IS Nih Kan Hnuzarh I a Tlaihmi Khrihfa Minung 19 a Thlahthan Hna!

IS nih a luancia Feb 23, 2015 ah Syria ram khuate 12 chungin Khrihfa minung 19 arak tlaih hna. Hi Khrihfa minung 19 hi member 220 hrawng a simi Assyrian Christian Community chungin tlaihmi hna an si. Sihmanhsehlaw, tuni ah thawngtha ngai kan theih. Kan hawi Khrihfa minung 19 an tlaihmi hna cu tuni ah tha tein IS pawl nih an thlah thancang hna tiah, BBC nih a chim.

Hi an tlaihmi minung 19 hna hi kum 50 in a cunglei lawngte an si. Pa 16 le nu 3 an si. Tu zaanlei ah tha tein Hassakeh khua, Virgin Mary biakinn ah bus he an van thlah than cang hna. IS tapung pawl tangka an pek hna ruangah hiti an thlahthannak hna hi a si, tiah reporter pawl nih an chim. A kumkhua an upat ve ruangah IS pawl nih tangka an pek hnu ah an thlahthan ve nak hna zong hi a si lai tiah, an zumh. Cun, IS nih Khrihfa mi a tlaihmi hna hi minung 19 lawng an si lai hi an zum. Hi nak tam deuhin a tlaih hna lai tiah, zumhnak an ngei.

References: BBC