New York City Ah Muslim Pa Pathum IS I Fonh Ding Ai Timmi An Tlaih Hna!

Vawleicung hi khuaruahhar a si. Hi tluk IS an sual i mi an thah an buai lio ah a rak tanhtu an rak tampi ve hoi. IS hi Khrihfa mi hna nih kan huat hna cu chim hau lo; Muslim tampi zong nih an huat ve ko hna. An tuahsernak hi an extreme tuk an ti i Muslim tampi zong nih an doh ve ko. Sinain, Muslim tampi cu an tuahsernak ahhin an lungtling lawng si loin, IS ca hrimhrim i an nunnak pek hi an ngamh.

IS tapung pawl

Tuni Feb. 24, 2015, New York City John F. Kennedy International Airport ah Muslim pa pakhat le adang pahnih cu FBI nih an tlaih hna. Hiti Airport i tlaihnak an ton cu Syria/Turkey ram ah zuan i IS pawl sin fonh an i timh ruangah a si. Hi hna pathum hi US ramah um sawhsawh mi lawng an si ve. US citizen zong an si lo. Tha tein riantuan i ai hlawhfa ve mi an si ko. Hi hna pathum chungin pahnih hi Uzbekistan in a rami an si i adang pakhat hi Kazakhstan in a rami a si. Hi hna pathum chung i Saidakhmetove timi pa hi Airport tlaihmi a si. Istanbul, Turkey ram ah zaun ai tim. FBI lunghrinhnak in hlathlai hnu ah tlaihkhih a ton hi a si. Adang pahnih hi hmaithla ah zuang ve dingin ticket an cawkcia ve.

NYC Palik

Hi hna pathum hi an cian ngai. An biachim mi le an catial mi rel tikah tih an nung. Heh! an i hrocer. Syria ram nan kan zuan ter lo cun kan in thah viar hna lai, an ti. Kan hnu thla zongah Uzbek, anmah holhin website ah ca an tial. Tuan i  FBI nih an tlaih hna hi a rak tha tuk. An tialmi cu president Obama zong thah dinginchiatserh biakamnak tiang an rak tuah tiah, NYC FBI nih an chim. Hi hna pathm hi, hiti ning te a si ko ahcun, kum 15 chung US nih thawng a thlak hna lai. US nih minung 20 hrawng hi ram dang Muslim tapung pawl ruangah an tlaih cang hna. A tam deuh cu Syria le Iraq ram IS tapung pawl sin kal ai timh deuhmi an si ko.

John F. Kennedy International Airport NYC

IS pawl an tuahsernak hi an lung rak tling tu hi a fiang. IS pawl sinah i fonh i an nunnak zong pek ve ding tiangin an ngamh. Ram dangmi minung 20,000 nak tam hranwg hi a luancia kum 3 chung i Iraq le Syria ram tapung sinah an i fonh. A tam deuh hi nitlak lei (western) Europe mi an si. 

Ref: BBC