Many Pacquiao le Floyd Mayweather
cu a luancia caan chungah sau nawn an rak i ngiar cang. Mipi zong nih zeitik
ahdah an i phomh te hnga tiin kan cuanh hna. Kan hnu Pacquiao ai thongh i
teinak a hmuh lio ah interview an tuah i Mayweather he i thongh kong a chim.
Mah cu nih cun mi zaapi thinlung ah lungthawhnak a um ter chinchin.
Tuni Feb 20, 2015 ah Floyd
Mayweather le Manny Pacquiao cu May 2 Las Vegas i phawmh dingin BBC le a dang
sport web pawl zong nih thawng an thanh. Vawlei cu a tur. Mi tampi nih hngah
khawh lomi sport event pakhat a si. Kum 37 a si mi American minung Mayweather
le kum 36 a si mi Philippine minung simi Manny Pacquiao cu an chan chungah
boxing thongh thiam cem tiah, ti veve mi zong an si.
 |
| Mayweather Vs. Pacquiao (May 2nd) |
Pacquiao cu voi 64 boxing ai
thawng cang mi a si. Voi 5 a sung i voi 57 a awng. Mayweather hi Voi 47 ai
thawng cang mi a si ve i voikhat hmanh a sung rih loh. Mipi nih “unbeaten boxer”
an ti mi a si.
A tu an i thongh dingmi ahhin
million $250 a chuak ding a si. A luancia history chungah a tam bik tiah rak
ruahmi cu Mayweather le Saul Alvarez 2013 i an rak i thonghnak kha a si. Mayweather
le Pacquiao nih tuanbia thar tampi an tial. A luancia caan ah million $250 dih
in ai thawngmi an rak um bal rih loh. Cun, pay-per-view a caw ding zong hi a luancia
caan nak in a tam cem a si lai, tiah an zumh.
Mayweather nih amah personal website
zong hitihin caa a tial, “Vawlei cung nih an i hngah hlangmi cu a tu ah kan
phan tak cang.” a ti. Sport event an tuahmi vialte lakah a tu Mayweather le
Pacquiao hi a hlunghlai cem a si. (biggest sport event in history)
References: BBC
No comments:
Post a Comment