Tlangval lio lungloh hman hi a rak poi tuk. Cu ti kaa lio lio ahcun ka eye contacts kaa bunhmi ka phoihta ti lo. Chun nitlak deng kan i lio. Ka tha zong a uai dih. Ka rawltaam zong a zual. Tili chung in kan van chuah hi cu kan uh khawh ning, kan uh khawh ning hi cepa ruak bak kan si ko. Tlawmpal ah ti tlang i a ummi nih Barbecue an rawh ciami cu khim tein ka ei i inn ah ka lawi.
Ka eye contacts cu ti ka rak i lionak ah ka rak thlau diam. Nilin lak ti lio le rawltaam cu si kaw ka tha hi a uai. Ka lung zong a mit. Ka lungloh zong a zual. Cu tikah ka eye contacts a um bak lomi cu minutes 30 chung ka khoih. Ka mit zong sen viar. Ka mitthli hi a luan bak in a luang. Ka hrum pah. Ka vuivai pah. Kaa ceihcum pah. Ka far le nih "na zeidah ti? an ka ti i, ka eye contacts aa benh tuk le ka khoih kho lo" tiah ka ti hna. Ka far nu Tha Ku nih ka mit van keu i van bih cu, zei eye contact hmanh a rak um lo. Tuan ah a rak ka chim le a si. Cu reru cu lungloh fah cu, ka mit muu kaa kheh deng.
Eye contacts a hmangmi caah i ralring awk a herhmi thil an rak um. Kan mit ah kan i benh tik le kan chuah (khoih) than tikah kan kut hi thianghlim tein chiah peng a hau. Amah a mit (eyewear) zong hi a thianhlim peng a hau. Cun, ti le contact lenses cu zeitikhmanh ah cawhter lo ding, ti a si. Aruang cu, ti chung i a ummi zawtnak rungrul miraang nih 'germ' an timi khi a chuak kho. Cun, chemicals i chlorine tibantuk ti thiannak ca'h i an chiahmi sivai nih kan mit i kan i bunhmi contacts lenses hnu lei ah an i benh kho i kan mit an hrawh khawh, ti a si. Kan i kholhnak saipiat buan hmanh khi ttih a nung. I kholh lai le ti lio lai ahcun phoih ta lengmang cang ding a si. Kei zong a tu cu kaa ralring tuk ve cang.
Kan mit hna a chiat tuk lawmmam i ti lio nak ah eye contact hruk lo awk that lo ahcun lam dang pakhat a um rih. Cucu, safety goggle i hruk a si. Na mit ah na reh chih ahcun ti a lut kho lai lo i na mit caah a him ko la. Cu silo ahcun, na mit an rawk kho. Na mit an fak kho. Na mit an thak kho. An phing kho fawn. Acanthamoeba an ti i bacteria phun khat a si. Hi bantuk bacteria cu ti chungah an um. Eye contacts lenses aa hrukmi mi tampi nih hi bacteria ruangah mit siizung a phanmi an tampi.
 |
| Eye contact hruk buin ti lio kan duh ahcun hihi i hruk ding asi, an ti. |
Hi bacteria nih an mit lawng a fahter sawhsawh lo, a chung lei i an mit muu a ei i temtuar ngai in an um tawn. Hi bacteria cu ttih a nung tuk. Mit cawt ruang i mitmuu thlen (transplants) a tongmi hi, hi Acanthamoebae bacteria ruang deuh ah an si theu, ti a si. Eye contacts hruk ruangah hin conjunctivitis timi bacterial in a ra ve mi mit dam lonak zong a chuak kho fawn. Hi bantuk thil kong ahhin i ralrin a biapi ngaingai. Zeicatiah, zungzal mitcawtnak (permanent blindness) zong a chuahpi khawh. Hi ruang ahhin minung tampi nih eye contacts hruk hi hnahnok tuk an ti i, mitbenh tu an i thim deuh tawnnak a si. Laimi zong eye contact aa hrukmi tampi kan um. I ralring cio hna usih!
 |
| Hi ti hin kan mit a rawk kho. |
Zohchungmi ca: http://www.specsavers.com.au/ask-the-optometrist/can-i-shower-while-wearing-contact-lenses/
No comments:
Post a Comment