Columbia le Real Madrid an midfielder James Rodriguez a ke ai hliamnak in tuni tha tein a cinh than cang kho ve cang. Kum 23 James cu, kan hnu thla Feb. 4 ah Sevilla he an chuihnak ah a orhlei ke a rak i khawng. Sinain, tuni ah James a doctors Marco Ruiz nih April thla chungah a chuih kho ve cang lai tiah a chim. I lawmhawk a si ngai ko nain, tu thla 22 El Clasico ah Barcelona he a chuih khawhlo ding cu apoi ngai. El Clasico ahhin Real Madrid nih an herh cem dingmi a si.
Kan hnu zarh Sunday ah Chelsea nih Capital One Cup Champion an lak. Tottenham he Wembley stadium ah final an kai i Chelsea nih 2-0 in an tei hna. John Terry le Diego Costa nih an goal. Jose Mourinho nih Chelsea a rak kirthannak in avoi khatnak champion (trophy) a lakpiak mi hna zong a si.
England club Swansea City an hmaikal pa Befetimbi Gomis cu ruahlo piin bawlung an chuihnak a tlu. A rannak in oxygen an pek i siizung ah an tlik pi. Hiti a tluk hi a tu lawng asi lo. Kum 2009 chung zongah voi 3 a rak tlu bal cang. Amah pumpak damlonak he ai pehtlai mi a si, an ti. ESPN nih hibantuk ruahlo piin tlukrilh tonnak hi damlonak phun khat Vasovagal Condition timi a si, an ti.
Barcelona F.C an midfielder Xavi cu, tu kum summer dih in Barcelona a chuahtaak cang lai. Reporter Guillem Balague nih US MLS (major league soccer) ah ai thial kho men, a ti.
Spain le Barcelona an midfielder Sergio Busquest a ke ai rawk ve. Thla khat chung ai din lai. El Clasico zong tlolh lai!
Liverpool hmaikal pa Mario Balloteli nih lungtuai pah in a social media ah "aho dek nih a ka rem lo" a ti. Nai Burnley he an chuihnak ah an luh ter lo ruangah a si. Kum 24 lawng a si rih nain club 6 ah a chuih cang. Liverpool zong hi a chuahtaak zau te lai ti hi zapi zumhnak cio a si.
Juventus F.C cu tuni March 5, Fiorentina nih 2-1 in an tei hna. Chelsea F.C in ai thialmi Mahummad Salad nih goal 2 a sut. Juventus hi kum 2013 in anmah kun (home) ah avoi khatnak an sungh a si.
Ref: skysport news/ bbc sport news/espn
No comments:
Post a Comment