A minfak ah Floyd Mayweather, Jr a si. February 24, 1977 (kum 38) ah Laimi an tam ngainak Grand Rapids, Michigan khua ah a chuak. A san Pe 5 le lehmah 8 a si. Las Vegas ah khuasa mi a si. Unau pa 4 a ngeih hna. A fawinak in "money" or "pretty boy" ti zongah an auh. An chungkhar hrim hi boxing thongh thiammi an rak si. A pa hi a chan lio ah "professional boxer" pakhat a rak si. Cun adang a uncle pahnih Jeff le Roger zong professional boxing thongh thiam an rak si ve. Roger Mayweather cu atu Floyd trainer a si. Ai thongh caan paohah thazaang pe lengmangtu zong an si fawn.
Mayweather chungkhar (family) hi boxing thongh thiamnak ah minthan lawng si loin a uarh hrim te an rak uar. A ngakchiat lio tein boxing thongh hi biatak tein a rak uar ve. A thisa hrimhrim hin a rak um cang. An ngakchiat lio hrawng cu tu chan he ai lawh lo caah an rak harsa ngai. Ngakchiat tete zong nih rian rak ttuan a si. Cu bantukte cun Mayweather zong cu kum 9 hrawng si ah riantuan a rak itim ve. Nain a pi siseh, a chung le dang nih an rak duhpiak lo. Boxing thonghnak lei tu hin thazaang an rak pek deuh lengmang. A ngakchiat lio a pa thongtlak kar hin New Jersey state ah an rak um bal. An chungkhar zong an rak terual ngai. Minung 7 hrawng inn khan, khan khat ah an rak um. An rak harsa ngai. A caan ahcun mei (electricity) hna ngei loin khua an rak sak caan a um tawn. Cucaah atu i Mayweather tuanbia le a ngakchiat lio kong thuk deuh in a theimi nih cun hitin a nunning (life) ai thlen hi an khuaruah rak har ngai.
An chungkhar tuanbia rel tikah ngaihchia ngai. A pa hi ritsii (drug) zuarmi a rak si. A nu hi ritsii (drug) nih a suaimi a rak a rak si ve. Sianginn a rak lawi paoh hin an inn hmaiah a nu ritsii chunhnak tthim hi a kawl i a hlonh tawn. A nu unu zong ritsii chunhnak tthim ruangah AIDS in a rak thi bal. Mayweather hi a pa nih a dawt ngaimi a rak si. A unau dang nakkhin a rak dawt khun. A pa nih boxing thongthiam minthang pakhat siseh tihi a saduhthahpiak mi lakah a ngan bik a rak si. Hawi dang pa nih an fa le cu park, movie le ice cream dawr ah an kalpi tawn. Sinain Mayweather cu nifate an inn pawng gym ah a pa nih a kalpi i special in training a rak pek. A pa nih a si khawh chungin hawi hngar loin a rak chiah. A nu sin ai nuamh lo ah a pi sinah a um tawn. Cuticun a siaremnak paoh ah khuasami a rak si. Tlawmpal cun training a tuah lengmang bantukin boxing thong a thiam chin lengmang ve. Tikah, rian dang ttuan ka hau ti lo. Boxing in nikhatkhat cun ka paw kai cawm te ko la tiah high school kai a rak i phuak. Hitin a awngmin mi le vawleicung minthang pakhat a sinak hi a pa siseh, a chungkhar nih siseh thazaang an rak pek tuk ruangah a si, ti usih law kan palh lai lo. Laimi nu le pa zong kan fa le hi an ngakchiat te in zeidah si hna seh ti kan duhpiak hna? Kan duhpiak mi hna a um ahcun thazaang 100% in pe ve usih law an i tthanpi lai i nikhatkhat cun vawleicung minthang an si pinah an pawcawmnak tiang a chuak kho ve.
Mayweather cu kum 7 si hin boxing thonghnak kuthruk ai rak hruk cang. Cuticun an in pawngah gym cun a cinh lengmang awngminnak taktak a rak hmuh. Mayweather a theimi nih cun zeitluk a kut ran hi kan theih dih ko lai. Keh le orh he thleidang loin mi duhpaoh in a thawng kho. A tleirawl lio 1993, 1994 le 1996 ah a boxing thongh ning style le kut ran (speed) leiah sui kuthruk (golden glove) timi a rak hmuh. A tleirawl lio pre-professional ahhin voi 84 teinak a rak hmuh i voi 6 cu a rak sung ve. Sinain khuaruahhar ngaimi pakhat a simi cu, professional boxing thong thiam minthang a si hnu in voikhat hmanh a sung rih lo. Voi 47 ai thawngnak ah a dihlak in teinak a hmuh khawh. Cun voi 26 hi "Knock Out" in mi a tei hna.
Mayweather boxing in a pawcawmnak le tangka hmuhnak (professional career) cu October 11, 1996 hin ai thok. Professional boxer a van si hnu ko hin a thiam ning ai dang. Ai thongh dan nih mi lunghmuihter chinchin i, a thiam deuhdeuh fawn. A pa zong ritsii (drug) zuar ruang i a thongtlaknak in a van chuak ve. Tikah, a pa cu a ngakchia lio te in training a rak pe lengmangtu a si bantukin amah managers le trainer pakhat ah a khanh colh. Boxing thongthiam pakhat a si caah mitei ai harh lem hna loh. 1998 hin a voikhatnak bik (world title) WBC super featherweight championship cu Genaro Hernandez teinak in a rak hmuh.
Kum 2000 hnu hin biatak tein laar hram a van thok. 2002 ah WBC lightweight title a rak lak. WBC super Lightweight title timi 2005 ah a rak lak hoi. Cun IBF, IBO, WBC le IBA welterweight titles zong 2006 ah rak lak chap. Cun adang pakhat a sunglawi ngaimi teinak pakhat a hmuhmi cu Oscar De La Hoya a tei i, WBC super welterweight crown a rak lak hi a si.
WBC cu World Boxing Counsil tinak a si. February 14, 1963 Mexico City, Mexico ram ah ram 11 komh in rak dirhmi a si. Atu ahcun ram in members 161 tluk an si cang. Hi WBC cu "World Boxing Champion" buu chung i a ummi International Boxing Federation (IBF), World Boxing Associations (WBA), le World Boxing Organization (WBO) lakah pakhat a si ve.
Boxing ai thonghnak in a hmuhmi tangka a karh. 2010 U.S ram pumpi chung i "sport" ai celhmi lakah a sang bik pahnihnak a rak si. Kum khat ah million $65 nak tam a rak hmuh. Pakhatnak cu Tiger Woods kohti (golf) tuk thiammi pa si i million $105 a rak hmuh. Pathumnak cu Kobe Bryant basketball celh thiammi pa a si ve i, millions $48 a rak hmuh ve. Palinak cun Phil Mickelson kohti (golf) tuk thiam a si ve hoi i, millions $46 a rak hmuh ve. Panganak cun vawleicung bawlung chuih thiam minthang pakhat David Beckham hi a si. Millions $43.7 hrawng a rak ei ve.
Mayweather nih pumpak buaibainak tete a ngeihmi a um. An chungkhar ah rak dawt cemmi a si caah a lor i, hi a lornak nih a riantuantti hawi zong hnahnawhnak a pek tawn. Hringtu a pa cu 2000 ah managers pakhat sinak in a rak chuah (fired). Tlawmpal ah trainer pakhat sinak in a rak chuah hoi. Cun a uncle Roger Mayweather nih a pa umnak trainer dirhmun cu a van lak. Boxing kun chung lawng si loin a leng zongah hawi he ai sikvuaknak a um len. December, 2011 ah Las Vegas biaceihtu pawl nih nii 90 chung thong an rak thlak. Adang zong ah tlaihkhih a tawnnak a um rih. A chuahnak khua Grand Rapids le a ummnak khua Las Vegas ahhin tlaikhih a tong khun.
Ruah lo piin Mayweather nih Ricky Hatton a tei hnu 2007 kum ah boxing thonghnak in kai din cang (retire) lai tiah thawng a rak thanh. Zaapi biatak tein an khuaruah rak har. Vawleicung 'sport' uarmi vialte an rak lau dih, ti a si. Amahbalte, September thla 2009 ah a rak kirtthan i Juan Manuel Marquez he an rak iphomh i millions $60 he teinak a rak hmuh. Thla 8 hnu ah Shane Mosley he Las Vegas ah an rak iphomh hoi i a rak tei hoi. A chan lio boxing thiam timi pawl hi cu a rak tei dih ngawt ko hna. May 2013 ah Robert Guerrero zong a rak tei.
Si le, hi vial hin Floyd Mayweather tuanbia kong cu ka van khomhsuat khawh tawk si rih seh. Thaizing May 02 i Pakio he an i phomhnak ding konglam tlawmpal in van tial ning. Pakio le Mayweather hi naite lawng in ai ngiar mi an rak si lo. December 5, 2009 ah Pakio nih Mayweather he March 13, 2010 ah i phomh dingin min a rak thut cang. Nain Pakio nih a rak cancel than. 2009 cun mi zong nih an ceihphai hna chinchin hna i an van i ngiar ceomo ve. Atu thaizing May 02, 2015 lawng hin i phomh taktak cang dingin biakhiahnak tlamtling an tuah khawh.
Mayweather le Pakio cu US ram (Eastern Time) zaan 11:00 pm ah Showtime le HBO ah zoh khawh asi lai. A man balte a fak ngai $100 a si nain a phu ko. Uk ahcun Zarpani zinglei 4 am ah zoh khawh si lai i Australia ram ahcun chun 1:00 pm (Sydney) ah zoh khawh a si ve lai.
Hi boxing thonghnak event hi ram dang ahcun alak (free) in zoh khawh a si. Mexico, France, Colombia, China, Philippines, Dubai, South Africa, le Thailand ah alak bak in an piah lai! An i phomhnak ding hmun cu Las Vegas khua THE MGM Grand Garden Arena ah a si. Hi arena hi boxing ca lawng ah hman mi a si lo. Adangdang sport phun zong tampi hman khawhnak hmun a si. A kau ngai. Hi arena chungah hin Football, College Basketball, nu volleyball, UFC, WCW wrestling le innchung bawlung chuihnak (indoor) tiangin an hmannak hmun pakhat a si. Boxing kun ah hman deuh a si caah zaapi nih "boxing arena" tiin an thei deuh ve. Hi arena hin Mayweather nih voi 10 ai thawng bal cang. Pakio nih voi 12 hrawng ai thawngh cianak hmun a si ve. Hi arena chungah hotel zong an um cia dih. Cun hi arena chung hotel cu US ram pumpi ah a lian bik hotel pakhat a si. Vawleicung hotel in kan zoh si cun pahnihnak a si. Innkhan 6,852 tluk a um. (Vawleicung hotel lian bik cu "The Venetian" ti a si. Las Vegas thiamthiam ah a um. Innkhan 7,117 tluk a um).
Tutan boxing an i thonghnak ah Pakio nakin Mayweather nih a hmuhmi a tam deuh. Million $300 dih in an i thong lai. Boxing tuanbia ah hinak tam tangka a chuak bal lo. Hi chungah hin 60/40 tiin an tthen. Mayweather nih million $300 chungah 60% a hmuh lai tinak a si i, Pakio nih 40% a hmuh ve lai tinak a si. Round 12 tiang an i thongh khawh ahcun Mayweather nih minute pakhat ah million $5 tluk a hmuh lai i, Pakio nih minute pakhat ah $3.3 a hmuh ve lai.
An i cuh dingmi taisawm cu "welterweight limit of 147 lbs" timi a si. Mayweather nih a taisawm WBC le WBA a khaap lai i, Pakio nih a WBO taisam a khaap ve lai. Kan hnuzarh nilini ah ticket zuar hram an thok in cikhat te ah a dih colh. Hi i thongnak ah "referee" ttuantu ding cu Kenny Bayless timi pa a si. Hi pa nih Mayweather voi 5 ai thonghnak le Pakio voi 7 ai thonghnak ah referee a rak ttuanpiak bal cang hna. Hi an i thonghnak ah US dollars $25,000 a hmuh ve lai, ti a si.
Tuan deuh ah ka tial cang bang. Mayweather cu voi 47 ai thongh i voikhat hmanh a sung bal lo. Sport a uarmi nih cun upat awktlak ngai pakhat a si, tiah ka ruah. Cucaah hitin a tuanbia tawi hi ka khomhsuat i ka tialnak hi a si. Amahbalte, Mayweather hi a tleirawl lio, "professional boxer" a si hlan ahcun voi 6 a rak sung bal nain cucu an buaipi mi ah ai tal lo. An professional career lawng hi an ca i a biapi khunmi cu a si. Pakio hi 1995 i professional boxer ai thoknak in voi 67 ai thong i voi 5 an teimi a si. Nain Mayweather nakin "Knock Out" a teimi hna an tam deuh ve.
Hika hin a luancian caan i Pakip tuanbia ka tialmi rak relchap te! Pakio hi a hlan ahcun Catholic a rak si nain Baptist bak ai thial mi a si. A pianthar hnu hin a kaa in Pathian min le bia lawng te a chuak. Ai manh caan zongah Bible rel lawng a rian, ti a si. Naitan Mayweather he a donghnak bik Press Conferences an tuahnak i a biachim mi le bang cu ka uar kho tuk! Miphun pi lak i Pathian min le Jesuh min a van chim thluahmah ko khin kai lunghmuih a zual. Hika hin rak ngai ve. Mayweather zong kan i thongh dih hna biaruah ka duh, a ti. Pathian a zumhnak kong le Pathian thawnnak kong hi chimh cawnpiak a duh mi cu a si. Mayweather hi mi ingchia le thintawi tak mi a si. A thisa in i vuak le tangka lawng a um caah ahohmanh zei ah rel mi (respect) a si bal lo. Hika hin a hringtu pa zong biatak tein mi hmai ah vualhpamhnak rak bih chih te. Cun, thazing an i thonghnak cu rak zoh ve hrimhrim te law, Pakio cu thlacamnak zongin rak bawm ve. Pathian kan lei a ttan ahcun aho nih dah a kan tei khawh lai?!
Mayweather cu kum 7 si hin boxing thonghnak kuthruk ai rak hruk cang. Cuticun an in pawngah gym cun a cinh lengmang awngminnak taktak a rak hmuh. Mayweather a theimi nih cun zeitluk a kut ran hi kan theih dih ko lai. Keh le orh he thleidang loin mi duhpaoh in a thawng kho. A tleirawl lio 1993, 1994 le 1996 ah a boxing thongh ning style le kut ran (speed) leiah sui kuthruk (golden glove) timi a rak hmuh. A tleirawl lio pre-professional ahhin voi 84 teinak a rak hmuh i voi 6 cu a rak sung ve. Sinain khuaruahhar ngaimi pakhat a simi cu, professional boxing thong thiam minthang a si hnu in voikhat hmanh a sung rih lo. Voi 47 ai thawngnak ah a dihlak in teinak a hmuh khawh. Cun voi 26 hi "Knock Out" in mi a tei hna.
 |
| Mayweather le a Pa |
Kum 2000 hnu hin biatak tein laar hram a van thok. 2002 ah WBC lightweight title a rak lak. WBC super Lightweight title timi 2005 ah a rak lak hoi. Cun IBF, IBO, WBC le IBA welterweight titles zong 2006 ah rak lak chap. Cun adang pakhat a sunglawi ngaimi teinak pakhat a hmuhmi cu Oscar De La Hoya a tei i, WBC super welterweight crown a rak lak hi a si.
WBC cu World Boxing Counsil tinak a si. February 14, 1963 Mexico City, Mexico ram ah ram 11 komh in rak dirhmi a si. Atu ahcun ram in members 161 tluk an si cang. Hi WBC cu "World Boxing Champion" buu chung i a ummi International Boxing Federation (IBF), World Boxing Associations (WBA), le World Boxing Organization (WBO) lakah pakhat a si ve.
Mayweather nih pumpak buaibainak tete a ngeihmi a um. An chungkhar ah rak dawt cemmi a si caah a lor i, hi a lornak nih a riantuantti hawi zong hnahnawhnak a pek tawn. Hringtu a pa cu 2000 ah managers pakhat sinak in a rak chuah (fired). Tlawmpal ah trainer pakhat sinak in a rak chuah hoi. Cun a uncle Roger Mayweather nih a pa umnak trainer dirhmun cu a van lak. Boxing kun chung lawng si loin a leng zongah hawi he ai sikvuaknak a um len. December, 2011 ah Las Vegas biaceihtu pawl nih nii 90 chung thong an rak thlak. Adang zong ah tlaihkhih a tawnnak a um rih. A chuahnak khua Grand Rapids le a ummnak khua Las Vegas ahhin tlaikhih a tong khun.
Ruah lo piin Mayweather nih Ricky Hatton a tei hnu 2007 kum ah boxing thonghnak in kai din cang (retire) lai tiah thawng a rak thanh. Zaapi biatak tein an khuaruah rak har. Vawleicung 'sport' uarmi vialte an rak lau dih, ti a si. Amahbalte, September thla 2009 ah a rak kirtthan i Juan Manuel Marquez he an rak iphomh i millions $60 he teinak a rak hmuh. Thla 8 hnu ah Shane Mosley he Las Vegas ah an rak iphomh hoi i a rak tei hoi. A chan lio boxing thiam timi pawl hi cu a rak tei dih ngawt ko hna. May 2013 ah Robert Guerrero zong a rak tei.
 |
| Mayweather Vs. Hatton |
Mayweather le Pakio cu US ram (Eastern Time) zaan 11:00 pm ah Showtime le HBO ah zoh khawh asi lai. A man balte a fak ngai $100 a si nain a phu ko. Uk ahcun Zarpani zinglei 4 am ah zoh khawh si lai i Australia ram ahcun chun 1:00 pm (Sydney) ah zoh khawh a si ve lai.
Hi boxing thonghnak event hi ram dang ahcun alak (free) in zoh khawh a si. Mexico, France, Colombia, China, Philippines, Dubai, South Africa, le Thailand ah alak bak in an piah lai! An i phomhnak ding hmun cu Las Vegas khua THE MGM Grand Garden Arena ah a si. Hi arena hi boxing ca lawng ah hman mi a si lo. Adangdang sport phun zong tampi hman khawhnak hmun a si. A kau ngai. Hi arena chungah hin Football, College Basketball, nu volleyball, UFC, WCW wrestling le innchung bawlung chuihnak (indoor) tiangin an hmannak hmun pakhat a si. Boxing kun ah hman deuh a si caah zaapi nih "boxing arena" tiin an thei deuh ve. Hi arena hin Mayweather nih voi 10 ai thawng bal cang. Pakio nih voi 12 hrawng ai thawngh cianak hmun a si ve. Hi arena chungah hotel zong an um cia dih. Cun hi arena chung hotel cu US ram pumpi ah a lian bik hotel pakhat a si. Vawleicung hotel in kan zoh si cun pahnihnak a si. Innkhan 6,852 tluk a um. (Vawleicung hotel lian bik cu "The Venetian" ti a si. Las Vegas thiamthiam ah a um. Innkhan 7,117 tluk a um).
 |
| The MGM Grand Arena |
An i cuh dingmi taisawm cu "welterweight limit of 147 lbs" timi a si. Mayweather nih a taisawm WBC le WBA a khaap lai i, Pakio nih a WBO taisam a khaap ve lai. Kan hnuzarh nilini ah ticket zuar hram an thok in cikhat te ah a dih colh. Hi i thongnak ah "referee" ttuantu ding cu Kenny Bayless timi pa a si. Hi pa nih Mayweather voi 5 ai thonghnak le Pakio voi 7 ai thonghnak ah referee a rak ttuanpiak bal cang hna. Hi an i thonghnak ah US dollars $25,000 a hmuh ve lai, ti a si.
Tuan deuh ah ka tial cang bang. Mayweather cu voi 47 ai thongh i voikhat hmanh a sung bal lo. Sport a uarmi nih cun upat awktlak ngai pakhat a si, tiah ka ruah. Cucaah hitin a tuanbia tawi hi ka khomhsuat i ka tialnak hi a si. Amahbalte, Mayweather hi a tleirawl lio, "professional boxer" a si hlan ahcun voi 6 a rak sung bal nain cucu an buaipi mi ah ai tal lo. An professional career lawng hi an ca i a biapi khunmi cu a si. Pakio hi 1995 i professional boxer ai thoknak in voi 67 ai thong i voi 5 an teimi a si. Nain Mayweather nakin "Knock Out" a teimi hna an tam deuh ve.
Hika hin a luancian caan i Pakip tuanbia ka tialmi rak relchap te! Pakio hi a hlan ahcun Catholic a rak si nain Baptist bak ai thial mi a si. A pianthar hnu hin a kaa in Pathian min le bia lawng te a chuak. Ai manh caan zongah Bible rel lawng a rian, ti a si. Naitan Mayweather he a donghnak bik Press Conferences an tuahnak i a biachim mi le bang cu ka uar kho tuk! Miphun pi lak i Pathian min le Jesuh min a van chim thluahmah ko khin kai lunghmuih a zual. Hika hin rak ngai ve. Mayweather zong kan i thongh dih hna biaruah ka duh, a ti. Pathian a zumhnak kong le Pathian thawnnak kong hi chimh cawnpiak a duh mi cu a si. Mayweather hi mi ingchia le thintawi tak mi a si. A thisa in i vuak le tangka lawng a um caah ahohmanh zei ah rel mi (respect) a si bal lo. Hika hin a hringtu pa zong biatak tein mi hmai ah vualhpamhnak rak bih chih te. Cun, thazing an i thonghnak cu rak zoh ve hrimhrim te law, Pakio cu thlacamnak zongin rak bawm ve. Pathian kan lei a ttan ahcun aho nih dah a kan tei khawh lai?!
No comments:
Post a Comment