 |
| U.S "Age of Consent" |
Bawlung chuihnak thawngpang hi zaapi nih kan rel
huam theng lo. Sinain, bawlung chuih uarmi nih cun kan rel lengmang tawn ve ko.
A hlei in mahhi thawngpang hi a biapi ngai tiah, ka ruah. Laimi zong nih kan i
ralringnak pakhat ah hmang hna usih ti ka duh ngai. Chan nih a kalpi bantukin
kan Lai nu ngakchia deuh pawl hi, nungak phun khin a thudir mi an um pah tawn.
Lai pa cheukhat nih duh paoh in kan biathli, kan velhle he va tuaitaam kan
hmang tuk. Kei cu khikhi ka uar lo ngai. An cu zaat hlan in nungak kan thiamter
hna i anmah nunak (life) zong kan hrawh hna tiah ka ruah. Cun, U.S ram i nungak
kan ngeih tikah kum 18 cung an si hlan hi sex tuahpi khawh an si lo. Ram pakhat
nih legal tein sex tuahnak he pehtlai in Law an suaimi cio an
ngeih. Cucu miraang nih "age of consent" an ti.Tahchunhnak
ah England (UK) ram hna ahcun, kum 16 tang nungak he sex tuah ahcun Law buar si
caah thongtlak a si. Canada zong cu thiamthiam. Sinain, U.S hi a state in an i
dang dih. Kum 16 in 18 karlak hin an den. Cheukhat State California te hna cu
kum 18 cung si hnu lawngah sex legal tein tuah khawh a si. Texas state te
hna cu kum 17 hnu lawngah a si ve. Cun, Kentucky, Ohio le Indiana hna cu
kum 16 hnu ah legal tein sex tuah khawh a si ve.
 |
| Europe "Age of Consent" |
Mah hi theihngalh hi a herh ngaimi le a biapi ngai
mi a si. Aruangcu, US ram khua kan sak tikah kum tlinglo nu he sex kan tuah
sual ahcun thong thlak khawh kan si. An nu le pa zong an theih sicun fak tuk in
tazacuai khawh kan si. A hmuh sang ngai. Tangka tampi zong cawi le liam khawh
kan si. US ram hna ahcun biapi ngai ah an chiahmi pakhat a si. Miraang tampi hi
cu kum tling rih lo ngakchia cungah sex tuah duhnak lungthin an ngei kho lo.
Horcuai duhnak leiin a chawnh zong an chawn hna lo i a zoh zong an zoh hna lo.
A cozah law hrimhrim kha buar si caah a tih zong an tih ngai. Miraang cu law an
suai i, an suaimi cungah nawl ngai tein zulh khawh ai zuam lengmang mi zon an
si rengreng, ka ti. Laimi tampi cu kan si deuh tawn lo. Kum khua ngakchia tuk
ti kan theih ko mi zong kan ngiar thluahmah tawn ko hna. Apoi tuk tawn ka ti.
Ka uar lo tuk caah Adam Johnson nih tuni a tonmi he ai pehtlai ngai le ka van tialnak
a si.
 |
| Adam Johnson |
Adam Johnson hi a tu lio England ram International
Football le Sunderland F.C ah a chuih mi a si. A hlan ah Middlesbrough F.C le
Manchester City zongah a rak chuihi. Kum 2012 in Sunderland nih Europe tangka
million 10 an rak cawk.
Vanchiat ah kum 27 asi mi Adam cu tuni, Mar 02,
2015 ah ningzahnak fak ngai a tong. Sianginn kai liomi kum 15 nu te he pehtlaihnak relationship rak ngeih
dawh a si. Cun, Adam le kum 15 nu cu sex an tuahnak pehtlaiin palik nih Adam a
inn Europe tangka million 1.85 in a cawkmi ah an va tlaih. Atu hi thonginn chungah a um lio a si.
A bawlung chuih in a pawcawmnak Sunderland F.C zong nih an suspended. Ka
chim cang bantukin England (UK) cu kum 16 si hnu lawngah legal tein sex tuah
khawh a si. A caah cun apoi ngai ko nain, aho paoh fim a kan chimh ka ti
ko hih, kei cu.
No comments:
Post a Comment