2015 CBCUSA Youth Department Nih An Tuahmi P&W Concert le Youth Consultation ah Sawm Nan Si!!

Tutan zarh nirukni July 11, 2015 cu kan umnak Cincinnati, OH ah CBCUSA Youth Department nih avoi (1)nak bik "P&W Concert and Youth Consultation" an tuah lai. Hi program ah USA um Lai mino vialte sawm dih nan si. A bik in, Cincinnati, OH i an tuahmi cu Ohio, Indiana, Kentucky, le Michigan hrawng i a ummi Lai mino hna caah timhlamhmi a si. Hi program chung i music a tum dingmi hna cu, CBCUSA Civuipi lio i a tummi hna le Cincinnati, OH music group pawl an si lai. Hi program cu tuan piin thawngthanh cangmi a si bantukin location tampi kal dingin timhlamhnak ngeih a si. I, cu khua (location) hna cu a tanglei hmanthlak ahhin zoh khawh a si. Hi kan program chungah hi ca a relmi nan dihlak le hi thawngpang a theimi paohpaoh cu nan rak kan talpi ve hrimhrim naklai Bawi Khrih minin kan in sawm hna.

Hi program chungah hlasak thiam tampi an um. A bikin, atu lio Pathian mihman a simi CBCUSA Civuipi P&W Group hna hi an a si la. Cu hna cu, Emily Ngun Hlei Sung, Esther Van Hnem Sung, Rem Rem, single album aa chuah ve cangmi Za Ceu, 2015 CYO Idol Aa Thang le adang kan Lai mino hlasak thiam tampi zong an i tal la. Hi hna hi, atu lio ah Pathian nih a hman taktakmi hna lawngte an si. Anmah pumpak cio zong hi Pathian ai bochanmi le a ttihmi an si dih. An bia le hla nih mi lungthin chungah fak piin rian a ttuan. Hla fung khat an sak lai zongah Pathian sin thlacamnak le timhlamhnak biatak tein a ngeimi lawngte an si fawn. Keimah pumpak hrimhrim nih ka uar kho tuk hna. A nih deuh, tiin an min van char awk hmanh ka thei kho hna lo. Cutluk cun, Pathian nih an awzai a hman hna i mi lungthin kekkuai dih tiangin Pathian hla an sa kho. Cun, zeitluk in dah an awzai a that cu CBCUSA Civuipi a zawhmi nih kan theih dih ko la. 

2015 P&W Concert le Youth Consultation i hlasa ding pawl

Cu lawng hlah! USA ram i pastor mino deuh tete kan i ngeihmi hna zong an tal la. Cu hna cu, Pastor David Thawma le Rev. Charles Nunuk hna hi an si. Pastor dang zong an i tal kho rih men. Hi hna hi, Pathian nih Thlarau fimnak a pekmi hna an si, tiah ka ruah ko. Zeicatiah, an biachimmi hmual an ngei. An bia chimmi chungin tampi pumpak thanchonak caah le Pathian lei karhlannak ah i lak khawh dingmi tampi an um.

Rak ra ve hrimhrim! Zeitintiah, na caah miaknak tampi a chuahpi ding thil a si. Chun he zaan he program a um lai. Pathian bia in pakhat le pakhat thazaang i pek le i hawikomh a si la. Tehtekhannak zong a um la. A duhmi paoh nih zalong tein tehtekhannak le Pathian biatawi chimnak zong a um la. Cun, CBCUSA nih aa tinh khunmi "consultation" in caan hman a si la. Hi "consultation" nih aa tinhmi cu, Khrihfabu chung cawlcanghnak ah zeitindah kan thancho khawh deuh la tiin pakhat le pakhat ruahnak i cheuh khi a si. Khrihfabu i hruainak ah ruahnak le kan hmuh ning cio zalong tein chim a si la. A hopaoh chim khawh a si. Tuni ah Khrihfabu kip nih kan ngeihmi issue pakhat cu P&W kong hi a si. P&W cu Khrifbu chung i kan pale cheukhat nih an doh. An chan le kan chan aa dan tuk caah an kan dawi khawh lo zong a si kho men. Tikah, buainak le ihmuh thiamlonak tete an um theu. Cu bantuk issue pawl he pehtlaiin ruahnak i cheuh le thazaang i peknak a um la.

Chun caanhmannak progrom a dih in zaanah P&W concertpi cu thok a si la. Kan Lai mino hlasak thiamthiam hna nih an kan hruai lai. Kaa ngeih taktak! Zalong tein Pathian kan thangthat hna la. Dong loin hla kan sa lai. Pathian cu thangthat a duhmi Pathian a si. Pathian nih minung a rak kan ser cu Amah thangthat sunparnak pek dingah hin a si. Paul le Silas nih zaanttim ah Pathian sinah thla an cam i thangthatnak hla an sak ruangah luatnak an hmuh. Thong inkaa vialte aa bauh dih. An cikcin vialte zong a cat dih. Damnak zong an hmuh fawn. Thonginn cu lihninh in aa hnin. Anmah lawng hmanh si loin thonginn chung ummi vialte nih luatnak an hmuh chih dih (Lamkaltu 16). Rak ra ve hrimhrim! damnak na hmuh lai. Luatnak na hmuh la. Nangmah lawng siloin na hawi nu/pa le na chungkhar tiang nih damnak le luatnak an hmuh ve hrimhrim la. 

Hika hmun phak khawh lawnglawng van i zuam ko. A dang cu inntek lei nih "take care" dih nan si la. Luhman tangka lak a um la lo. Rawl le ti zong "free" dih an si la. Vanlawng in rat na duh ahcun inntek lei i tawlreltu pa khatkhat theihter hna law na phaknak ding hmun ah ready tein don na si la. Riah duhmi caah tiin riahnak hmun zong ready in chiahpiak viar nan si cang. Hika hmun na phak hnu cun transportation kongah na lungrethei hlah. Tawlreltu hna nih rian khinh in mawtaw mongtu ready in chiah an si dih fawn cang. Rak ra ve hrimhrim! 

Cincinnati, OH

Cincinnati, OH le Northern Kentucky area ah Zion Chin Baptist Church le Calvary Chin Baptist Church tiin Khrihfabu pahnih a um. An pahnih tein member aa zat khing an si. Mino zong cu thiamthiam. Cincinnati, OH cu Ohio state chungah i a khuapi cemmi khua ah pathumnak a si. Minung 2,199,914 tluk an um. Laimi cu 300 in 400 karlak kan si. Indianapolis, IN in nazi pakhat le cheu hrawng mawtaw mongh a si. Chicago i nazi 5 hrawng mongh a si ve. Hika khua chung mino pawl zong atu CBCUSA Youth Department nih kan khua i hi bantuk program a sunglawimi le a hlunghlai taktakmi tuah an i timhmi hi an i lunghmuih tuk. A ngeih zong an i ngeih tuk ve! Pathian thangthatnak in thazaang tampi lak dingah ready an si hih. 

Caan hmanning program cu tihin a si la. Youth consultation cu July 11 zing 10:00 am in zaanlei 5:00 pm tuah a si lai. Rev. Charles Nunuk le Pastor David Thawma nih a kan hruai te lai. Address cu: 2323 Dixie Highway, Fort Mitchell, KY 41017 ah si lai. Praise & Worship cu zanlei 7:00 pm in 10:00 pm tiang CBCUSA kan hlasak thiam le musician pawl nih hlunghlai taktakin an kan hruai lai. Address cu: 116 Common Wealth Ave, Erlanger, KY 41018 a si lai. 

Inntek lei hna cu meeting atu le tu an tuah i an i ready tuk cang. Nang zong vacation le day-off hna van la law rat khawh van i zuam ve hrimhrim. Atu tiangah Khua dang ummi kan Lai mino pawl ara dingmi tampi an um cang. An i timhtuah ning a tha ngai, tiah thawng kan theih. Hika na phak hnu cun zeihmanh na lungrethei hlah. Inntek lei nih zeipaoh "take care" dingin ready an si tiah ka van nolh than duh rih ko. Cun, hi program kong he pehtlaiin inntek lei chawnhkhenh na duh ahcun a tanglei minung hna hi zalong tein chawnh khawh an si la. 

Sailo Thang: (301) 233-8287
Chan Sang: (513) 372-1520
Steven Thang: (513) 600-8815
Cung Bawi Thawng: (859) 907-7110
Van Neih Bik: (513) 828-8879

Hika hin music tumtu le hlasa ding pawl interview an tuahnak bih chap.