tibantuk zong tami an ngeih.
"Fimnak cu a ngeitu caah lungvar mansung bantuk a si. Fimnak suiuum cu ahohmanh nih an fir kho ti lo."
College kai hi a fawi cu a fawi bak loh. Rian ngan ngai a si. Sinain, hmailei na zuun te dingmi kha tuan deuh ka tial cia bang, na ruah chih zungzal lai. Keizong full-time in rian ka tuan i full-time in college ka kai ve. A caan ah ka baat tuk caan a um tawn. Khat leiah, choir hla cawn a si. Mino meeting le pumh a si. Mitkuu cim lo ruangah ka mit mu le ka lu thahri an fah tuk caan hi a tlawm bak lo. Rian chuah i tha dam tein kai khawh zong a si ko hnga. Nain, hohmanh ka sianginn kainak ah support tu ka ngeih ve lo. Tikah, samfa tia tiangin kai rin ve a herh caah a si. A caan ahcun lungdongh deng a fawi caan um la, sihmanhsehlaw, hmailei i a let tampi in na zuun te ding mi kha philh hrimhrim hlah. Riantuannak ka boss pa nih "Education is the key" a ka ti i, thazaang a ka pek tawn zungzal.
Tukum high school a graduates dingmi na si ahcun college cu kan peh piak hrimhrim ko. High school dih cang ko nain college kai lo mi na si zongah lungthawhnak van ngei hram. Nangmah pumpak ca si pinah kan miphun hrimhrim nih kan herh hih. Kan ram le miphun nih keimah an ka herh ti na lung chungah chia zungzal. I zuam chih! Teirial thlu law, Pathian sinah bawmhhal in thlacam zungzal. Kan aunak aw a kan ngeihpiak zungzal i, kan i zuamnak le teirial kan thluknak cungah thluahchuah zungzal tu Pathian a si.
******************************************************************************************************************************
University of Southern California nih article an tialmi pakhat chungin zeimawtzat ka van chapmi an si. Siaherhnak nganpi he college kong le education kong ah forhfialnak le thazaang peknak pakhat bantukin ka tial. A reltu caah thahnem santlai si hram seh!
Phungthlukbia 16:16
"Fimnak ngeih hi sui nakin a tha deuh, hngalhthiamnak ngeih hi ngun nakin thim deuh awk a si."
No comments:
Post a Comment