Hruaitu T'ha, General Aung San

February 13, 2015 cu kan theih bantukin General Aung San chuah nii si. A chuah nii kong he pehtlai in U Tin Oo nih Aung San hruaitu t’ha pakhat a si nak kong tlawmpal a chim. U Tin Oo cu National League for Democracy an hruai tu pakhat si.

Atang leibantuk hin U Tin Oo nih Aung San kong cu a chim:

“General Aung San cu a t’ha tuk mi hruaitu pakhat si. Amah bantuk minung an har lai. 1944 i ralkap ka tlak lio ahhin, a nih cu Burma National Army hruaitu (commander) pakhat si cang. Cu lio ahcun, ral kap a sual mi le a chia mi an rak um lo. A kan hruaitu hna t’hat lo lawng si hmanh ah, a va si lai. ka chim duhnak cu a kan hruaitu an t’hat ahcun, an hruaimi hna zong an t’ha; A kan hruaitu an chiat cun, hruaimi hna zong an chia ve.

General Aung San

A luancia caan ahcun, ralkap pawl hi khua chung mipi nih pek mi ti le rawl rak ei din hi an rak duh tuk lem lo. Khua chung an luh zong ahhin, mi inn chung an luh hlan te ah t’ha tein an hal ta hna hnu lawng ah an lut. An nun ning a rak i dawh. Zei thilpaoh a si ning cang tein khua an rak sa. Mipi nih an rak dawt hna i inn ngeih tu nih rawl an ngeih cun rawl an rak pek tawn hna. Cu lio ralkap pawl nih an rak ruah mi cu zei dang si lo in an ram kong lawnglawng hi si – ram an rak dawt tuk. A tu cun, ram chungah an duh paoh in an um. An duh mi le an hmuh mi thil paoh mi ta ti lo, mah ta ti loin an.

General Aung San a rak thihnak nih kan ram ah muinak nganpi a rak tlun ter. Atu hin nung seh law, kan ram hi hi bantukin ai rawk lai lo i a chiakha hnga lo..

General Aung San cu biachim zong a thiam. A bia chimnak nih mi dang thazaang tampi a pek khawh. A tu nii tiang zong ahhin a bia chim mi tampi an hmun rih. A tu General Aung San kong ka chim pah zong hin, ka lung chungah a van um tuk khun. General Aung San cu zumh awk tlak mi pakhat si. Bia a chim ah mi hmai zoh lo; zeidah a hman timi deuh kha biapi bik in a dir pi. A mah zawnnak in mi zawn a ruat deuh mi zong si. General Aung San cu pasal t’ha le mi ralt’ha pakhat zong si. Tahchunnak ah Aung San cu kan ral si mi zong hawi va ser khi apoi ah a chia lo dingmi si.

General Aung San

General Aung San nih dictatorship (Fascism) zong a rak doh hoi. A mah le mah hrimhrim kha dictatorship a doh lei (Anti-Fascist People’s Freedom League) i hruaitu ah a rak i thim. Aung San cu a ram chung minung vialte Kachin, Karen, le Chin zong t’ha tein a ram chung ralkap pakhat si dingin a rak sawm hna. Kachin, Karen le Chin ti in ralkap squad pakhat ah a rak ser hna.

Caan sau nawn hnu khin, squad pakhat si ko mi cu an chung ah pakhat le pakhat i hmuh thiam lo nak a rak um. An mah le an chuahkeh nak ram (ethnic) deuh ti phun khin an rak um. An chuahkehnak an i dan hna bantukin kan nih miphun cu zei ah an kan rel lo deuh tibantuk ruahnak an rak ngei. An nih miphun cu hawi nakin usape an pek deuh hna tibantuk in an ruahnak a rak i kalh. Mah cu an ruahnak t’ha lo le i hmuhthiam lo nak nih pakhat le pakhat an i zumhnak an rak thlau. Hi bantuk phun hi a tu nii zong ah an cang kho ve i, ralrin kan herh. Sinain, ti khan a tu lio ralkap bawi pawl hmai ah chim ning law cu an ka thah hnga.”

General Aung San le hawi

General Aung San cu hruaitu t’ha pakhat le upat awk tlak pakhat si ruangah a tu nii tiang ho hmanh nih an philh kho lo. Kum fatin a chuah nii fa te a riantuan t’i hawi hna nih an ngai. Hruaitu dang Nay Win tibantuk hna cu an rak chiatkhat tuk ruangah ruak thlah tu hmanh ngei lo in an rak thi. Nii nikhat ahcun, kan thi cio dih te hna lai. Thih lo a ngah lo. Cu caah, General Aung San bantuk in thih hnu ah hawi nih ngeih mi le hlam mi kan si ve hnga maw? Cu silo, Nay Win bantukin dah ruak thlah tu hmanh ngeih lo le thih hnu ah hlam awk t’ha lo mi dah kan si hnga.. ? !

Reference: www.irrawady.org