Atu thawngpang hi kan hnu zarh ta si. Thawngpang hlun deuh si
kan ti ko lai. Sinain, a thei lomi kan um sual lai tiah, ka van taar t’han. A
sunglawi tuk tiah ka ruah i, zaapi nih thei cio ve ding zongin ai tlak. A
luancia February 13 ah Chinlandguardian nih
Kawlram music band a laar taktak mi Lazy Club le Kawl le Lai hlasak thiam pawl
komh in 2015 Chin National Day’s cu sunglawi ngaiin lawmh an i tim, a ti.
Kawl ram hlasak thiam pawl hi pa ruk hrawng an i tal lai i,
kan Chin mi hlasak thiam zaapi nih theihngalh deuhmi Zam Nu, Thum Kham le Van
Dawt Cin zong an i tal ve tiah Pu Tam Aung, Hakha CND music committee lei an hruaitu
leader pakhat nih a chim.
 |
| Ref. google.com |
Kawl ram hlasak thiam minthang pakhat a si mi Si Thu Lwin zong
nih a tal pi hna lai. Cun, adang hlasak thiam hna zong sawm chih rih dingin
timhtuahnak zong an ngei rih.
Kan hnu ni hnih nii Feb. 17 ahkhan, Hakha phan kho ding in
Lazy Club le hlasak thiam pawl cu an i tim. Adang a herhmi (rehearsals) tibantuk
tuah a hauh lai caah le tuan tein a herhmi timhtuahnak caah a si. A tu cun an rak
phan cang lai!
Avoi 67th nak Chin National Day February 20, 2015 i
an tuah dingmi cu a hlunghlai taktak lai. Hi ahhin, kan Lai laam le kan miphun
kong lam tampi he i pehtlai in CND cu an lawmh lai. Hihi t’hencho pakhat a si.
Laimi a ram thumnak ummi hna zong nih kan rak lawmh pi tuk ve cio lai ka zumh. Bawipa
nih kan miphun kan cawisang chin lengmang ko seh.
A luancia kum hra hrawng cun Kawl ram uknak chiat tuk ruangah kan
Laimi miphun nii zong hi duh ningin rak lawmh khawh a si lo. Si nain, 2012 ah Chin
National Front (CNF) le Kawl ram cozah remnak rak tuah hnu in a tu hi official
tein an kan onh thannak a si.
No comments:
Post a Comment