Honda company accident an rak tonmi vialte a luancia kum 11 chung ah tha tein report a tuah lo ruangah cozah nih millions $70 an bar hna. Report an tuah lomi hi accident lawngah si lo in, adang pumpak himnak lei chambau nak lei zong aitel chih.
Honda nih aluancia kum 11 chung i 1,729 accidents le thih le loh i khawndennak an rak tonmi vialte pakhat hmanh National Highway Traffic Safety Administration ah atuah lo. NHTSA cu U.S cozah agency pakhat asi. A fawinak in, U.S transportation leiah department pakhat an si. An i tinhmi (mission) cu mawt'aw he pehtlai in minung kan himnak ding caah riantuan mi le asi khawh chungin accident lei i khawndennak tlawmter hi si. Agency zong nih biafiang in mah hi 1,729 accidents chungah hin minung zeizah dah an thi timi hi fiangin cun a thei ve rih lo nain an thin cu hung ngai. Japan mawt'aw sermi pawl zong nih tha tein mah hi accident kong he pehtlai in report an tuah lomi hna hi kan palh ko tiah an i win-khan (admitted). Sinain, computer program le thil dang an rak ngeihcia mi tete (data) i palhnak le tlamtling lo nak um ruangah report kan rak tuah lo nak si an rak ti. Sihmanhsehlaw, Anthony Foxx nih cun Honda lawng si lo in, adang mawt'aw company dang zong nih hi bantuk in report an kan tuah lo cun an luat hlei la loh tiah a van nolh.
Mawt'aw sertu hna le himnak (safety) lei cozah hna nih mah bantuk in report tuahmi pawl hi tha tein zoh than (inspect) tuah hna peng anhau. Aruang cu, mah an van report mi hi safety lei riantuan mi nih accident lei khan zeltuk in dah minung himnak caah mawt'aw hi kan remh than khawh la le kan ser la ti kha an hngalh. Abiapi taktak mi asi. Honda nih hin a hman ning le aa tlak ning tein report rak tuah hna sehlaw, remh than hau mi le haulo mi tuan ah kan hngalh lai i minung tamtuk an nunnak kan khamh manh hna hnga tiah Mark Rosekind zong a chim. Mark Rosekind cu NHTSA i an administrator athar si. Accident 1,729 report an tuah lomi chungah hin 8 hrawng hi Takata airbags timi a puak in puak khomi pawl zong hi ai tel. Aluancia kumah mah bantuk Takata Airbag hin minung zeimawzat zong an rak thi i, acheu cu an mit zong a rawk mi an um. Accident pakhat an ton tikah U.S ramah mah an tonnak a ruang kha tha tein NHTSA ah report tuah peng hau. Mah report tuah ahau nak aruang cu, hmailei ah minung zeitin dah kan him deuh khawh la le accident i khawndennak hi a tlawm deuh khawh la ti ruah ah si.
Hi bantuk cawi le liam dandatnak hi Honda lawng nih an tonmi thil asi lo. Adang mawt'aw company General Motor (GM) nih tlai tuk hnu report tuah ruangah millions $35 dantatnak a rak in ve. Tlaihnu report anrak tuah ruangah minung 42 hrawng a rak thi chap. Toyota zong zeidang kong ruangah millions tampi cawiin dantatnak rak in ve thiamthiam asi.
No comments:
Post a Comment