Ni
fatin te thawngpang kan check ahcun IS kong an tial hna lo a um rih lo. An
hrang chin lengmang i vawlei cung ah khuaci an mui cang. Ram kenkip he an buai i
nikhat hnu nikhat ram kip he ral ah an i ser chin lengmang. Italy ram Rome khua tiangah kan kal lai ti hna in bia an chim chap rih. Kan hnu zarh Sunday
Feb. 15, 215 zongah Egypt ram Khrihfa mi minung 21 an thah hoi hna. Cu lawng si
loh. Mah hi riantuan mi Khrihfa minung 21 an van thah hna ahhin hngakchia
zeihngal lo thah chih rih hna. Cu ruangah, Egypt an president pa
Abdel Fattah el-Sisi zong biatak tein a thinhang. IS nih cun maw kan mah Egpytian hngachia cu an hngawng kan tan ter hnga! ? a ti. Curuangah leklak tiin an
ral tuknak vanlawng (air strike) he a nichuah lei Libya ah a hei kah ve hna.
 |
| Egypt nih IS a tuknak vanlawng (jet) |
Tu nii
Feb. 20, 2015 BBC news nih nichuah lei Libya ram Al-Qubbah ah mah le mah bomb i
puahnak a um i minung 40 reng lo an thih pin ah, zeimawzat zong hma an pu.
Libya ram nichuah lei Al-Qubbah cu IS nih an control mi hmun le hma pakhat a
si. Mah hi le mah in bomb ai puah hnawh mi hna hi hmun thum dangah an puah.
Pakhat cu gas station ah a si. Gas station ahcun mawtaw le motor cycle artlang
in an dir nak hmun ah a si. Adang pakhat cu Police station ah a si. Adang
pakhat a donghnak cu cozah umnak hmun ah a si.
 |
| IS Tapung |
News
dang tete nih an chim ning ahcun, nai te i Egypt nih ral tuknak vanglawng (air
strike) in a hei kahmi hna kha lehrulchamnak caah hitihin bomb an puahnak hi a
si. Egypt nih cunglei in a hei kah nak hna ahkhan IS pawl cei ngai dawh an si.
Minung 40 in 50 karlak an thi lai tiah BBC nih a chim. Cucaah, hitihin
lehrulchamnak an tuah hi a si lai, tiah an zumh.
 |
| Adeh nahnak hmun paoh khi IS umnak an si |
Reference: BBC
No comments:
Post a Comment