Kum 16 pa Martin Odegaard le Cristiano Ronaldo

Laimi nih zei bantuk sport dah kan uar cem ti usih law, pumpululh chuih ti cu chim hau lo. T’haal chuah le chuah lo ti hlah, pumpululh chuih lawng te Laimi kan umnak hmun paoh ah. Inn kan um i sport kan zoh ve ti zong le pumpululh chuih deuh hi si hoi ko. Cheukhat upa deuh le mino tlawm taktak te nih cun Tennis hi kan van uar pah. Adang sport hi cu chim hmanh hau lai ka zum loh. Kan zoh lo tuk ko rua ka ti.

Zeisihmanh ah, pumpululh chuih cu kan uar tuk fam cu teh. Zeidah tu lio pumpululh lei thawngpang nih an chim, an rel ti cu kan theih ahau ko. Atu lio sport news i a laar ngaimi le ka uar tuk mi cu Spain ram Real Madrid Football Club nih Norwegian (Norway mi) kum 16 pa te an cawk mi le tu lio vawlei cung pumpululh chuih thiam bik Cristiano Ronaldo le a nungak nu an i t’henmi kong hi si. Real Madrid nih zahan 01/21/2015 ah, Martin Odegaard cu Europe 2.3 millions in an cawk. Phundangin, zarh khat ah Europe 80,000 tluk a ei tinak si an ti. Odegaard cu khuaruahhar khin a thiam. Europe ram chung i club lianlian, Man Utd, Arsenal tibantuk le Bayarn Munich pawl nih an mitthit ngaingai mi si. Martin Odegaard cu medical checkup zong ai tuah viar cang i a tlamtling ti thawng kan theih.

Norway ram caah pumpululh chuih lio

Martin Odegaard cu amah kum t’hirual ah a thiam tuk caah record tampi a break mi um. A fawinak in, hawi si khawh leng pikhin a si kho. Keimah pumpak zong ka khuaruah khi ahar. Atang lei ah a video van zoh cio ve uh. 

Martin Odegaard cu, anmah Norway ram chung i professional 1^st team Tippeligaen league ah kum no bik lawng si lo in, Norway International team zongah kum no bik a si. Amah tluk in a kum no mi hi bantuk hin an chuih bal loh. Amah lawnglawng hi a si. Sihmanhsehlaw, Martin Odegaard nih Real Madrid ai thim mi hi mi tampi nih an mawhchiat. Mi cheu nih cun kan hei lawmhpi ko. An mawhchiatnak aruang cu, hitluk in Europe ram chungah a tur in tur i a laar. Club lianlian nih an mitthit i an duh an uar ko nain, Real Madrid ai t’hial ahcun ayan (substitude) ah an chiah lai ti an phang tuk. An mawh lo ka ti. Real Madrid cu kan theih cio bantukin, vawlei cungah a thiam ti le a laar mi cu tangka an offer colh hna i an cawk colh hna. An team chungah vawlei cung a thiamthiam an tling dih. 

Sergio Ramos, Martin Odegaard le Cristiano Ronaldo training lio

Cu ruang thengte cun, mino zaapi, zaara cu an vuivai. Atu bak van laar pin ah, kum 16 lawng si rih i vawlei cung a thiamthiam lak i caant’ha (chance) a hei hmuh ding kha an ruah piak ngam lem loh. Ayan ah an chiah lai i a lo tlau thai la ti kha an phan bia si. Sihmanhsehlaw, minung cu a ho hmanh chim khawh si lo. A awngmin (success) kho mi zong si ko. Martin Odegaard nih Real Madrid aithim mi hi a mawh loh. Atu lio club lianlian lak i a rum bik le a laar bik cu Real Madrid cu pei an si cu. Fan zong an ngei cem. Atu ahhin, Martin Odegaar bantukin offer nak tong usih law, Real Madrid kan i thim dih ko la. An chuih dan style le a chuihmi players pawl vialte zong cu atu chan mino pawl uarci taktak cu pei an si ve cu. Cu ruangah, hi Martin Odegaard zong nih hin ai thimnak si lai ka zumh. Amah zong nih, “mah vialte club chung ahhin Real Madrid hi ka uar cem ko. Keimah he zong kai tlak cem la dah ka ti” ati.

Ronaldo le a nungak nu Russian miphun si mi Irina Shayk cu kum 5 chung an i duh hnu ah an i t’hen ve. Irina Shayk cu Russian model minthang pakhat si. Magazine phawcuang ah a tu le tu sawm vemi le cawngngia (commercial) tampi tuah ah sawm lengmang ve mi si. Irina cu 2014 chung i a chuakmi Hercules timi movie zongah Dwayne Johnson (The Rock) he movie an i thla t'i ko khah! 

Hercules movie 

An i duh nain, hmunkhat ah an um kho tuk lo. Irina nih a tu le khualtlawng. A kenkip ah ram le city ah tangka pekin hmanthlak an sawm . Ronaldo nih le ni fatin chuak a umnak Madrid, Spain  ahcun training le pumpululh chuih peng cu si ve. An pahnih te in caan rem veve an hmuh ahhin an hei i hmu tong i cuticun, caan’tha an hmang tawn. Summer caan ah vacation hna an hei kal t’i.

Ronaldo le Irina Thailand ram ah vacation an kal lio

 Ronaldo nih biapi deuh mi (big game) pumpululh chuihnak paoh ah manh lo ngai in Irina nih a van zoh tawn ve. Cuticun, kum 5 chung an i duh hnu ah kan hnu zarh khan official te’in an i t’hen. Mipi tampi Irina fan le Ronaldo fan pawl cu kan lau dih. Mipi lungthin a kan lauter nak cem aruang cu, kan hnu zarh Zurich, Switzerland khua i Fifa Ballon dO’r ceremony  tuahnak ahkhan si. Adang vawlei cung pumpululh chuih a thiamthiam le minthang zaapi an nupi le, an nungak he an kal ah Ronaldo amah pi lawng a kal. Mah thok cun, biahalnak an tuah tik ah, Ronaldo nih, “official te’in kan i t’hen ko cang; cucu, kan pahnih caah a t'ha cem lai” tiah a chim. 

Ronaldo le Irina

Mi tampi nih Ronaldo nih nungak ngeih taak le si ko la an ti. Aruang cu, kan hnu zarh i 2014 vawlei cung pumpululh chuih thiam bik laksawng a lak lio khan Spanish news reporter Lucia Villalon he hman an i thlak t’ii mi an hmuh ruang khan si. An i th’en nak bik aruang hi anmah pumpak (personal) kong si ve tikah aho hmanh nih bia fiang ngai in theih si loh. Amah belte, zaapi nih an zumhnak hna ahcun, Ronaldo a nu ruangah si lai ti si. Irina le Ronaldo a nu hi t’ha tein i chawnh biak dawh an si lemloh. A fawinak cun, an i rem veve loh kan ti lai cu. Aruang hi ka zumhnak ah, Irina hi model minthang pakhat si tikah sexy ngai in le pa kip he director chim ning paoh cun hmanthlak a herh. A caanah, zohchia ngai hna khin hman ai thlak caan hna um. Amah lawng pek si ah pa he si ah.  Model life cu a passion le a paw cawmnak si ve tik ah mu. Keicu, an mah pahnih caah a t’ha veve ko ka ti. An pahnih in vawlei cung minthang veve bak an si. Cun, an thut dir ning ka zoh piak hna ahhin, ka re zong an thei. 

Irina Shayk