Ka hawi le inn kan len nak i kan Upa pakhat nih a kan chimh mi a si. A ka ciah tuk caah ka tial ko hih!
Kei cu zuu a ding ngaimi ka si. Zan khat cu zuu ka rii tuk. Ka rit tuk caah keimah le keimah hmanh kai hngal lo. Cu lio ngelcel te ahcun Mizoram leiin zawngttah mu tor in an rak ka kuat ai. Cu zawngttah mu bak cu aw.. ka zuuri rawltaam tuk bu cun ka ei, ka ei chih ko hih.. Ka zurit lungfim lo le ka rawltaam tuk he tam tuk mah cu zawngttah mu cu ka rak i ei sual hoi ai!
Paw khim pah cang ka ti i, tlawmpal ah ihnak lei ah ka kal i ka it diam. Zaan ahcun aw.. ka paw cu a fak tuk ciammam i it kho ti loin mah cu zawngttah mu nih cun a van ka tthangh. Zantim hlah maw a si rua ti ne lakah zinglei arkhuang a rak si hoi ai. Zokzok in nazi ka zoh cu riantuan kal caan zong ka rak tlai dih cang!.
Arannak in ka tho i ka hmai kai phiah zokzok hnu ah riantuan kal dingin ka tek i tlanglawng (train) lo diam kai cit. Kha lio ahcun aw.. ka paw cu a faak kho tuk. Zei ti umawk ka thiam ti bak loh. Ka thlen hripi nih le a ka peih! ------- Zei khua hmanh ruat kho loin zeitik ahdah tlanglawng ai dinh la timi lawnglawng hi ka tuak cang. Thut zong ai thiam lo i, dir zong ai thiam ti loh. Ka paw nih a hak i a ka tum tuk caah ka ek chuah a zual! Hnabeiseinak he, "tlanglawng ai dinh bak in ka chuak colh lai i toilet ah ka tli lai," tiah tlanglawng inn ka hram ahcun ka va dir ziar.
Tlawnglang bak cu aw, vanthat ah ruahlo piin a dir ko ai! -- A rannak in ka tek ciammam le ekinn bak cu 50 hrawng an rak um i minung cu a khah in an rak khat hih.! Le, a rannak in toilet cungah ka van thu.Rianrang in ka bawngbi kai phoih i ka van ek taktak hi cu... AH! A NAM TUK NING, A NAM TUK AHHIN AHO HMANH NIH AN CALH LOH!!. Ka zawngttah mu eimi lawng te cu ka van ek ciammam tikah a calh an calh bak loh --- keimah zong nih ka calh ve bak loh. Nain, ka angki in ka hnar kai huh i ka thuat chih ko. Ka zudin mi le ka zawngttah mu eimi ruangah khan a rak si cu mu.. !
Cu lio bak cun aw... a chung i ummi miraang pawl vialte cu ka ek nih a namh tuk hna caah, "Shiiiit...!!" an ti i an tho le an chuak dih ko.. A cheu le bang cu a chung an van luh hlan i innka an van on bak khin, "Shiiiit... !!" an ti le lut loin an kir colh..
Ka zawngttah mu eimi ek cu an calh bak lo caah an chuak dih ko.. A donghnak ah pakhat pa minak pa si. A paw a rak fak tuk ve rua, a hnar van i phih le ka pawng cun a rak thu. (Minak an aw cawi le an holh dan khi hei ruat hmanh) Ka innka cu a van kingh le, "Hey man.., what you eatin man?" a van ka ti hih. Kaa khat hmanh ka let loh --- dai zirziar tein kai umter i ka thuat chih rih thiam. Tlawmpal ah a calh ve ti lo i, a hnar cu fak deuh in a van i phih hnu ah, "Hey man..., wat you eatin man?" a ka van ka ti than!
Ai lem ka ti, ekinn chung bak in ka van i thawh ve le, " MONKEY CRY!!!" tiah, Ka ti ve!!
Hahaha..
No comments:
Post a Comment