Vawleicung Kuttin Sau Bik Chris Walton

Umharphen ah vawleicung i a kuttin (fingernail) sau bikmi Chris Walton hi van bih/rel ve. A kuttin hi 1993 in aa riam ti lo. kum 47 a si i, a sau taktak. 20-Feet tluk a sau. Cucaah, 2014 London i Guinness Book of Record an tuahmi ah vawleicung record in a kuttin sau bik ah a hung cang. 

Vawleicung i a kuttin sau bikmi Chris Walton 

A hmanthlak na hmuh bang khan a kuttin sau ngai nain a duhmi paoh a tuah khawh ko. Rawl zong a chumh khawh. Inn zong a thianh khawh. Piano tiang a tum khawh rih. A sam zong aa hriah khawh thiam. Mawtaw zong duh chungin a mongh khawh i computer zong ah thadam tein ca a tial kho fawn. Sport zong aa celh kho rih i, golf hi aa celh tawn. 

A kuttin hi a sau tuk ah a ngerh bak in an ngerh. Nain, thianghlim tein a chiah peng khawh thiamthiam. Sui zawng (color) in a kuttin hi a thuh hna i a ttamhmuaih hna. Biahalnak an tuahmi ah samzuah, kuttin zuah le khabehmul (beard) zuah phun hi a ngakchia tein a huamci phun an rak si. Ttamhmawih zong a huam ngaimi a si fawn. 

Vawleicung theih in a kuttin sau timi pawl hi an tam ial. Chris Walton nak in a sausau zong an um. 2009 tiang i vawleicung pa (male) i a kuttin sau bik, tiah ruahmi cu Melvin Boothe a si. USA ram ummi a si. Papi a si ko nain a kuttin hi khuaruahhar in a sau. 9.85 m (32 ft 3.8 in) a sau kho. Sinain, vanchiat ah Melvin cu December thla 2009 ah khan a thi diam. 

Melvin Boothe

2009 tiang i vawleicung ah a kuttin sau bik, tiah ruahmi vemi cu Lee Redmond a si. US minung a si ve. A kuttin hi 8.65 m (28 ft 4.5 in) tluk in a sau. 1979 khan a rak i zuah cangmi a si. Sinain, vanchiat ah 2009 kum ahkhan mawtaw accident nakin a kuttin cu riampiak a si. 

Lee Redmond 

Sources: http://www.dailymail.co.uk/femail/article-2424216/Chris-Walton-fingernails-Grandmother-worlds-longest-fingernails-shows-20-feet-talons-Guinness-Book-Records-2014-launch.html