Khrihfa Buu Van Ti Laknak (canal) Ah a Tla; Minung 8 An Thi

Ka ca tlangtar ah "Khrihfa buu van ti laknak (canal) ah a tla, minung 8 an thi" tiah, ka van ti tik hin na lau tuk theu lai. Na mawh lo. Kanmah Laimi ah na van ruah colh caah a si. Zeisihmanh ah, Pathian a tha. Laimi cu kan si lo. Florida state chung i ummi khua, Forth Pierce timi ah a si. 

Khrihfa Buu Van a Tlak Lio

Nusal Angelina Jolie!!

Hi thawngpang hi zahan ta a si. Zahan ah tial kai tim pah ko nain kai manh deuh lo. Cupinah, vawlei cung minthang pakhat ai theihnak ah news kip nih an thanh. A tur cawl ngai. Cucaah, tial than dingin ka van i tim.

Jolie hi a thei lo mi kan um lai lo. Kan ngakchiat lio Kawl ram kan rak um tein a rak laar tuk cang mi a si. A pungrua tha. Amui zong ai dawh. Iang zong a ngei. Iang ngeih timi cu Angeline Jolie bak hi a si. Jolie hi a fim zong a rak fim. Mi cungah dawtnak le zaangfahnak lungthin zong a rak ngei ngai mi nu sal tha pakhat a si. Movie ai zeih nak le bang ah pa a lo ka ti le ka uar kho tuk. 

A kong lam hi tamtuk ka thei ve loh. Theih dingin van hlathlai khawh zong a si ko nain kai manh ve loh. Zeicatiah, sianginn kai pah le riantuan pah mi ka si ve bantukin sianginn ka ca le rian nih a ka nenh deuh tawn. Tial ka duh mi thawngpang le thil dang tete zong an um len tawn nain caan ngeih lo ruangah ka kaltaak tawn.

Peru Ah Bus Pahnih le Truck Nih Bus an Taihnak le New York City Inn Kangh Ruangah a Thimi Ngakchia

Tuni March 23, 2015 nitlak hlan deuh ah, Peru ram khualipi Lima pawng high way ah bus fak tukin ai taih i minung 36 an thi; minung 70 hrawng an i khawng. Mah hi bus hi dot hnih a si i ai cit mi an tam ngai. Hiti fak ngai in ai taih hi taih sawh in a si lo. Adang bus pahnih le truck nih hmaitonh (opposite direction) lei in an van taih. Mah hi bus aicit mi hi minung sawhsawh an si lo. Vawlei cung Khrihfa aiawh in missionary a vak mi pawl an si. 

Bus pahnih le truck nih taih mi bus

Tunisia Bardo Museum le New Bern, NC Karen Refugee

Zahan Tunisia ram Bardo Museum i terrorist pawl nih tourist le khua chung minung an kahnak hna kong fiangfai deuhin rel kai tim. Tlawmpal ka rel khin ngakchia pathum an innpa pa nih a thah hna timi ka hmuh. BBC top stories ah aital ve caah ka van rel cu kanmah Burmese refugee minung kan rak si ai.

New Bern, North Carolina ah kanmah Kawlram Karen Refugee pa nih an innpa hna cu nam he a luh hnawh hna. A thah mi ngakchia pathum an si. Kum khat, kum nga le kum 12 an si. Kum khat ngakchia le kum nga pa hi a thah cangka in an thi colh. Kum 12 pa balte hi sizung an tlikpi hnu ah a thi. Hiti a luh hnawh hna lio ahhin ngakchia pathum an nu le an unu te zong an i tal ve. Nain, dot hnih thlalangawng in an zuang i an luat manh tiah, BBC nih a tial.

Eh Lar Doh Htoo

Zei Ruangah Education Ngeih a Biapit???

Caan kal a rang chin lengmang. Tlawmpal ah March thla a dih hoi lai i, a rauh hlanah high school kaimi an graduate lai. Cucaah, atu lio te hi college ka peh lai maw peh lo? tiin mahlemah bia fak piin i hal caan le lung i khiah caan te a si. College kai dingin lung ai khiakmi nih Khuazei college dah ka peh te lai tiah an buai lio si. Cun, college kongah research tuah in an duhnak college va zoh le va bih lio caan te zong a si. College pehlo ding zong high school graduate lai a nai ve bantukin rian kongah an buai lio te a si ve.

Zeidah a Kan Fial...???

Ka lungah a um tuk. Thut zong ka thiam lo. Ih zong ka thiam lo. Hawi he bia kan iruah zong i zeiltuk kai nuam ka ti zongah ka lung chungah a van ra than lengmang. Atu le tu a ra i umzia thiam loin a ka tuaitam. Cucu nungak kong ruangah a si lo. Rian kong le sianginn kong zongah a si lo. Vawlei sibuaizii kong zongah a si lo i chawva le rumnak kong zongah a si lo. Tunii i ka hawi le he Indianapolis CEBC i CBCUSA Mino lei hruainak in Carson le Laura philhlonak service kan kalnak kong a si. Cucaah, a tu inn kan phaknak zinglei 4:40 am a si ko nain hica hi, ka tial. 

March 15, 2015 Indianapolis, IN CEBC

Teinak (Victory) Timi Cu...

Miraang nih "Picture worth a thousand words" an timi khi a hman tuk, ka ti. Kan ca i sullam a ngei mi hmanthlak pakhat cu cafang a thawng in tial aphu tak ko. Hi atang lei hmanthlak te nih zei ka tuah paohah thazaang a ka pek ngai tawn. Bawlung ka chuih i kai khawnnak a fah zongah a fak lo a ka ti ter. Riantuan ka thabaat zongah ka baa loh a ka titer. Ka mitkuu cimlo zongah a cim ko a ka titer tawn. Thazaang dernak a simi kha kan hmuh piak ahcun kan thazaang der chinchin lai i, a sung tu (loser) ah kan i cang lai.  

Bawlung kan chuihnak ah, "a zawh", "a fak", "ka thi lai","ka chei loh" kan ti tawn. A dangdang zongah kan hman ko. Sinain, hi hmanthlak te cu fei nih tleng lakin a chunh ko zongah "I am not hurt" an ti ter. A tuahtu a hodek si hnga a thiam tuk, ka ti. A ngaite kan ti ahcun, Bible chung i mider mi nih ka thawng ti hna seh, sifak mi nih ka rum ti hna seh, a hrutmi nih ka fim ti hna seh timi te he khan a van i lo tuk. 

Kuak Zuknak Nih Athli Tein A Chuahter Mi Zawtnak Tha Lo Hna...

Kuak zuknak nih pum chung riantuan tu (organ) tampi a hrawh i a thah. Kuak zumi an pum chungah zawtnak phunphun tampi zong a chuah ter. A donghnak ah an zunmi cu thihnak, chan tawinak, le pum tlamtlinlonak tibantuk te hna an si. Kuak zuk thathlonak hi tial ahcun a tam tuk. Sinain, a tlangpi in ka duhnak paoh ka van char i ka tialmi hna an si.

US ram ahhin kuakzuk ruangah minung tampi kum fatin an thi. Cun, US ram i dawnh kham khawhmi zawtnak lakah a tam bik cu kuakzuk ruang i a chuak mi zawtnak pawl hi an si. US ah minung 480,000 lengmang kum fatin an thi. CDC nih an tuaknak ah kum fatin kuakzuk ruang i a thimi hi, human immunodeficiency (HIV), sii zukhmawmnak, zuu, mawtaw accident, le meithal i kahnak dihlak fonh chih bu-in an tam deuh rih, a ti. Kuakzuk ruangah alet 10 nak tam US citizens hi, a luancia caan US ral tuknak i a thimi ralkap dihlak nak in an tam deuh. Nu he pa he cuap cancer ruangah a thimi hi 90% cu silo, 10 chungah 9 hi cu kuakzuknak in a chuakmi a si. Hi cuap cancer in a thimi nu pawl hi, hnuk (breast) cancer in a thimi nak in an tam deuh. 

Kan Upa Cristiano Ronaldo Girlfriend Thar Hi Rak Bih Ve!!!

Kan hnu kum 2014 Summer World Cup a zohmi na si cun, Mexican TV presenter Vanessa Huppenkothen hi na theih men lai. Theih lo khawh zong na si thiam. Zapi nih kan theih tuk cio ve mi a si rih loh. Nain, an mah Mexican nih cun an i uar tuk mi pakhat a rak si. Vanessa Huppenkothen cu Mexico ram khuapi Mexico City ah TV in bawlung lei biachimtu (presenter) pakhat a si. Kum 2014 World Cup i an mah Mexican bawlung team angki he reporter a rak tuah lio hna cu social media Twitter tibantuk ah a rak tur len. 

Irina le Ronaldo

Fa khat ngei Ronaldo cu, a girlfriend Russian model Irina Shayk he an i then hnu in Vanessa Huppenkothen he an kong an ceih colh hna. Ronaldo le Irina hi kum 5 chung an rak i duh i, kan hnu thla nolh January ah an i then. Irina bia an halnak zoh tikah Ronaldo hi zumh awktlak deuh lo khin thutdir dawh a si. Irina cu model minthang ngai pakhat a si ve tikah kan hnu thla Valentine's Day ah biahalnak an tuah.

Pumpululh Thawngpang Fumtomnak

Columbia le Real Madrid an midfielder James Rodriguez a ke ai hliamnak in tuni tha tein a cinh than cang kho ve cang. Kum 23 James cu, kan hnu thla Feb. 4 ah Sevilla he an chuihnak ah a orhlei ke a rak i khawng. Sinain, tuni ah James a doctors Marco Ruiz nih April thla chungah a chuih kho ve cang lai tiah a chim. I lawmhawk a si ngai ko nain, tu thla 22 El Clasico ah Barcelona he a chuih khawhlo ding cu apoi ngai. El Clasico ahhin Real Madrid nih an herh cem dingmi a si. 

Zeitindah Mahlemah I Bochannak (Self-Confidence) Na Ngeih Khawh Lai??

Thil pakhat tuah kan duh tikah kan ti khawhmi tete khi riantuannak lei boss te kan chimh tawn hna. Sianginn lei ahcun kan saya te kan chimh hna i sport lei ahcun kan coach te chim an si tawn. Si nain, coach le boss tampi nih kan thilti khawhnak an zoh tluk tein, zeitlukin dah self-confidence kan ngeih ti zong hi an rak zoh ve. 

Zei thil kan tuah paoh ah mahlemah i bochanak le zumhnak (self-confidence) rak ngeih hi a biapi tuk. Kei zong zeitluk in dah a biapit tihi kai fiang i a tu cu self-confidence ka ngei tuk ve cang. Self-confidence ngeih lo ahcun cuti ngaiin hawi tuahmi tuah khawh a si lem lo. Kan ralchia. Kai palh sual lai ti kan phang. Mi nihsawh lai kan tih. Kan thazaag a tumchuk. Kan tuah khawh ko mi zong a tuah khawh lo dirhmun ah dir khawh a si. 

Kum 15 Lawng A Si Rihmi Nu He Sex Tuah Ruangah Adam Johnson Thong A Tla

U.S "Age of Consent"

Bawlung chuihnak thawngpang hi zaapi nih kan rel huam theng lo. Sinain, bawlung chuih uarmi nih cun kan rel lengmang tawn ve ko. A hlei in mahhi thawngpang hi a biapi ngai tiah, ka ruah. Laimi zong nih kan i ralringnak pakhat ah hmang hna usih ti ka duh ngai. Chan nih a kalpi bantukin kan Lai nu ngakchia deuh pawl hi, nungak phun khin a thudir mi an um pah tawn. Lai pa cheukhat nih duh paoh in kan biathli, kan velhle he va tuaitaam kan hmang tuk. Kei cu khikhi ka uar lo ngai. An cu zaat hlan in nungak kan thiamter hna i anmah nunak (life) zong kan hrawh hna tiah ka ruah. Cun, U.S ram i nungak kan ngeih tikah kum 18 cung an si hlan hi sex tuahpi khawh an si lo. Ram pakhat nih legal tein sex tuahnak he pehtlai in Law an suaimi cio an ngeih.  Cucu miraang nih "age of consent" an ti.Tahchunhnak ah England (UK) ram hna ahcun, kum 16 tang nungak he sex tuah ahcun Law buar si caah thongtlak a si. Canada zong cu thiamthiam. Sinain, U.S hi a state in an i dang dih. Kum 16 in 18 karlak hin an den. Cheukhat State California te hna cu kum 18 cung si hnu lawngah sex legal tein tuah khawh a si. Texas state te hna cu kum 17 hnu lawngah a si ve. Cun, Kentucky, Ohio le Indiana hna cu kum 16 hnu ah legal tein sex tuah khawh a si ve. 

IS Nih Kan Hnuzarh I a Tlaihmi Khrihfa Minung 19 a Thlahthan Hna!

IS nih a luancia Feb 23, 2015 ah Syria ram khuate 12 chungin Khrihfa minung 19 arak tlaih hna. Hi Khrihfa minung 19 hi member 220 hrawng a simi Assyrian Christian Community chungin tlaihmi hna an si. Sihmanhsehlaw, tuni ah thawngtha ngai kan theih. Kan hawi Khrihfa minung 19 an tlaihmi hna cu tuni ah tha tein IS pawl nih an thlah thancang hna tiah, BBC nih a chim.