Real Madrid Karim Benzema le Rihanna An i Duh

Vawleicung bawlung club team i a rum bikmi Real Madrid hmaikal Karim Benzema le vawleicung hlasak thiam Rihanna (Riri) an i duh. 

Karim le Rihanna hi, Kan hnu kum te khan aa thei cangmi an si. Tu chan cu Social Networks chan a si caah annih pahnih zong via Twitter in an i thei ve. Messege zong an i kua peng. An i pehtlai peng. Kanmah cio bang, hawikom an si hnu ah aa duhmi an si. Rihanna hi, tlangval tampi he aa duhmi a si. A puai ngai. Mitpar zong a ngei. Cheukhat minak pawl le bang nih, "million tangka na ngeih cun, Rihanna hi na co khawh la, tiah an ka ti tawn (capo in). Sinain, Rihanna nih Karim hi ka hawikom tha bik (best friend) tiah a rak chim. Cu hnu cun, tihin huam tein aa duhmi an si. 

Rihanna le Karim an vah lio

Annih pahnih an i duhning hi hawi he aa dang ngai. Zeitintiah, fak tuk in an buaipi lem loh. Huasam tein thil an kalter i, aa duhmi te an si. An pahnih te hin an i duh ngaingai. Rihanna cu kan theih cio bang vawleicung hlasak thiam minthang pakhat a si. Annih pawl hi an i manh theng bal loh. Show an tuah, aw an i tun, music video an i thla, hmanthlak le commercial (cawng-ngia) kip ah an i tal. Cucaah aa manh lo ngaimi an si tawn. An boyfriend/girlfriend te pawl he i theihthiam a har ngai i, mi tampi cu an i then tawn. Sau an i duh kho hna lo.

Sihmanhsehlaw, Karim nih tha tein a theihthiam dih. A duh tuk caah a si kho men. Hi ruang ko hin Rihanna nih a duh ve i, a caah a special khunnak a si. Rihanna zong nih, "atu bantuk Karim cung i feeling ka ngeihmi hi zeitik hmanh ah ka ngei bal lo" a ti. Karim cu bawlung a chuihnak zongah midai a si. A vuivai bal loh. Yellow card le red card zong a ngah bal theng lo. Bawlung a chuihnak ah teirial thlu takmi zong a si fawn. Hi ruang hin Rihanna nih a upat tuk ve.

Rihanna cu pa tampi he aa duh tawn. Chris Brown he zong aa duhmi an rak si. Rap hlasak thiam Drake he aa duhmi an si fawn. Amah ruang hin pa tampi zong an buai tawn. Vawleicung hlasak thiam pipi zapi theih in an buai theo. Cun, Hollywood minthang Leanardo DiCaprio (Titanic minta pa) he zong an i duh, tiah an rak ceihmi a si. 

Reference: http://www.mirror.co.uk/3am/celebrity-news/rihanna-enjoying-special-relationship-real-6090620?ICID=FB_mirror_main