 |
| Bus pahnih le truck nih taih mi bus |
Mah hi bus an i taihnak kong he pehtlaiin hlathlainak an tuah. A mawngtu pa hi mitkuu cim lo ruangah a rak i hngilh dawh si tiah, an chim. Cucaah, lane dang kal sual in hitin fak tuk in ai taih nak hi a si.
Atu bantuk mawtaw accident hi Peru ah a tlawm lo. World Health Organization nih 2010 i report an tuahmi ah minung 2,514 hi Perua ah mawtaw accident in an thi, a ti. Atu hiti bus fak tuk in an i taih hi a luancia kum 2013 hnu in fak bik an taih si.
Hi news article hi tial a herh tiah ka ruah caah ka tial. Zeicatiah, Laimi zong nifatin mawtaw mawng mi kan si i ralringnak pakhat bantuk ah siseh ka ti. Atu hi tluk fakin mawtaw accident an tawn ai thoknak cu mitkuu cim lo bu in mawtaw an mongh caah le an i hngilh sual ruangah a si. Mitkuu cim lo in mawtaw mongh hi tih a rak nung tuk. Kanmah pumpak ca lawngah a rak si lo. Kan phurhmi minung vialte ca zongah ruahchih lengmang a herh. Kanmah minung pakhat mawtaw mongh pah in phone kan deh ruang le kan i hngilh sual ruangah minung tampi an thi kho. Atu hiti thil ai thok nak zong hi a mawngtu pa ai hngilh ruangah adang minung 30 an thi i, minung 70 tluk fak piin hma an phur rih cu mu. Cucaah, aho paoh i ralring cio hna usih. Mit van kut caan i din awk ah ti thawl (water bottle) i chiah peng hna usih. Thla zong cikhat cam ta hna usih. Phone zong a kilne ah chiah hna usih. Mawtaw kan van mongh bak khin adang aicit ve mi an nunnak cu kan kut chungah a um ti philhlo hi a rak biapi tuk!!
Khoika dah Lima, Peru cu a um?
********************************************************************************************************************************
New York inn kangh ruangah ngakchia kum 5 in kum 15 karlak an thi. Ngakchia pa 4 le nu 3 an si. Minung 2 inn cungin an zuang i an luat manh. Nain, hma le rung he hospital an phan ve thiamthiam. Zaan tim hrawngah a si. Mah hi inn kanghnak hi a fak ngai ve. Mei (fire) lei cozah riantuan tu an lu bik Mr. Daniel Nigro nih," hi bantuk inn kangh hi, a luancian kum 7 hnu in a fak bik kan ton a si" a ti.
 |
| A kaangmi inn |
Hi inn kanghnak ruang i a thi mi hi ngakchia tete an si caah zaapi an ngeihchia khun. Mr. Nigro nih, "an inn chungkhar ca lawngah ngaihchiatnak an ton si lo. Kan community le kan khua New York city ca zongah ngaihchiat vansang kan ton a si" tiah a nolh.
Inn a kaang ti an theih cangkaa in mei thattu minung 100 tluk an ra ko nain an khamh manh hna lo. Aruang an van kawlhawl tikah an cokaa (inn-te) rawl chumhnak gas ningcang loin a rak um caah a si. Tikah, cuticun inn cungah mei nih a hren hna i ngakchia kum 5 in kum 15 karlak an thihnak cu a si. Adang minung 2 inn cung in a zuang mi balte cu an u, upa deuh le ngakchia hna an nu a si.
 |
| An Unau |
Hi hna chung hi Jewish mi an si. Cucaah, an ruak cu Israel, Jerusalem khualipi ah an zuanpi i, an phun hna. Mi tampi nih an ngaihchiat nak an hrawmpi ve hna i Jerusalem cawnpiaktu (rabbi) pawl zong an i tal ve. Ngakchia hna an pa simi Gabriel Sasson cu a tah bu in bia zong a chim, "Hi tluk fa dawh le fa sunglawi ka ngaih mi hna; an kum zong ngakchia tuk rih, zei ruang hme an 7 taitai cun an thih ee" tiin ngaihchia ngai in a tap.
Hi thawngpang hi kan hnuzarh niruk nii March 21 ah a cang mi si ko nain, theihherh ko ti ka ruah ruangah ka van nolh. Gas rawl chumhnak that lo ruangah a thi mi hi ka theih pah lengmang. Laimi zong hi ruang ahhin kan rak thi bal ve. Cu hnu cun gas hi ka tih chinchin. Gas mei kau an ka fial zongah ka thiam lo mi le ka theih bal lo mi si cun kai tim bal lo. An kau zongah a hlat nak hmun um kai zuam. Zeitindek si, a ka puah hnawh sual la ti ka phang zungzal. Zeisikhawm ah, hi thawngpang pa 2 nih Laimi nifatin khua kan sak nak ah ralringnak kan pe hram seh!
References: BBC/NBC News
No comments:
Post a Comment