Hi kong he pehtlaiin catial thiam tampi le Blogger pawl nih an tial cio hna. An hmuhning le an ruahning an i dang cio. A cheu nih politic mit in an zoh. A cheu nih Laikhal mit in an zoh. A cheu nih biaknak lei in an zoh. Kei, Bible leiin van zoh ve ka duh. Bible cu Genesis in Biathlam tiang hi Jesuh kong lawngte a si, ti a si. Pathian cu bia a si i, cu Bia cu a tu kan rel lengmangmi Bible ca hi a si ko. Bible na zumh lo ahcun a nungmi Pathian na zumh lo he ai khat. Cucaah, Bible nih "Yes" a timi cu kannih nih "Yes" kan ti ve awk a si. Cun, Bible nih "No" a timi cu "No" kan ti ve ding khi a si.
Bible hi ka cawng rih lo nain vawleicung ah theih awktlak le buaipi awktlak cauk pakhat ah ka ruahmi cu Bible lawnglawng hi a si. Zeidang tampinak zong in kan rel deuh ding cu Bible hi a si ko. Bible kan rel lo ahcun kan tlau lengmang ko la. Bible hi kan tahfung tha bik a si. Hi vawlei mifim le mirum hna nih zeidah an chim tihi a biapi lo. Bible nih zeidah a kan cawnpiak ti ruah tuhi a biapi deuh tuk paliami a si. Cucu, zumtu kan caah kan tuah awk rian pakhat zong a si chih. Khah, sicun Bible nih chiatha-khat thitumhnak a pom maw pomlo van zoh hna usih.
US cu ningcang loin a um chin lengmang la, tiah ka ruah. Aruang cu, Sodom le Gomorrah ram ahhme an ser cang hi! Genesis 19 kan rel ahcun Sodom le Gomorrah rawhnak kan hmuh. Sodom le Gomorrah khua cu an sual tuk caah Pathian nih katmei a surter. Mei bakin a hrawh dih. Khua chung minung vialte zong an thi dih (Lot te chungkhar dah tilo cu). Zeiruang hme a si hnga?
Levitikas 20: 13-14
"Mipa nih mipa cu nu bantuk in a ihpi ahcun, an pahnih in fihnung an tuah; thah an si lai, an thisen cu anmah cungah a si. Mipa pakhatkhat nih nupi a thit i a nu zong a nupi ah aa serh ahcun, mah cucu that lo cikcek a si; mei in khangh an si lai, amah he anmah he; nannih lakah cu that lonak cu um hlah seh."
Bible lei cawnnak a ngeimi thawngtha chim thiam tampi nih an chim lengmang ka theih. Sodom le Gomorrah khua cu an sual tuk, ti a si. Vawlei he an i hawikom tuk. Nule pa sualnak an tuah. Nule pa sualnak tuah hi lentecelh in an i celh. Sualnak a karh chinchin. Sertu Pathian a hodah a si ti an hngal ti lo. An sual tuk ning cu Pathian nih a van thlahmi Lot khual Vangcungmi hna hmanh kha ihpi an timh hna. Lot khual pawl cu Vancungmi 'pa' an si rih. Cutluk cun dawh an rak sual cuh. Atu kan chan he aa lo bakte a si. Pale pa sual hmanh pei zeihmanh ah kan rel tilo hi! Same-sex marriage hi atu kan chan lawngah a ummi a si lo; atu Lot te chanpi hin a rak um cangmi a si. Cucu hi a tanglei Bible nih fiang tukin a chim.
Genesis 19:4-8
"Khual cu an ih hlanah, Sodom khuami pa nih khan inn cu an rak kulh. Khuachung mipa vialte cu a no he a tar he an tling dih. Lot cu an vun auh i, "Na inn i a riakmi pahnih hna kha khuazei ah dah an si? Hun chuahter hna law kan rak ihpi hna lai," an ti. Lot cu lengah a va chuak i innka cu a khar. Annih cu a thawh hna i, "Ka duate le, zei kan ti hnga, hi bantuk thatlonak cu tuah sawh hlah u! Zohhmanh u, pa a hngal rih lomi fanu ngaknu pahnih ka ngei hna. Annih tu hi rak chuahpi hna ning law nan duh paoh in nan rak tuah hna lai. Sihmanhsehlaw hi khual hi cu zeitin hmanh in ti hna hlah u, ka inn chung i a ummi ka khual an si i ka huhphenh hna hrimhrim awk a si," ati."
Australia ram i Chin News Channel (CNC) pawl nih same-sex marriage kong hi Dr. Tuan Peng Thang a hmuhning an hal ve i hitin a leh hna.
"Hi bantuk in same-sex marriage tiangtiang hna onhnak a chuahpi tuhi politic pawl an si. Pathian duhnak zoh ti loin mipi duhnak kha zei paoh an tuah. Cun, Pathian nih Noah chan lio i kan vawleipi tiin a tawlnak cu hi same-sex marriage ruang hin a si. Pathian nih a mithiang hna hi vawlei ah karh hna seh ti a kan duh. Pakhat le pakhat i thi-um hna sehlaw fa tampi hring hna seh tihi a kan duh. Sihmanhsehlaw, Noah chan lio ahhin vawlei mipi hi an rak sual tuk. An rak sual tuk caah hi same-sex marriage tiang hi a rak chuak. Nule nu, pale pa sualnak tiang an rak tuah. Cucaah Pathian a thinhung tuk nakin kan vawleipi tiin a rak tawlnak kha a rak si. Jesuh nih ka rat lai ahcun Noah chan bantuk si te lai a kan ti fawn. Cucaah, kan nikhua caan hi a nai chin lengmang," tiah a chim.
Dr. Tuan Peng Thang interview an tuahnak cu a tanglei ah ka rak thil chih. Rak ngai vete. Anih hi Bible leiah a cawnnak sang ngaimi a si. Tuhi Malaysia CCF ah Pathian rian a tuan lio. Cucaah, Bible he pehtlaiin hi a biachimmi hi a hman ko, tiah pom khawh a si.
 |
| Dr. Tuan Peng Thang |
"Hi bantuk in same-sex marriage tiangtiang hna onhnak a chuahpi tuhi politic pawl an si. Pathian duhnak zoh ti loin mipi duhnak kha zei paoh an tuah. Cun, Pathian nih Noah chan lio i kan vawleipi tiin a tawlnak cu hi same-sex marriage ruang hin a si. Pathian nih a mithiang hna hi vawlei ah karh hna seh ti a kan duh. Pakhat le pakhat i thi-um hna sehlaw fa tampi hring hna seh tihi a kan duh. Sihmanhsehlaw, Noah chan lio ahhin vawlei mipi hi an rak sual tuk. An rak sual tuk caah hi same-sex marriage tiang hi a rak chuak. Nule nu, pale pa sualnak tiang an rak tuah. Cucaah Pathian a thinhung tuk nakin kan vawleipi tiin a rak tawlnak kha a rak si. Jesuh nih ka rat lai ahcun Noah chan bantuk si te lai a kan ti fawn. Cucaah, kan nikhua caan hi a nai chin lengmang," tiah a chim.
Dr. Tuan Peng Thang interview an tuahnak cu a tanglei ah ka rak thil chih. Rak ngai vete. Anih hi Bible leiah a cawnnak sang ngaimi a si. Tuhi Malaysia CCF ah Pathian rian a tuan lio. Cucaah, Bible he pehtlaiin hi a biachimmi hi a hman ko, tiah pom khawh a si.
Cu lawng si rih loh. Bible biakamthar cauk i Korin khua zong hi a rak sual taktak vemi an si, tiah Rev. Hoi Cung Tum le Bible leiah cawnnak a ngeimi thawngtha chim thiam tampi nih an chim lengmang.
Korin khua cu mirum le mifim umnak a si. Paul hmanh nih Korin khua kal i thawngtha chim ding hi a rak ngeihlah. Korin khua cu rili kamte a si caah mi chuak lut zong an tam fawn. Chawlehnak (sibuaizi) zongah a tha. Cucaah, Korin khua cu tangka an ngei. Mifim an karh. Mirum zong an karh. Tikah, sualnak zong a karh chinchin ve. Sualnak a karh tuk tikah cun tuah lo ding thil tiang zong tuah tawn a si. Sertu Pathian ruat ti loin mah duhnak le kanmah a kan nuamhter tu thil le lawmhter tu thil paohpaoh tuah zungzal a si. Cucaah, hi tlukin tuk a summi le fih a nungmi nule nu, pale pa sualnak (same-sex marriage) tiang a rak chuak. Cucaah Paul nih fak piin a rak sik hna.
1 Korin 6: 9-10
"Mitha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le, mi thil a chutmi le hak a kaumi le zu a rimi le mi a congoih a hmangmi le mifir a simi hna nih cun Pathian Pennak cu an co lai lo."
Bible nih fiang tukin a chim ko. US ram zong hi zeidang pakhat hmanh a si lo; sualnak karh tuk ruangah a chuakmi lawngte an si ve. US ramah biakinn a thawngthawng in kum fatin an zuar. Biakinn hohmanh an panh ti lo. Sertu Pathian an philh dih cang. Mino chinchap cu zeihmanh chim awk um lo. Weekend i bar kal le party hi an siasal si cang. Vawlei nuamhnak par tlanhnak ah an pil tuk cang. Hi same-sex marriage hi micheu nih an i chuahpi mi a si, an ti. Nain, kei cu ka zum thlu loh. A um zong cu kan va um ko men la. Sihmanhsehlaw, Bible ca chung i kan hmuh bang, sualnak karh tuk ruang i a chuak vemi sualnak pakhat te ah ka ruah ko.
Hi capar ka tial tikah nule nu, pale pa aa thi-um mi hna hi ka huatnak hna a si lo. Ka dohnak hna zong a si lo. Sualnak tu an tuah, tiah ka ruah ko. Kannih zong cu sualnak kan tuah peng ve ko. Jesuh dah tilo cu mitha le mitling hi vawlei ah hoodah a um. Sihmanhsehlaw, sualnak cu kan doh awk a si. Kan hnatlakpi awk a si loh. Thazaang kan pek hna awk a si. Bible nih cutin a chim i, hihi cu na tuah awk a si lo, tiah kan cawnpiak hna awk kan riak a si.
*Hi capar hi ka lungchung ummi sawhsawhte siaherhnak nganpi ka van tialmi a si. A reltu caah a thathnem ahcun, cucu ka thlacamnak a si. Na hawi le na siaherh hna sicun rak share ve te. God bless you.
Korin khua cu mirum le mifim umnak a si. Paul hmanh nih Korin khua kal i thawngtha chim ding hi a rak ngeihlah. Korin khua cu rili kamte a si caah mi chuak lut zong an tam fawn. Chawlehnak (sibuaizi) zongah a tha. Cucaah, Korin khua cu tangka an ngei. Mifim an karh. Mirum zong an karh. Tikah, sualnak zong a karh chinchin ve. Sualnak a karh tuk tikah cun tuah lo ding thil tiang zong tuah tawn a si. Sertu Pathian ruat ti loin mah duhnak le kanmah a kan nuamhter tu thil le lawmhter tu thil paohpaoh tuah zungzal a si. Cucaah, hi tlukin tuk a summi le fih a nungmi nule nu, pale pa sualnak (same-sex marriage) tiang a rak chuak. Cucaah Paul nih fak piin a rak sik hna.
 |
| Korin Khua |
1 Korin 6: 9-10
"Mitha lomi nih cun Pathian Pennak cu an co lai lo ti kha fiang tein nan hngalh ko. Nanmah le nanmah kha i hleng len hlah u; misual mi le siasal a biami le vacung pa duhmi le nu nih nu he sualnak, pa nih pa he sualnak a tuahmi le, mi thil a chutmi le hak a kaumi le zu a rimi le mi a congoih a hmangmi le mifir a simi hna nih cun Pathian Pennak cu an co lai lo."
Bible nih fiang tukin a chim ko. US ram zong hi zeidang pakhat hmanh a si lo; sualnak karh tuk ruangah a chuakmi lawngte an si ve. US ramah biakinn a thawngthawng in kum fatin an zuar. Biakinn hohmanh an panh ti lo. Sertu Pathian an philh dih cang. Mino chinchap cu zeihmanh chim awk um lo. Weekend i bar kal le party hi an siasal si cang. Vawlei nuamhnak par tlanhnak ah an pil tuk cang. Hi same-sex marriage hi micheu nih an i chuahpi mi a si, an ti. Nain, kei cu ka zum thlu loh. A um zong cu kan va um ko men la. Sihmanhsehlaw, Bible ca chung i kan hmuh bang, sualnak karh tuk ruang i a chuak vemi sualnak pakhat te ah ka ruah ko.
Hi capar ka tial tikah nule nu, pale pa aa thi-um mi hna hi ka huatnak hna a si lo. Ka dohnak hna zong a si lo. Sualnak tu an tuah, tiah ka ruah ko. Kannih zong cu sualnak kan tuah peng ve ko. Jesuh dah tilo cu mitha le mitling hi vawlei ah hoodah a um. Sihmanhsehlaw, sualnak cu kan doh awk a si. Kan hnatlakpi awk a si loh. Thazaang kan pek hna awk a si. Bible nih cutin a chim i, hihi cu na tuah awk a si lo, tiah kan cawnpiak hna awk kan riak a si.
*Hi capar hi ka lungchung ummi sawhsawhte siaherhnak nganpi ka van tialmi a si. A reltu caah a thathnem ahcun, cucu ka thlacamnak a si. Na hawi le na siaherh hna sicun rak share ve te. God bless you.
No comments:
Post a Comment