5. Neymar Jr. (Barcelona)
Brazil miphun asi. Kum 23 asi. Laar hram a van ithokkaa kum 19 hrawng si ah a nungak nu lakfa a pawiter sual i fapa pakhat te a ngei ve cang. Neymar cu kum 18, 19 hrawng in si in a rak laar ngai cang. Brazil ram Santos F.C a um lio hin vawleicung nih rak theih dih pah cangmi a si. Adang bawlung chuih thiam kan timi hna Europe hna dah an chuih ti dah lo cun mipi nih theih khawh an si tuk lo. Neymar cu a sam le a bawlung chuih style mi thinlung biatak tuk in a rak lak cang. A muisam le pumrua zong ai zat caah nu zong nih an rak uar tuk ve. Zeisihmanh ah, Brazil ram bawlung hna cu zapi zoh theng lomi a si bantukin Neymar cu a uar tukmi vawleicung bawlung chuih thiam, Fifa world best player voi 4 tiang a hmumi Lionel Messi umnak Barcelona ah 2013 ah a rak ithial ve. Neymar hi keimah pumpak nih Barcelona a chuihnak hin an ram (Brazil) caah a chuih hin a thiam deuh tiin ka hmuh. Uar zong um deuh. A ttan zong ttang deuh in ka thei. Ram caah tiin thazaang chuah taktakmi pawl cu uar an um deuh tawn lengmang ko. Zeisihmanh ah, Forbes magazines nih an tuaknak hi kum 23 lawng a si rihmi Neymar nih $31.7 million a hmuh.
4. Gareth Bale (Real Madrid)
Wales miphun a si. Wales cu United Kingdom chung i a ummi ram pakhat a si ve. Amui zohnak bang si lo, kum 25 lawng si rih. High school arak kai lio in an rak i uar cangmi a girlfriend he fanu pakhat te an ngei. A ngakchiat tein Southampton F.C (England) ah a rak chuih. Atu ahcun Real Madrid hmaikai ah an hman lio mi asi nain, Southampton le Tottemham a chuihkaa ahcun Left Back ah rak hmanmi a si. Tottenham a rak um lio 2012 hrawng cu vawleicung ah a tur lio asi. Biatak tein minthan van ithok i a laar. Tikah, Real Madrid theu nih cun kan cawk ko la ti an rak si. Gareth Bale a contract kong ah sau tuk an rak buai i, an rak rau. Sihmanhsehlaw, 2013 ahcun Real Madrid ah ai thial than kho ko. Atu ni ahcun a laar tawk in le zapi nih ruah ningin a ti kho lo. Zapi nih a man (price) le a cawngcangh ning ai tlak lo ti zongah an ceihcum len. Kan hnu kum 2014 chungah million $34.9 a ei ve.
3. Zlatan Ibrahimovic (Paris Saint-Germain)
Sweden miphun a si. Kum 33 asi ve cang. Nupi le fa pahnih a ngei ve. Kum 6 a si in bawlung chuih cangmi asi. Bawlung chuih zong arak thiam. Inn chungkhar harset ruangah bawlung chuih ti loin rianhraang tuan arak itim mi asi nain, a manager pa nih bawlung chuih arak thiam tuk caah bawlung chuih deuh dingin a rak forhfial bal. A ngakchiat tein arak uar tukmi le a chuih ning style in ai tthan pimi cu Brazil ram Ronaldo hi asi. A umnak club hi ai thial pah tawn i, atu a chuihnak cu France ram Paris Saint-Germain (PSG) ah asi. Kum khat te lawng a contract ai duh cang. Tlawmpal ah US lei rat i Major League Soccer (MLS) ah chuih ve ai tim. US Visa zong ai tuah cuahmah lio asi. Zeitik ah a rat ciah le khoika US club ah a chuih te lai ti cu fiangin theih asi rih lo. Vawleicung hmaikal bawlungchuih thiam ahcun hrokual cem ah ka chiahmi a si. A thin zong tawi; amah le mah zong ai cawngsang takmi pa a si. Amahbalte, rawlttaam tihal in vawlei cung hmunkip um ngakchia a bawmchan vemi pasal pakhat asi. Hi a tuahsernak lam hi cu ka upat bak. Zeisihmanh ah, hi Zlatan nih kan hnu kum ah million $42 a ei.
2. Lionel Messi (Barcelona)
South America i Argentina ram miphun asi. Kum 27 a si. Kum 5 si in bawlung chuih hram ai thok cang. Nupi le fapa pakhat te a ngei ve. Vawleicung bawlung chuih thiam bik timi laksawng FIFA Ballon dO'r cu kum li peh bakin a lak. Vawleicung bawlung chuihnak tuanbia (Football history) ah a mah bantukin FIFA Ballon dO'r voi li a hmumi an um rih lo. A chuihnak Barcelona club tuanbia zongah amah tlukin goal a sutmi an rak um rih lo. Cu lawng hlah, Spain ram chung La Liga league zongah amah tlukin goal sut khomi an um rih lo. Amah lawnglawng hi Barcelona le La Liga league an tuanbia chungah goal sut tam cem asi. Hipa le C. Ronaldo cu tahchunh lengmangmi le kanmah a leng minung nih a duh paoh in zuamter mi hna an si zungzal. A luancia kum kua in tuni tiangah vawleicung bawlung chuih a thiam bik timi ah anmah pahnih hi pakhatnak le pahnihnak zungzal an si ve fawn. Interview an tuahnak hna ah, "kanmah pahnih hi a huat zong kan i hua lo. Pakhat le pakhat zong kan i zuam fawn lo. Kan mah chuih in kan chuih ko. A lengmi mipi tu nih nan duh paoh in nan kan ceihphai i nan kan zuamcawhter," tiah Messi nih arak chim bal. Theih tukmi an si, an kong tampi tial hau lemlo. Vawleicung bawlung chuihnak ah mipi thinlung a turcawl cem bik vevemi zong an si caah a herh cun an pahnih tuanbia lawng ka tial than te lai. Zeisihmanh ah Messi nih kan hnu kum ah Million $70.5 bak a ei.
1. Cristiano Ronaldo (Real Madrid)
Hipa hi cu vawleicung bawlung chuih thiam minthang ah ka uar bik asi. Hitin a konglam van tial sawhsawh ding hmanh hi ka siang lo. Caan rem ka hngak i a tuanbia tha tein tial kai tim cuahmah. Hipa hi a theimi kan tampi lai. A theilomi kan um lai ka zum theng lo. Minih soisel tong cem zungzal asi. A kong kan theih cem dingmi ah Portugal miphun asi. Kum 30 asi. Fapa pakhat a ngei i, aho nu sinin a ngeih kan hngal lo. Mi thintawi asi ve. Cheukhat nih Pennaldo, tiah an auh. Cun "Crybaby" ti zongah an auh fawn. Atu lio ah vawleicung bawlung chuih thiam bik asi. FIFA Ballon dO'r cu voi thum a hmuh ve. 2008, 2013 le 2014 kum ah. Vawlei cung bawlung chuihmi lakah pumpak laksawng a hmu biktu zong asi. Man. Utd in Real Madrid ah 2009 kum ah ai thial ti deuh lawng hi zapi nih kan theih lai ka zumh. Sinain, a chunglei a tuahsernak kan hngal tawn lo. Bawlung a chuihnak pin leiah mi sifak harsa siseh, ngakchia siseh, ei awk din awk a ngeilomi siseh a chaw le va tampi in a bawm zungzalmi pasal pakhat a si. Cun, ngakchia a thi dingmi zong an nunnak tiang khamh awk caah a thi hmanh a hlu tawnmi asi. Naite i Nepal khua li ai hninhnak zongah million $7 bak a bawmh ve hoi hna. A bawmhchanh mi hna hi a tam lengluang. A tuanbia tha tein kan tial tikah ka tial chih viar te hna la. A zeidang kong cu va um rih seh, hitin miharsa le a thi dingmi hna tampi a bawmhchanh ruang ko hin keicu a hleiin ka uar tuk khunnak asi. Zeisihmanh ah, ttihzah upat tlak pasal tha pakhat a simi Ronaldo nih kan hnu kum chungah million $79 a ei. Hmuhlei nak hin peknak lei ah thluachuah a um deuh timi hi ai fiang tuk rua. A pek deuhdeuh bantukin thlachuah tam deuhdeuh a zun ve. Vawleicung bawlung chuihi zahzat vialte lak i tangka hmu bik a si rihmi in mithmuh kuttongh in kan theih khawh.
Wales miphun a si. Wales cu United Kingdom chung i a ummi ram pakhat a si ve. Amui zohnak bang si lo, kum 25 lawng si rih. High school arak kai lio in an rak i uar cangmi a girlfriend he fanu pakhat te an ngei. A ngakchiat tein Southampton F.C (England) ah a rak chuih. Atu ahcun Real Madrid hmaikai ah an hman lio mi asi nain, Southampton le Tottemham a chuihkaa ahcun Left Back ah rak hmanmi a si. Tottenham a rak um lio 2012 hrawng cu vawleicung ah a tur lio asi. Biatak tein minthan van ithok i a laar. Tikah, Real Madrid theu nih cun kan cawk ko la ti an rak si. Gareth Bale a contract kong ah sau tuk an rak buai i, an rak rau. Sihmanhsehlaw, 2013 ahcun Real Madrid ah ai thial than kho ko. Atu ni ahcun a laar tawk in le zapi nih ruah ningin a ti kho lo. Zapi nih a man (price) le a cawngcangh ning ai tlak lo ti zongah an ceihcum len. Kan hnu kum 2014 chungah million $34.9 a ei ve.
3. Zlatan Ibrahimovic (Paris Saint-Germain)
Sweden miphun a si. Kum 33 asi ve cang. Nupi le fa pahnih a ngei ve. Kum 6 a si in bawlung chuih cangmi asi. Bawlung chuih zong arak thiam. Inn chungkhar harset ruangah bawlung chuih ti loin rianhraang tuan arak itim mi asi nain, a manager pa nih bawlung chuih arak thiam tuk caah bawlung chuih deuh dingin a rak forhfial bal. A ngakchiat tein arak uar tukmi le a chuih ning style in ai tthan pimi cu Brazil ram Ronaldo hi asi. A umnak club hi ai thial pah tawn i, atu a chuihnak cu France ram Paris Saint-Germain (PSG) ah asi. Kum khat te lawng a contract ai duh cang. Tlawmpal ah US lei rat i Major League Soccer (MLS) ah chuih ve ai tim. US Visa zong ai tuah cuahmah lio asi. Zeitik ah a rat ciah le khoika US club ah a chuih te lai ti cu fiangin theih asi rih lo. Vawleicung hmaikal bawlungchuih thiam ahcun hrokual cem ah ka chiahmi a si. A thin zong tawi; amah le mah zong ai cawngsang takmi pa a si. Amahbalte, rawlttaam tihal in vawlei cung hmunkip um ngakchia a bawmchan vemi pasal pakhat asi. Hi a tuahsernak lam hi cu ka upat bak. Zeisihmanh ah, hi Zlatan nih kan hnu kum ah million $42 a ei.
2. Lionel Messi (Barcelona)
South America i Argentina ram miphun asi. Kum 27 a si. Kum 5 si in bawlung chuih hram ai thok cang. Nupi le fapa pakhat te a ngei ve. Vawleicung bawlung chuih thiam bik timi laksawng FIFA Ballon dO'r cu kum li peh bakin a lak. Vawleicung bawlung chuihnak tuanbia (Football history) ah a mah bantukin FIFA Ballon dO'r voi li a hmumi an um rih lo. A chuihnak Barcelona club tuanbia zongah amah tlukin goal a sutmi an rak um rih lo. Cu lawng hlah, Spain ram chung La Liga league zongah amah tlukin goal sut khomi an um rih lo. Amah lawnglawng hi Barcelona le La Liga league an tuanbia chungah goal sut tam cem asi. Hipa le C. Ronaldo cu tahchunh lengmangmi le kanmah a leng minung nih a duh paoh in zuamter mi hna an si zungzal. A luancia kum kua in tuni tiangah vawleicung bawlung chuih a thiam bik timi ah anmah pahnih hi pakhatnak le pahnihnak zungzal an si ve fawn. Interview an tuahnak hna ah, "kanmah pahnih hi a huat zong kan i hua lo. Pakhat le pakhat zong kan i zuam fawn lo. Kan mah chuih in kan chuih ko. A lengmi mipi tu nih nan duh paoh in nan kan ceihphai i nan kan zuamcawhter," tiah Messi nih arak chim bal. Theih tukmi an si, an kong tampi tial hau lemlo. Vawleicung bawlung chuihnak ah mipi thinlung a turcawl cem bik vevemi zong an si caah a herh cun an pahnih tuanbia lawng ka tial than te lai. Zeisihmanh ah Messi nih kan hnu kum ah Million $70.5 bak a ei.
1. Cristiano Ronaldo (Real Madrid)
Hipa hi cu vawleicung bawlung chuih thiam minthang ah ka uar bik asi. Hitin a konglam van tial sawhsawh ding hmanh hi ka siang lo. Caan rem ka hngak i a tuanbia tha tein tial kai tim cuahmah. Hipa hi a theimi kan tampi lai. A theilomi kan um lai ka zum theng lo. Minih soisel tong cem zungzal asi. A kong kan theih cem dingmi ah Portugal miphun asi. Kum 30 asi. Fapa pakhat a ngei i, aho nu sinin a ngeih kan hngal lo. Mi thintawi asi ve. Cheukhat nih Pennaldo, tiah an auh. Cun "Crybaby" ti zongah an auh fawn. Atu lio ah vawleicung bawlung chuih thiam bik asi. FIFA Ballon dO'r cu voi thum a hmuh ve. 2008, 2013 le 2014 kum ah. Vawlei cung bawlung chuihmi lakah pumpak laksawng a hmu biktu zong asi. Man. Utd in Real Madrid ah 2009 kum ah ai thial ti deuh lawng hi zapi nih kan theih lai ka zumh. Sinain, a chunglei a tuahsernak kan hngal tawn lo. Bawlung a chuihnak pin leiah mi sifak harsa siseh, ngakchia siseh, ei awk din awk a ngeilomi siseh a chaw le va tampi in a bawm zungzalmi pasal pakhat a si. Cun, ngakchia a thi dingmi zong an nunnak tiang khamh awk caah a thi hmanh a hlu tawnmi asi. Naite i Nepal khua li ai hninhnak zongah million $7 bak a bawmh ve hoi hna. A bawmhchanh mi hna hi a tam lengluang. A tuanbia tha tein kan tial tikah ka tial chih viar te hna la. A zeidang kong cu va um rih seh, hitin miharsa le a thi dingmi hna tampi a bawmhchanh ruang ko hin keicu a hleiin ka uar tuk khunnak asi. Zeisihmanh ah, ttihzah upat tlak pasal tha pakhat a simi Ronaldo nih kan hnu kum chungah million $79 a ei. Hmuhlei nak hin peknak lei ah thluachuah a um deuh timi hi ai fiang tuk rua. A pek deuhdeuh bantukin thlachuah tam deuhdeuh a zun ve. Vawleicung bawlung chuihi zahzat vialte lak i tangka hmu bik a si rihmi in mithmuh kuttongh in kan theih khawh.
No comments:
Post a Comment