Knowing God: David Beckham T'heut'heu Hi Si Ko

A luancia kum 2014 cu vawlei cung hngakchia tampi caah kum chia ngai si. Hngakchia million 15 nak tam cu vuak den le harnak phunphun an tong. Hnakchia million pakhat nak tam zong thlichia le tilet nih a den mi hna an um. West Africa ah Ebola zawtnak in hngakchia an nu le pa tampi thih le loh ruangah, ngakt’ah buangro a thawng in an um hoi. Vawlei cung in van zoh tikah million 168 hrawng hngakchia cu rian an tuan ter hna (child labor). Nu upa le hngakcha dang tampi zong tleihhrem le vuakden a tam in tamtuk an tong. A cheu cu an duh paoh in an tuah hnu ah a zuar zong an zuar hna. Mah vialte minung pawl himnak ca le bawmhchanh dingah bawlung chuih minthang David Beckham le Unicef nih “Children Protection Fund ‘7’” timi an ser.

David Beckham Philippines ah

David Beckham hi a no lio tein mi bawmhchanh a rak duh zungzal mi pakhat si. A hlei in hngakchia hi biapi tuk in a daw khun mi si. A nih a bawmhchanh deuhmi zong hi hngakchia deuh lawng an si. Unicef he rian a tuan ti nak hi kum 10 hrawng si cang. Hi chung ahhin ram kip ah a tlawng. A tlawnnak ram i an prime minister le an siangpahrang pawl he zong biaruahnak tampi a ngei mi si. A va tlawnnak lila zong kha bawlung a rak duh mi an si. Cun, a hlan i a rak chuihnak Man Utd. le Real Madrid zong a rak uar tuk ve mi an si. Cucaah, hi bantukin lam tampi hngakchia harsami bawmhchanh khawhnak caan t’ha hna a hmuh khun nak zong hi a si.

“My fame and success on the field opens doors for helping children around the world”

- David Beckham

Hi fund kawlnak i number ‘7’ te a talh duhkhun nak cu Manchester United le England National Team a rak chuih lio i a rak i hruk mi number te ruang khan si. Number ‘7’ cu “lucky seven” tiah auhmi zong si caah, hi hngakchia tete ca ahhin ‘luck’ um seh ti hei duhnak khi si. Luck hi biapi deuh in a chim duhnak cu vawleicung ah hngakchia tampi ebola zawtnak siseh, thlichia (typhoon), vuak den le ning cang loin thih le loh an ton tuk caah si. Beckham nih, “vawlei cung ah ruahchannak ngan bik kan ngeih mi cu hi hngakchia tete hna hi an si” ti.

David Beckham le Africa ram hngakchia

Beckham nih a tu bantukin hngakchia tete bawmhchanh a duh hna tik a lang lawngin si lo. Amah hrimhrim va kal i a si khawh chung in va bawmhchanh kha a duh. A hmun thengte va kal i hngakchia ngaihchia mi hmai i an hnangamnak ah va nuamhseih pi te hna khi si. A caan ah hngakchia nuamhnak ah bawlung te hna a va chuih pi hna. Mah cu bantuk phun cu a luan cia kum 10 chung i Unicef he pehtlai in kai nuamhnak khun cem pawl cu an si. Unicef cu vawlei cung hngakchia rawl ei awk le din awk ngei lo mi te hna, ngaht’ah buangro le harsetnak a tongmi pawl a bawmchan tu an si.

David Beckham le Unicef nih an bawmhmi hngakchia hna

Beckham cu a tu bantukin mi bawmchan kho tu pakhat a si hi a upat hnu lawng ah ai timhlamh mi si lo. A hngakchiat tein a rak i tinh cang mi si. Bawlung a chuih zongah hi bantuk si te dingin timhlamhnak a rak ngei cang. A luancia kum 2013 ah Paris Saint-German (PSG) ah thla 5 chung a rak chuih. Thla 5 chung i a hmuhmi tangka vialte cu charity ah a pek dih hna. Mi bawmhchanhnak ah a hlut dih. Cun, bawlung chuihnak in ai din (retired) lawlaw ve. A tu hi Orlando, FL ah club franchise in a cawk i a buai lio pi si. Stadium minung 25,000 tlum mi zong an sa cuahmah. A clun cawkmi cu ropui ngaiin a rauh hlan ah Major League Soccer ah chuih ding an si.

David Beckham hi keimah pumpak in ka upat taktak. Fapa 4 le nupi kal taak in hiti vawlei cung khuaza kip hngakchia bawmhchanh mi hna hi cu t’ihzah awk a tlak mi pa si. Khat lei in Orlando, FL ah Franchise business lei in buai lio ah. Khat lei in Unicef he an cawl cang. Ram kip zongah a khual a tlawng; Philippines heiti te hna ah. Beckham bantuk saduhthah hi ka hngakchia lio te in ka rak i tinh ve mi pakhat si. Cu ruangah, a tubantuk in a tuahsernak te hna hi zaapi nih thei kho ve dingin ka van tial ve nak hi si.