A tlangpi in Miraang nih "distracted driving" an ti. Mawtaw na mongh pah in phone deh ruang le adangdang ruang i mawtaw accident nak a chuahpi mi khi an chim duhmi a si. Cucu, phun thum ah hitin then khawh a si.
Visual: Phone deh ruangah mawtaw lam le a kiangkam zoh philh.
Manual: Phone deh le thil dang deh ruangah mawtaw monghnak steering thlah sual ruang i a chuakmi.
Cognitive: Phone dehmi fak tuk in ruah sual ruang le thil dang dehcawhmi ruah sual ruangah mawtaw monghmi philh.
Hi chungah hin cell phone, texting, eidin le adangdang zong an i tal chih dih. Cell phone deh hi ttihnung bikmi a si, tiah CDC nih an chim. Cucaah, a zeidang si loin mawtaw mongh pah i cell phone deh ruangah a chuakmi thih loh nak le i khawndennak hi biapi in zoh ka duhmi a si.
 |
| Family mawtaw zong kanmah pakhat phone deh ruang le daithlan ruang ah hitin kan va suk khawh hna. Midang chungkhar ngaihchiatnak kan pek hna. Kan thah hna, ti zongin chim khawh asi. |
Edgarsnyder.com nih kherhhlainak (statistic) an tuah. US mawtaw mongmi 660,000 tluk hrawng nih mawtaw mongh pah in phone an deh ti a si. Hi an phone dehnak ahhin texting lawng a si lo. I chawn sawhsawh zong a si fawn lo. A herh lo ah phone kau, email, cun app adangdang deh ruangah a si. "App" an van ti duhmi cu, mawtaw mongh buin Facebook kau te hna, Snapchat, Twitters, le Instagram tibantuk kau khi an chim duhmi a si. Hi ruangah hin mawtaw accident tampi a chuahpi. Anmah ruangah tha tein mawtaw a mongmi zong va suk le va dennak a chuahpi. Anmah phone deh ruangah midang harnak an pek hna. An nunnak tiang an sunghter hna.
Mawtaw mongh buin phone deh ruang i chuakmi accident le thih le lohnak hi kum khat hnu kum khat a karh chinchin. Cucaah, Laimi zong nih nifatin kan mawtaw monghnak ah kan safety khawh deuhnak hnga caah hi capar hi ka tial. Cun, a tanglei hna hi a hnu bik kherhhlainak (statistic) an tuahmi a si.
 |
| Phone deh ruangah lam zoh philh sual ruang i a chuakmi an si. Hi tluk fak hi dawh ai suk khawh cuh! Cucaah, phone maw dek pah ve hrimhrim lai ci! |
The National Safety Council nih report an tuah. Kum fatin million 1.6 hi mawtaw mongh pah phone deh ruang i ai su, ai deng (accident) mi an si. 330,000 (ting thum le thawng sawmthum) hrawng hi ai hliam mi an si. US ram mawtaw accident vialte lak i pali chungah pakhat (1/4) hi mawtaw mongh pah in kan i text ruangah a chuakmi an si. Zuurit bu mawtaw mongh ruang i a chuakmi accident nakin mawtaw mongh buin kan i text pah ruang i a chuakmi accident hi a let ruk in a tam deuh.
Mawtaw mongh buin i text pah hi ttih a nung tuk. Text message lawng siloin, Facebook kau pah le bih zong hi an i tal chih. Mawtaw mongh buin kan i text ahcun 400% tluk nih mawtaw accident nak lam a chuahter, ti a si. Ttih a nung tuk. Mawtaw mongh buin cell phone kan dehmi vialte lakah texting hi ttih a nung bik ko, ti a si. US ram mipi zong nih mawtaw mongh pah phone deh le i text hi bar (khap) si seh an ti. Cucu, 94% tluk nih tha an pek ve. Cun, 74% tluk nih mawtaw mongh pah in phone tlaih le i chawnh zong hi bar (khap) si seh, tiah hnatlaknak an ngei rih.
Kum no (teen) kum 13 in kum 21 karlak ko hi mawtaw mongh pah phone deh ruangah a thimi an tam khun. Nifatin minung 11 lengmang hi mawtaw mongh lio i an i text pah ruangah an thi. Hi mino tete 94% tluk nih mawtaw mongh pah in i text hi a that lo an theih ko nain 35% tluk nih cun an tuah thiamthiam ko. Cun mino tete mawtaw accident a tongmi 21% tluk hi phone an deh pah ruangah a chuakmi lawngte an si fawn. Upa pawl phone deh pah ruang i a thimi nakin mino tete (teen) nih phone an deh pah ruang i a thimi hi, a let li in an tam deuh.
US ram boruak in zoh hnik usih. 2012 kherhhlainak (statistics) an tuahmi ah 3,328 hi phone deh pah ruang i a thimi an si. 421,000 hrawng hi ai hliam mi an si ve. 11% hrawng hi kum 20 tang lawngte an si. US mino (teenagers) i pali chungah pakhat (1/4) hi mawtaw an mongh pah in voikhat tal cu text message ai kuami an si.
Mawtaw mongh pah buin phone a rami a tlaimi hi 100 % chungah 48% an si. 58% nih cun an i chawnh pah in an mongh chih thiamthiam ko. Survey an tuahmi ahhin 24% tluk nih mawtaw mongh pah in phone chawnh hi an duh dih, ti asi. Cun mawtaw mongmi 10 chungah pakhat hi voikhat tal text message le email a kua pah lomi an um lo. Mawtaw mongmi 14% nih hin mawtaw an mongh pah in text message le email hi an rel.
Hi kong hi a biapit tuk caah sianginn kan kainak zongah "Don't Text and Drive" timi hi siangngakchia kan him deuhnak caah an kan chimh theu tawn. "Ok" le "bye" tite van tialnak hmanh khin accident a tongmi an tampi. Mawtaw mongh pah in phone dekmi an hnu zulh cu a har zong a har. An i dukdak lengmang. Kal bantuk, dir bantuk khin an um. Asi khawh chungin hrial i zaamtaak ding an si.
Mawtaw mongtu nih kan theih ding a herh ngaingaimi cu hihi a si. Mawtaw kan van mongh bak khin, kan monghmi mawtaw ai citmi minung vialte an nunnak cu kan chungah a um, ti philh bak lo ding. Hihi a biapi tuk! Nangmah pakhat phone deh ruang i accident tawn ruangah a hnu i mawtaw tha tein ai cit ko mi na thah viar khawh hna. Nangmah pakhat phone deh ruang le daithlan ruangah mi chungkhar nuam tein a ummi zungzal ngaichiatnak na chuahter khawh. Cucu, philh sual bak lo ding.
Kanmah lawng kan mongh zongah deh lo ding asi. Zeicatiah, kan pawngkam mawtaw tha tein a kalmi zong kan suk khawh hna. Mawtaw mongh buin i text pah cu mawtaw mongh buin i chawnhnak in ttih a nung deuh. Phone i chawnh pah cu lam tal tha tein kan zoh khawh rih i aa ning deuh in ka hmuh. Head-phone le blue tooth hna kan hman ahcun a tha chinchin. Text message kuat cu, lam kan zoh ti lo, phone lawng kan zoh cang. Kan lung zongah phone chung lawng um cang tikah thih le lohnak tampi a chuahpi khawh.
Zeisihmanh ah, mawtaw kan mongh lio ahcun phone kan "off" silole, "silent" in chiah hi a tha bik. Zeicatiah, phone a rat thawng le notification thawng kan theih ahcun umtu zia le mawtaw mongh zia kan thiam tawn loh. Cucaah, phone hi a philh in philh chung i kan monghmi mawtaw lam sulpi biatak tein ruah hi a a him (safety) cem ko!
Hika zawn hi click law "Don't Text and Drive" timi fimchimhnak an tuahmi video tawite van zoh chap. Cu cusilole, a tang zong ahhin click khawh asi.
Chirchanh: http://www.cdc.gov/motorvehiclesafety/distracted_driving/
https://www.edgarsnyder.com/car-accident/cause-of-accident/cell-phone/cell-phone-statistics.html
Mawtaw mongh buin i text pah hi ttih a nung tuk. Text message lawng siloin, Facebook kau pah le bih zong hi an i tal chih. Mawtaw mongh buin kan i text ahcun 400% tluk nih mawtaw accident nak lam a chuahter, ti a si. Ttih a nung tuk. Mawtaw mongh buin cell phone kan dehmi vialte lakah texting hi ttih a nung bik ko, ti a si. US ram mipi zong nih mawtaw mongh pah phone deh le i text hi bar (khap) si seh an ti. Cucu, 94% tluk nih tha an pek ve. Cun, 74% tluk nih mawtaw mongh pah in phone tlaih le i chawnh zong hi bar (khap) si seh, tiah hnatlaknak an ngei rih.
 |
| Hitin mawtaw accident an tonnak hmanthlak tampi a um nain ka van tar lo. A zohchiat deuh caah. Sihmanhsehlaw, hi hmanthlak tete nih hin tampi fim a kan chimh ko la, tiah ka zumh. |
Kum no (teen) kum 13 in kum 21 karlak ko hi mawtaw mongh pah phone deh ruangah a thimi an tam khun. Nifatin minung 11 lengmang hi mawtaw mongh lio i an i text pah ruangah an thi. Hi mino tete 94% tluk nih mawtaw mongh pah in i text hi a that lo an theih ko nain 35% tluk nih cun an tuah thiamthiam ko. Cun mino tete mawtaw accident a tongmi 21% tluk hi phone an deh pah ruangah a chuakmi lawngte an si fawn. Upa pawl phone deh pah ruang i a thimi nakin mino tete (teen) nih phone an deh pah ruang i a thimi hi, a let li in an tam deuh.
US ram boruak in zoh hnik usih. 2012 kherhhlainak (statistics) an tuahmi ah 3,328 hi phone deh pah ruang i a thimi an si. 421,000 hrawng hi ai hliam mi an si ve. 11% hrawng hi kum 20 tang lawngte an si. US mino (teenagers) i pali chungah pakhat (1/4) hi mawtaw an mongh pah in voikhat tal cu text message ai kuami an si.
 |
| Na phone kha chia! Na mongmi lam kha tha tein zoh ko, hitin kan si ve sual lai. |
Mawtaw mongh pah buin phone a rami a tlaimi hi 100 % chungah 48% an si. 58% nih cun an i chawnh pah in an mongh chih thiamthiam ko. Survey an tuahmi ahhin 24% tluk nih mawtaw mongh pah in phone chawnh hi an duh dih, ti asi. Cun mawtaw mongmi 10 chungah pakhat hi voikhat tal text message le email a kua pah lomi an um lo. Mawtaw mongmi 14% nih hin mawtaw an mongh pah in text message le email hi an rel.
Hi kong hi a biapit tuk caah sianginn kan kainak zongah "Don't Text and Drive" timi hi siangngakchia kan him deuhnak caah an kan chimh theu tawn. "Ok" le "bye" tite van tialnak hmanh khin accident a tongmi an tampi. Mawtaw mongh pah in phone dekmi an hnu zulh cu a har zong a har. An i dukdak lengmang. Kal bantuk, dir bantuk khin an um. Asi khawh chungin hrial i zaamtaak ding an si.
 |
| Phone deh pah mawtaw mongh cu lam zoh philhnak le, lam dang ah pial sualnak a si! Cucaah, speed le speed a rami mawtaw veve cu hi tluk fak hin ai su kho. |
Mawtaw mongtu nih kan theih ding a herh ngaingaimi cu hihi a si. Mawtaw kan van mongh bak khin, kan monghmi mawtaw ai citmi minung vialte an nunnak cu kan chungah a um, ti philh bak lo ding. Hihi a biapi tuk! Nangmah pakhat phone deh ruang i accident tawn ruangah a hnu i mawtaw tha tein ai cit ko mi na thah viar khawh hna. Nangmah pakhat phone deh ruang le daithlan ruangah mi chungkhar nuam tein a ummi zungzal ngaichiatnak na chuahter khawh. Cucu, philh sual bak lo ding.
Kanmah lawng kan mongh zongah deh lo ding asi. Zeicatiah, kan pawngkam mawtaw tha tein a kalmi zong kan suk khawh hna. Mawtaw mongh buin i text pah cu mawtaw mongh buin i chawnhnak in ttih a nung deuh. Phone i chawnh pah cu lam tal tha tein kan zoh khawh rih i aa ning deuh in ka hmuh. Head-phone le blue tooth hna kan hman ahcun a tha chinchin. Text message kuat cu, lam kan zoh ti lo, phone lawng kan zoh cang. Kan lung zongah phone chung lawng um cang tikah thih le lohnak tampi a chuahpi khawh.
 |
| Mawtaw mongh bu text message i kuat le phone deh cu lam zoh philhnak asi. Cu tikah, lam piak sual i hitin a ping le pang va suknak a chuahpi. Ttih a nung tuk ee. |
Zeisihmanh ah, mawtaw kan mongh lio ahcun phone kan "off" silole, "silent" in chiah hi a tha bik. Zeicatiah, phone a rat thawng le notification thawng kan theih ahcun umtu zia le mawtaw mongh zia kan thiam tawn loh. Cucaah, phone hi a philh in philh chung i kan monghmi mawtaw lam sulpi biatak tein ruah hi a a him (safety) cem ko!
Hika zawn hi click law "Don't Text and Drive" timi fimchimhnak an tuahmi video tawite van zoh chap. Cu cusilole, a tang zong ahhin click khawh asi.
Chirchanh: http://www.cdc.gov/motorvehiclesafety/distracted_driving/
https://www.edgarsnyder.com/car-accident/cause-of-accident/cell-phone/cell-phone-statistics.html
No comments:
Post a Comment