Lungsaunak, Zumhnak, le Intuar Khawhnak

Vawlei cungah an zuar cem mi le a laar bik mi cauk cu “Bible” hi si. Bible cauk tluk in an zuar mi cauk hi vawlei cungah um lo. Bible cauk a thawtnam a thei taktak mi caah cun khuaruahhar a si. Pathian bia ai theihnak ah mi thinlung chungah biatak tein rian a t’uan i. Pathian thawhchuah hnawh mi le Thiangthlarau tial mi ai theihnak ah. Hi Bible cauk chung ahhin hlan lio minung tampi hna an nun ning zohchunh awk tlak an tam tuk. Cu a tampi hna lak i top 10 an thim mi chungah top 3 hi van zoh hna usih ti ka duh. 

1.       Moses, Mi Lungsau

Moses tuanbia cu zaapi nih kan theih dih tuk cang mi si. Kan pa le nih t’hawngt’ha an kan chimh ah kan theih lengmang. Moses cu mi lungsau taktak a si. Israel mi hna Egypt ram sal sinak in a hruai hna. Ram ro le ram car ah kum 40 chung lunsau thinfual in a hruai hna. Israel mi hna le Moses cu biatak tein khuaci an mui tawn. Israel mi hna nih Pathian cu an zumh ko nain an rak pemh kho lo. Atu ah Pathian sin thla an cam i tlawmpal ah Pathian a mawchiat colh mi an si. Sihmanhsehlaw, Moses nih cun a cawkpiak pah hna, a sik pah hna. Cuticun, kum 40 chung Israel mi cu a hruai hna. Kamhmi Kaanan ram cu Pathian nih a hmuh ter lo nain, Moses tuanbia zoh tikah nang le kei si usih law nikhat hmanh kan hruai khawh hna lai lo hi ka ruat tawn. (Number 20: 8-12) Nangmah tein rak relt’han vete.

 

Moses le Israel mi ref. google.com

Kum 16 pa Martin Odegaard le Cristiano Ronaldo

Laimi nih zei bantuk sport dah kan uar cem ti usih law, pumpululh chuih ti cu chim hau lo. T’haal chuah le chuah lo ti hlah, pumpululh chuih lawng te Laimi kan umnak hmun paoh ah. Inn kan um i sport kan zoh ve ti zong le pumpululh chuih deuh hi si hoi ko. Cheukhat upa deuh le mino tlawm taktak te nih cun Tennis hi kan van uar pah. Adang sport hi cu chim hmanh hau lai ka zum loh. Kan zoh lo tuk ko rua ka ti.

Zeisihmanh ah, pumpululh chuih cu kan uar tuk fam cu teh. Zeidah tu lio pumpululh lei thawngpang nih an chim, an rel ti cu kan theih ahau ko. Atu lio sport news i a laar ngaimi le ka uar tuk mi cu Spain ram Real Madrid Football Club nih Norwegian (Norway mi) kum 16 pa te an cawk mi le tu lio vawlei cung pumpululh chuih thiam bik Cristiano Ronaldo le a nungak nu an i t’henmi kong hi si. Real Madrid nih zahan 01/21/2015 ah, Martin Odegaard cu Europe 2.3 millions in an cawk. Phundangin, zarh khat ah Europe 80,000 tluk a ei tinak si an ti. Odegaard cu khuaruahhar khin a thiam. Europe ram chung i club lianlian, Man Utd, Arsenal tibantuk le Bayarn Munich pawl nih an mitthit ngaingai mi si. Martin Odegaard cu medical checkup zong ai tuah viar cang i a tlamtling ti thawng kan theih.

Martin Luther King Jr.

Martin Luther King Jr. nih Wasthington, D.C ah "I Have a Dream" timi speech atuah lio 

U.S.A ram chung company tampi nih cun Martin Luther King’s Day hi rian kan tuan lo. Kan tuan lo man zong t’ha tein an kan pek thiamthiam fawn. Laimi tampi kan tuannak company dang zong khar cio ve khawh kan si. Sihmanhsehlaw, Laimi cheukhat nih cun zeidah Martin Luther King’s Day hi asi ti hi a thei lo mi hi kan um lai ka zumh. Zeiruang ahdah, U.S.A cozah nih Martin Luther King’s Day hi National Holiday ah an rak ser ti le Zeitin dah arak i thok ti hi a dihlak le fiang cikcek in kan theih khawh lo hmanh ah, zeiruang ahdah rian kan tuan lo timi hi cu tlawmpal tal kan theih a herh.

Martin Luther King’s Day taktak ka van tial hlan ah amah Martin kong hi tlawmpal tein van zoh usih law, kan fian deuh chinchin lai ka zumh. Martin kong cu sianginn kan kainak zongah saya te nih an kan chimh cawnpiak lengmang. U.S.A ram le ahlei in Minak pawl (African American) pawl caah cun zeitluk in dah sullam a ngeih hi kan theih dih ko. Tawinak taktak tein ka van tial ve lai.

Zumhnak Cu Nunnak Ah Langseh

Tuzaan cu kan khua Calvary Chin Baptist Church (CCBC) mino Cincinnati-Northern Kentucky area ummi hna nih 2015 chungah avoi (2) nak pumhnak kan tuah. Kan mino secretary pa nih siaherh ngai in chairman na kan t’uan piak la tiah telephone a van ka chawnh. Kum thok kaa hrawng caan hman lai cu tiah, ka lungthli in ka rak i nuam ngai. Kan pumh zaan ahcun 2015 mino kan tlangtar “Zumhnak Cu Nunnak Ah Langseh” timi kha pumpak in aa pe kho mi paoh nih bia tawi chimnak um la ti si. Leklak ka min cu ka pek hna i thlacamnak tehe ka sikhawh chungin Bible sermon ding cu kai kawl sek. Note zong ka si khawh chungin Microsoft ah kai t’ial hna. Ready ngai cun ka um ka ti i pumh kan kal pah ah ka note t’ial mi vial te cu print ka van philh kha ka van theih. Aran nakin kan kir le ka van print la kati ah kan printer ink a rak dih ngelcel! Pumhnak ahcun CBC hla buu sak pahin anrak ka hngak. Lungfim lo ngai le i phuhrung ngai in pumhnak cu ka hruai hna. Bia tawi chim dingin kai timhtuah mi le bang cu achim ka chim kho loh!

Ka mawh bak loh ka ti. Aruang cu, mihmai bia chim hi a fawi a rak fawi loh. Atu ka bia tawi chim cu, ka chuah kaa in a voi (1) nak mihmai ka dir i ka bia chimnak pei si ve. Cu chinchap i chairman hna si i hngahmi rak si rih. Cun, U.S.A mipi vial te nih an t’ih cemmi cu mihmai dir i biachim hi pei si. Mah cucu ahman bak misi. Fear of public speaking ranks #1 for Americans timi kha ka lungah a van chuak colh. Sihmanhsehlaw, kan chim lo lengmang cang ahcun zeitin dah kan ral cu t’hat khawh hnga. Kan thir bu le kan ngamh lo bu zong cun Pathian bia cu kan chim lengmang la i pei hmailei ah Pathian nih mihmai bia chim ralt’that nak cu a kan pek te lai cu. Cucaah, kan khua mino pumh ah bia tawi chimnak (short speech) um chung paoh cun ka min kai pe peng la tiah lung khiahnak zong mah zaan ahcun ka ngei beh.

Minung kan chungah a nungmi thil pahnih an um

Mi tampi nih kan rak i palh theu tawn. Kan rak i palh ruang ahhin zapi cu Pathian he a kan hlat ter i cucu, hi vawlei ah apoi cemmi si. Pathian he i hlat tluk in hi vawlei ah apoi mi thil a um lo. Baibal ca chungah minung kan pum hi Thiang Thlarau in khahter a kan fial. Minung si nakin kan khah ter kho lo ruangah sualnak kan tuah langmang t’heu tawn. Baibal nih kan pum hi Thiang Thlarau in khahter a kan fial ko nain, Baibal chungah kan hmuhmi cu minung pakhat khat chungah hin khuachia aa hrolh (alut) ati mi kan hmuh fawn. Matthai, Marka le Luka chungah kan rel ahcun Bawi Jesuh nih khual a tlawnnak ah Khuachia a thawl piak mi hna kan hmuh. Adang tampi lak I van char ka van duhmi cu:

Honda company millions $70 an bar

Honda company accident an rak tonmi vialte a luancia kum 11 chung ah tha tein report a tuah lo ruangah cozah nih millions $70 an bar hna. Report an tuah lomi hi accident lawngah si lo in, adang pumpak himnak lei chambau nak lei zong aitel chih. 

Honda nih aluancia kum 11 chung i 1,729 accidents le thih le loh i khawndennak an rak tonmi vialte pakhat hmanh National Highway Traffic Safety Administration ah atuah lo. NHTSA cu U.S cozah agency pakhat asi. A fawinak in, U.S transportation leiah department pakhat an si. An i tinhmi (mission) cu mawt'aw he pehtlai in minung kan himnak ding caah riantuan mi le asi khawh chungin accident lei i khawndennak tlawmter hi si. Agency zong nih biafiang in mah hi 1,729 accidents chungah hin minung zeizah dah an thi timi hi fiangin cun a thei ve rih lo nain an thin cu hung ngai. Japan mawt'aw sermi pawl zong nih tha tein mah hi accident kong he pehtlai in report an tuah lomi hna hi kan palh ko tiah an i win-khan (admitted). Sinain, computer program le thil dang an rak ngeihcia mi tete (data) i palhnak le tlamtling lo nak um ruangah report kan rak tuah lo nak si an rak ti. Sihmanhsehlaw, Anthony Foxx nih cun Honda lawng si lo in, adang mawt'aw company dang zong nih hi bantuk in report an kan tuah lo cun an luat hlei la loh tiah a van nolh.