Kan Upa Cristiano Ronaldo Girlfriend Thar Hi Rak Bih Ve!!!

Kan hnu kum 2014 Summer World Cup a zohmi na si cun, Mexican TV presenter Vanessa Huppenkothen hi na theih men lai. Theih lo khawh zong na si thiam. Zapi nih kan theih tuk cio ve mi a si rih loh. Nain, an mah Mexican nih cun an i uar tuk mi pakhat a rak si. Vanessa Huppenkothen cu Mexico ram khuapi Mexico City ah TV in bawlung lei biachimtu (presenter) pakhat a si. Kum 2014 World Cup i an mah Mexican bawlung team angki he reporter a rak tuah lio hna cu social media Twitter tibantuk ah a rak tur len. 

Irina le Ronaldo

Fa khat ngei Ronaldo cu, a girlfriend Russian model Irina Shayk he an i then hnu in Vanessa Huppenkothen he an kong an ceih colh hna. Ronaldo le Irina hi kum 5 chung an rak i duh i, kan hnu thla nolh January ah an i then. Irina bia an halnak zoh tikah Ronaldo hi zumh awktlak deuh lo khin thutdir dawh a si. Irina cu model minthang ngai pakhat a si ve tikah kan hnu thla Valentine's Day ah biahalnak an tuah.
Valentine's Day ah zeidah na tuah lai, boyfriend dang hna na ngei cang maw? tiah, an hal. Irina nih, " Ka ngei lo. Atu cu zumh awk tlak a si mi pa lawng ka kawl cang lai" a ti. Tikah, Ronaldo hi zumh awk tlak loin a rak thudir pah lai tihi a fiang ngai. 

Sui kedan le FIFA Ballen d'or voi thum a hmu mi Cristiano Ronaldo hi zumh awk tlak a si men lai lo ti a fian chinchin nak cu, Tuni ah sport news zeimawzat nih Vanessa le Ronaldo an i uar tiah an chim. Tuak ngai ahcun, Ronaldo hi Irina he an i then nak thla khat lawng a si rih. Vanessa le Ronaldo kong cu social media Twitters tibantuk hna ahcun atu hi a thang ngai. 

Vanessa le Ronaldo hi an umnak ram ai dang nain an i duh ko. Pakhat le pakhat hiti an i duhnak hi Vanessa nih amah pumpak sipuaizi herhhau ah Spain ah a kal tawn. Kha tikah, hi tin an i duhnak a si lai tiah, Spain ram news reporter nih a chim. 

Kum 30 a si cangmi Ronaldo cu a tiru ko. Kum nga chung a dawtmi Irina he an i duhnak ah bia an halnak an tuah len hna. Ronaldo nih, "Kan tuanbia a dih cang. Hihi kan pahnih caah a tha veve lai tiah ka ruah mi a si" a ti. Fa khat ngei si pin i, hi tin vawlei cung mui dawh le a fit deuh paoh ai thim peng khawh rih ko hna. Manchester United um lio hna ahcun, "Ronaldo have only two girlfriend" ti hna in news nih an rak chim. Paris Hilton he tiang zong an rak i party bal. Nain, a rak duh thai bal hna lo. Atu a fapa, Cristiano Ronaldo Jr. zong hi a ho he an ngeih ti aho hmanh nih an thei lo. Keimah pumpak zongin thei ka duh ngai. Ronaldo hi ka uar tuk ve caah a si!

Ronaldo girlfriend thar a si tiah, Sport News tampi nih an chim mi Vanessa Huppenkothen cu a tanglei hmanthlak hin rak zoh ve. The Sport Bibles nih an taar mi ka lak chinmi a si. Ah! Ronaldo a rak mawh hrim loh! Vanessa cu a rak ropui!!!