Na Pathian Na Fiang Taktak Maw?

Thursday fatin lamkam homeless sinah thawngtha kan chim tawn. Naitan cu pakhat nu hitin bia ka hal: "Jesuh hi na Bawipa le na khamhtu ah na cohlang cang maw?" tiah ka hal. "Cohlan ka duh ko nain ka nu a ka lakpiak le ka cohlan kho bak lo; ka lungthin a faak tuk" a ti. Pathian cungah a lungfaakmi a lo. Hi lio ah Job nunnak ka nun ah a ra colh. Kan biakmi le kan thangthatmi Pathian hi 'ahodah asi' tihi kan i fian taktak lo ahcun vawlei kan tonmi thil hi intuar zia thiam lo an rak fawi tuk i cu nih cun Pathian he i hlatnak a chuahter tawn. Na biakmi Pathian hi a hodah asi tihi naa fiang taktak ve maw? 

Is God Working In Your Life?

Kannih cu Pathian muisam keng in sermi kan si (Gen 1:27). Amah he nifatin Eden dum ah aa hawikommi kan rak si. Nain, nawl kan ngaih lo ruangah kan sual i cu sualnak nih cun Pathian he kan i hawikomhnak cu a hrawh. Pathian muisam keng ti loin khuachia muisam kan keng. Cucu Thlarau lei i thih timi a si (Efe 2:1). Cu chung cun Jesuh nih Calvary ah a thisen sung in a kan tlanh i a zummi paoh khamh kan si (Efe 2:8). Khamh a si cangmi paoh nih Eden dum bantuk in Pathian he hawikomhnak kan ngei than. Amen! Cun, khamh asi cangmi paoh nih Khrih Thlarau an ngei (Efe 1:13) i cu Thlarau chunglei riantuannak nih a Fapa Jesuh Khrih muisam lo chin lengmang in nikhat hnu nikhat a kan thlen (hihi theology biafang kan hman ahcun 'sanctification' ti asi). Khamh kan si cang tiah aukhuang len ding asi rih lo. Pathian he hawikomhnak na ngei maw? Na chungah Khrih Thlarau rian a tuan maw? Na rak duhmi kha atu na hua maw? Thlarau theitlai na nunnak ah a tlai maw? 

"you will know them by their fruits." Matthew 7:20

Who Are You Imitating?

Jesus cu tling tein minung asi i tling tein Pathian zong asi (fully man and fully God). Sinak pahnih a ngei (two natures). Vawlei a um lio a nunning hi a minung sinak lawngte in a um. Khuaruahhar a tuahmi zong a minung sinak in a tuah. Khuaruahhar a tuahmi nih Pathian sinak a langhter lo. Moses, Elisha, le Elijah zong nih khuaruahhar an tuah ko. Pathian an si hlei lo. Tukfornak a in zongah minung sinak in a ing. Vawlei a nun lio hi a Pathian sinak in rak nung seh law Jesuh hi a nawl kan cawng kho hnga lo. Jesuh vawlei ah a minung sinak (nature) in a tlawnlen cu a nawl kan cawn khawh nakhnga caah asi. Aho nawl dah na cawn? Mi cheu cu vawlei nawlcawngmi kan tampi. Jesuh nawlcawl a tha bik!!

We Deny Ungodliness and Worldliness

Jesuh a zummi paoh nih Thlarau an tinco (Eph. 1:13). Pathian Thlarau a ngei lomi cu Khrih ta an si lo (Rom 8:9). Thlarau nih a hruaimi hna cu Pathian fale an si (Rom 8:14). Kannih cu Pathian fa kan si (Eph 5:1; 1 John 3:1-2). Sianginn kainak ah siseh, riantuannak ah siseh, mirum pa fale mi sifak pa fa cu theih khawh ngai an si. An thil hruk aih in siseh, an bia chim in siseh, an cawlcanghning in siseh, hngalh khawh ngai an si. Kannih zumtu zong a nungmi Pathian van siangpahrang fa kan si caah Satan pa fale hna he kan i dan awk an si. Kan nun zoh in aho fa dah kan si hi an kan hngalh ve ding hrimhrim asi. Van siangpahrang fa kan sinak hi mi nih an kan zohnak in kan thei kho ve hram hna seh. Ngaihchia ngai a simi cu, tuchan ahcun thleidan awk kan har tuk cang. Niruk chung hi Satan pa fa bantuk in kan tlawng i Pathian Nii lawng ahhin Pathian fa kan si tawn. If He died for us... how can we give our heart to another, especially to the world....? We should not; we must deny ungodliness and worldliness! God bless you!

Press ON

Vawlei kan um chung cu zeitik hmanh ah kan "perfect" kho hrim lai lo. Zeitluk a thlarau mi nule pa zong a caan ahcun sualnak he pehtlai in harnak an ton caan um ko la. Thlarau lei kaar ka hlan deuhdeuh i minung menmen zei hmanh kan rak si loning hi ka fiang i kan Pathian hi ka duh chin lengmang. Mipiangthar zong hi vawlei ahcun ahohmanh kan perfect kho lai lo. Laimi cu theology ah kan sifah tuk caah sualnak i an tluk sual caan ah kan khuaruah a har tawn. Nain, mipiangthar cu teinak nun kan ngei. Sualnak ah kan luat. Daihnak le lawmhnak kan ngei. Sual chiatserhnak in miluat kan si. Kan i ruahchanmi pakhat lawng a um i cucu Jesuh ratthan nii hi asi. Mi piangthar hna, kan thachia hlah seh. Kan Bawipa Jesuh ratthannak caan hi faakpi in hngak ko hna usih. A vanmi thiang hna he an rak ttum than te lai i amah bantuk ah a kan ser te ko lai. Amah bantuk kan si te lai i a sunparnak hrawmh kan si lai. Cucaah, hnulei thil kha philh in hmailei ah faak piin tli peng ko hna usih.

Biapeh: Laimi cu theology ah kan sifaak tuk rih i mipiangthar nih sualnak hmete an tuah sual caan ah kan lau tawn. Sualnak a tuah kho bak ti lomi ahkhin kan ruah hna. Hihi "sualnak" kong Bible nih a kan cawnpiakmi tha tein kan i fian lo caah asi i Laimi theology kan sifahnak fam cu asi.

Be Alone With God

Jesuh vawlei ah a um lio ah voi tampi mipi sinin aa zukphiak i amah te lawngin a thli tein a um i thla a cam lengmang (Luke 5:16). Voikhat cu zingka te ah amah te lawng thla arak cam kha an hmuh (Mark 1:35). Cun voikhat cu amah te lawng zaan khuadei in thla arak cam an hmuh fawn (Luke 6:12). Amah thiamthiam lawng voikhat cu tlang ah thlacam ah a kai than (Matt 14:23).

Unau, kannih zong hi hawi sinin i zukphiak i kanmah te lawng innkhan chungah thlacam ding hi Bawipa nih a kan duhpiak. A cancan ahcun kan phone, TV le computer hi off i kanmah te lawng vancung kan Pa he biaruahnak caan hi kan pek ve ding asi. Bawipa nih thluachuah kan pekpiak seh.

Repent and Believe the Gospel

Nawlbia a um hlan ah sualnak a um diam cang. Sihmanhsehlaw, Nawlbia a um hlan ah sual cu sual ah rak relpiak asi lo (Rom 5:13). Moses chan ah Pathian nih nawlbia a kan pek i nawlbia kan zulh khawh ti lo caah kan sualnak kan i hmu (Rom 7:7). Sualnak a karh (Rom 5:20). Moses thawngin Pathian nih phung le lam a kan pek i cu nih a chuahpimi kan pa Adam sinin a rami sualnak ruang i thihnak kha asi ko. Pathian nih a kan dawt tuk caah sualnak a ngei lomi Jesuh cu kan sualnak kha a hrawmter (2 Corin 5:21) i kan caah a thi (Rom 5:8). A va sunglawi ee.. cucu kan sualnak i ngaihchih i zumhnak tein cohlan ding kha Bawipa nih a kan fial.. (Efe 2:8-9) (Mark 1:15). Nai hrawng ka sermon tawi ah sual ngaihchihnak (repentance) le khamhnak (salvation) kong rumro ka chim. Mi nih extreme tukah an ka ruah khawh men nain Tipil Petu Johan le Jesuh nih lamkaltu hna hlan piin an chimmi biatak ka nolh thanmi te khi asi. Ka nolh peng rih ko lai. Nan sualnak kha i ngaihchih uhlaw thawngtha hi zum uh (mark 1:15). Jesuh voihhnihnak a ra than lai. Nain, velngaihnak le zaangfahnak in a ra ti lai lo. Misual kawl in a khamh ti hna lai lo. Kan sining cio in bia a kan ceih cang lai. Ngaih nuam lo ngai nain biatak cu biatak asi ko ee..

Your Steadfast Love Endures Forever..

Father I come before you in the name of your Son, Jesus Christ. Your steadfast love always remains. Father, I trust you. I rely on you. You're worthy. I cast out all my anxiety and wariness on you. This is what you want me to do. I love you, Father, because you love first. Bless this time. Let me see what you want me to see. Let me hear what you want me to hear. I worship you. I honor you. I praise you, Father. I rejoice in you. I love you, Lord. You heard my voice. You heard my cry for mercy. You turned your ear to me. I will call your name as long as I live. I am so empty and broken, Father. Fill me with your grace, steadfast and abundant mercy. Fill me with your Holy Spirit, so that I will be strong and will be able to keep your commends. 

Oct 15, 2016
1:19 Am 

God Is Love

The apostle John nih "Pathian cu dawtnak asi" (1 John 4:8) a kan ti. Micheu nih Pathian dawtnak kan chim/ruah tikah dawtnak hi Pathian nih a ngaihmi bantuk khin kan chim sual tawn. Kei zong ka rak si ve. Kan sual paoh ah Pathian nih a kan dawtnak hi a tlau rua, tiah kan ruah sual tawn. Cucaah sual phuhrunnak kan ngei i amah Pathian hmai ah thlacam hmanh kan ngam tawn lo. Hihi Satan pa hlennak lawngte asi. Satan cu sualpuhtu asi; Pathian sinah nifatin sual a kan phaw zungzal. Nain, Pathian kan lei a ttan ahcun aho nih dah a kan doh khawh lai? Amah Jesuh, kan caah a nunnak a pemi hmanh nih "na sual lo" tiah biakhiahnak a tuah cu (Rom 5, 8). 

Hihi nifatin na nunnak ah i chinchiah peng. John nih "Pathian cu dawtnak" asi timi hi Pathian a sinak khi a chimmi asi. Amah Pathian hrimhrim hi "dawtnak" asi. Pathian cu aa thleng bal lo (Malakhi 3:6).   Cucaah "Pathian dawtnak" cu zeitik hmanh aa thleng bal lo. Nihin le tuni zong aa dang lo. Pathian cu donghni a ngei lo bantukin a dawtnak zong donghni a ngai lo. Pathian cu a zungzal a hmunmi le a tthawngmi asi caah a dawtnak zong hi zungzal in a hmun i a tthawng ve. Pathian cu dawtnak asi. Cu a dawtnak cu hitin a langhter: kannih cu misual kan si ko rih lioah Khrih cu misual kan caah a thi (Rom 5:8). Jesuh Khrih na nunnak ah na cohlan ahcun Pathian dawtnak na tinco. Pathian dawtnak a tingcomi paoh cu Khrih ah sertharmi an si. Nunning hlun kha lo i nunning thar kha aa thok cang. Khrih dawtnak na co hnu ah na nunning aa thleng ve maw? Mithar na si cang kha philh sual lai ci awh? Bawipa nih thluachuah nih thluachuah kan pekpiak seh. 

Jesuh Vawlei Ratchan (Part 1)

Pathian Chiatserhnak In Tlanh Dingah

Sihmanhsehlaw Nawlbia nih a chuahpimi chiatserhnak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

Galati 3:13

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remhnak a tuah cu a dinnak kha langhter a duh caah a si. Cu a langhterning cu hitihin asi: hlan lioah cun a lung a sau caah mi nih an tuahmi sualnak kha i hmuhter duh loin a um. Rom 3:25

Dawtnak cu, Pathian kan rak dawt hi a si lo, amah nih a kan dawt i kan sual ngaithiamnak caah a Fapa kan sinah a run thlah hi a si. 1 John 4:10

Kan Pathian cu a dingmi le dawtnak Pathian a si. Kan Pathian hi ding hlah seh law, a Fapa hi fahnak in in a thihter hnga lo. Kan Pathian hi dawtnak Pathian si hlah seh law, a Fapa fahnak tuar in thih ding hi a siang hnga lo. Cucaah a dawtnak le a dinnak nih hin a dingmi Pathian a sinak cu an langhter.

Pathian nih nawlbia a kan pekmi cu, “Bawipa na Pathian cu na lungthin dihlak le naruahnak dihlak le na thawnnak dihlak in na dawt lai” (Deuteronomy 6:5) tihi a si. Sihmanhsehlaw, amah dawt cu a kan fial ko nain thil dang tampi kan dawt deuhmi an rak tam tuk. Cucu sual kan timi cu a si ko – Pathian nakin thil dang tampi kan nunnak i biapi bikah kan chiahmi nih hin Pathian kan dawt lo ning le kan upat lo ning cu an langhter ko. Cucaah Bible nih, “mi vialte cu kan sual dih cio ko i Pathian sunparnak kha kan bau dih ko” (Rom 3:23) a ti. A nungmi kan Pathian tu daw loin kannamh pumpak nuamhnak thil a simi lehlam kan rak dawt deuh. Hi ruangah hin sualnak kan timi hi thil te hmete a lo tawn nain arak a si hrim lo. Zeizong vialte sertu a nungmi Pathian zei ah rel lo le serhsat a si. Kan Pathian cu sunparnak le lianngannak vialte pek awktlak Pathian a si. Kan ngeihmi nunnak dihlak zong in dawt a phumi bakmi Pathian a si. 

Sihmanhsehlaw, cucu minung kan sualnak ruangah kan tuah khawh lomi a si.  Cun, kan Pathian cu a dingmi Pathian a si caah cu kan sualnak cu a thup lo. Tantat tlak kan si caah hitin fiang tein a kan chimh ve, “Sualnak man cu thihnak a si” (Rom 6:23) a ti. Ezekiel 18:4 ah, “A sualmi paoh cu an thi ko lai” tiah kan hmuh rih. Cun, “Hi phungbia a dirpi lo i  a zul lomi cu chiat seh” (Deteronomy 27:26) a ti fawn. Hi nih fiang tein a langhtermi cu, kan sual ruangah Pathian chiatserhnak kan cung i a tlungmi hin ahohmanh kan luat kho lo tinak a si. Pathian nih nawlbia zulh ding a kan pekmi kan zulh khawh lo caah kan sual i sual man cu thihnak a si, tiah Bible nih fiang tein a kan chimh. A thiangmi a nawlbia kan buar caah chiatserhnak in dingah aa tlakmi kan si. Cucaah, kannih caah a taangmi cu Pathian chiatserhnak le dantatnak in ding lawng hi a si ko. Pathian nih chiat kan serh hlah seh law, kan Pathian cu a dingmi Pathian a si hnga lo.

Sihmanhsehlaw, Pathian dawtnak cu kan sual ruang ah Pathian thinhunnak in a rami chiatserhnak he khan ai lo lo. Zei tluk in kan sual zongah cu kan sualnak cungah cun Pathian nih ai lunghmuihnak langhter a tim bal lo. Cucaah, a thinhunnak in a rami chiatserhnak in tlanh dingah a Fapa ngeihchun Jesuh Khrih cu vawlei ah a van thlah (Galati 3:13). Kan sual ruangah kan i tlakmi chiatserhnak cu a lak siter loin a Fapa ngeihchun Jesuh cungtu ah a van khin. Cuticun Pathian nih a dinnak le a dawtnak kha a langhter (Rom 3:25). Kanmah ai-awh ah a rami Jesuh nih hin, Pathian chiatserhnak a hrawk lo – amah cung tu khan a tlunter. Cucu, kan Pathian a dinnak a si. 

Cucaah, Pathian sin in kan hmuh awk ah ai tlakmi chiatserhnak cu, Khrih cungah khinh dih a sinak nih Khrih a zummi kan dihlak caah Pathian chiatserhnak le dantatnak cu a um ti lo. Cu ruangah, Khrih dawtnak ruat buin hitin rak chim ve, “Dawtnak cu, Pathian kan rak dawt hi a si lo, amah nih a kan dawt i kan sual ngaithiamnak caah a Fapa kan sinah a run thlah hi a si.” 1 John 4:10

The Living Water

Morning Devotion

Jesus said, "I am the living water" (John 4:10). Jesus wants to fill us with the living water that he has, so that we will never be thirsty again (John 4:14). But first, we must "empty" our heart in order to fill with the living water. If our heart is still filled with worldly things, there is no room for the living water -- Jesus cannot fill us. Let's empty our heart and say, "Lord, here I come today. I am broken and empty. Fill me with the living water that comes from you so that I will never be thirsty again." Amen. God bless you all. Jesus loves you. Remember, we are not of the world. We don't belong to this world. We belong to heaven. We are the heavenly Father adopted children through his Son, Jesus Christ. We belong to him. We are long to be with him in heaven.

“If anyone thirsts, let him come to me and drink." John 7:37

We Cannot Run Away From God

Mipa pakhat Adam sual ruangah mi vialte hi sualnak nih a kan khuh dih (rom 5). Sual cia in hrin kan si viar (Eph. 2). Mi vialte hi kan sual dih (rom 3:23). Sual man cu thihnak asi (rom 6:23). Kan duh zong duh lo ah a thi ding kan si. Hell ram cu kan duh zong duh lo zongah a kal ding kan si. Nain, Pathian nih zeitlukin dah a kan dawt cu hitin a langhter: hi tluk in kan sual lio ah Jesuh cu kan caah a thi (rom 5:8). A zummi paoh nih zungzal nunnak an ngei lai (john 3:16). A zum lomi cu zungzal hell ram an co lai. Zeicahtiah a zum lomi paoh cu Satan fale an si. An pa a simi Satan he kut tlaih in hell ah an kal ko lai. Mi tampi nih kan sual zongah Khrih a thi ko an ti i sual tuah hi zei ah an rel tawn lo. Khrih ka zum an ti i sual a tuah lengmangmi le sual tuah hi apoi ah a chia lo i sual hi lentecelh in aa celhmi cu an zum taktak lo tinak a si (1john ah rel chap). Khrih kan zumh hnu in Khrih Thlarau kan ngei (Eph 1:13). Cu nih cun sual huatnak le teinak power a kan pek. Thlarau nih lam a hruai hna (rom 8:14). Teinak nun an ngei. Hi vawlei ah an perfect kho lai lo nain tlik aa zuammi pa bantuk in hmailei ah Khrih muisam lo chin lengmagn in an tli (phi. 3). 

Tu chan thawngtha kan ngeihmi ah sualnak (Sin) le Hell kong hi an chim tuk ti lo ti uhh? Hihi ngeih a chia ngaimi a si. Hi ruangah dawh Pathian hi mi tampi nih kan ignore cu. Pathian cu zeitluk hmanh ignore law na ignore kho bal lai lo. Na thih tik i na ton te ding zong Pathian thiamthiam a si ko. Amah hmai in kaa thup kho lai tiah i ruat hlah. Kan ruahmi le kan lungput zong a hngal dih tu Pathian asi. Caan na ngeih lio hin na sualnak kha mertaak law Bawipa sin ra ko. Kan Pathian a lungsaunak cu kan sualnak i ngaihchih hna seh ti a kan duh caah asi ti cu na hngalh ko ttung [?] (rom 2:4). Zeican dah Pathian lungsaunak dawtnak hi lentecelh in naa calh rih lai? Pathian nih a caan a za a ti te tikah cun a thinhunnak hi na celh te lai lo. Hi carelmi vialte na dirhmun naa theih ko khah. Na sualnak i ngaichih law thawngtha hi zum ko. 

Repent and believe in the gospel! (mark 1:15).

The Meaning of A Man’s Rib

Pathian nih Adam caah Eve a serpiak lio ahkhan, Eve kha Adam cungah um seh, tiah Adam lu ruh arak la lo. Pathian nih Eve hi Adam tangah um seh tiah, Adam ke ruh zong a la fawn lo. Nain, Pathian nih Adam kha Eve a serpiak lio ahkhan a hnakruh thengte kha arak lak (Gen. 2:22). Cu a sullam cu Pathian mit ah nulepa hi kan rak i tluk tihi a kan cawnpiak. Pa nih a hnakruh in sermi nu kha a kut tthawngin a huhphenh khawh nakhnga le, a thinlung pawngte i a ummi a hnakruh in sermi nu kha a thinlung dihlak in a dawt khawh nakhnga caah arak si. Vale hna, nan nupi le kha daw hna uh. Nanmah le nanmah nan i dawt bantukin daw hna uh. Khrih nih Khrihfabu (kanmah minung) a kan dawt bantuk hin daw hna uh (Efe. 5:25)..

The Joy of Fellowship

Jesuh Khrih pumsa a simi Khrihfabu chungah a dawtmi a mithiang hna hmun khat ah hla cawn le, kan lu (Khrihfabu lu) a simi kan Bawipa Jesuh sunparnak caah a lam kip in mino kan cawlcanghmi hi a sunglawi tuk. Hihi ka no lio ah kaa nuamh bikmi asi ko. Taksa lei in aa thei hngal bal lomi lawngte Khrih nih a Thlarau in hmun khat ah a kan fonh i unau taktak bantukin a hla thiang cawn le a riantuan hi zeitluk in dah a sunlawi. Hmailei kan upat tik i Khrihfabu cawlcanghnak ah kaa tel khawh sual te lai lo dingmi ka ruah ah ka ngaichia cia cang. Khrihfabu ah Khrih nih a kan fonhmi kan unau hna he hmunkhat ah thutdir cawlcangh cu a nuam hringhran ko. Hihi pei unau taktak cu kan si cu!

The Power of Grace..

Minung hi kan zawt le kan rak dam lo arak i thei lomi kan um. Nain, kan dam lo tiah zeitimaw kan van i theih bak khin kan tuah hmasa bikmi cu damhtu siibawi fuh asi. Aruang cu dam kan duh caah asi. Cu ve bantuk cun minung zong hi kan sual dih (Rom 3:23) i sualman cu thihnak asi (rom 6:23) tihi kan i fian taktak lo ahcun kan sual ruangah a thimi Khrih Jesuh (rom 5:8) va fuh hi kan rak thei ve lo. Nain, dam lo ruangah a zaw tuk i thih aa timmi nih dam duh ruangah si bawi a herh tuk bantuk khin, kei cu mi sual bik ka si tiah fiang tuk in aa theimi nih cun zungzal nunnak asi mi Khrih lo hin an um kho ve lo. Kan sual kan i theih deuhdeuh hin dawh Khrih hi kan duh chinchin ding asi cu.

"Sualnak a karhnak hmun ah khan Pathian vel cu a karh chinchin ve."
"But where sin increased, grace increased all the more" Rom. 5:20

The Deadline

Minung nih deadline (ri khiahmi caan) hi a phunphun in kan ser cio. Tahchunhnak ah company nih tha tein an kan khiahpiakmi caan lio ah bill kan pek lo ahcun tam deuh in tangka cawi asi. Cun phone bill te hna a ri khiahpiakmi caan ah kan pek lo ahcun thahpiak top asi ko. A ri khiahpiakmi caan (deadline) kan tlolh sual ahcun a ri khiahpiaktu company (or minung) he kan i pehtlaihnak a cat. Cucaah, deadline kan timi hi a biapi tuk. Cu ve bantuk cun Pathian zong nih deadline a ser ve. Nain, minung nih khiahmi deadline bantukin Pathian deadline (ni le caan) balte cu hngalh khawh asi lo. Thaizing asi kho; kiptuh zong asi kho. Kan hngal lo. Cucaah tlolh phut sual a fawite. Pathian deadline (ni le caan) zeitik asi ti kan hngalh lo ruangah nifatin kan nunnak ah fimkhur tein khuasak hi a biapi tuk. Hei chim lawlaw ko ning law, Pathian deadline a dih hlan i kan sual ngaihchih in Bawipa lei i mer hi a biapi bikmi asi!

The Love of God

"Jesuh nih an dawt" timi hi nan ruat cio bal maw? A powerful bikmi message cu "Jesuh nih an dawt" tihi dah a si lai ka ti. A ruah kan rak philh sual tawn ruangah kan theih lonak asi. Minung kan sualning hi ruat hmanh usih. Kan ruahnak le kan lungthin a thurhnawm ning le a thatlo ning hi. Fih a nunning. Pathian caah zumh awk kan tlak tawn lo ning. Cun, kan Pathian vial a thianning le a dinfel ning hi. Sualnak pakhat hmanh a ngei lomi Pathian. A thawngmi le a lian nganmi Pathian. Dawtnak, zawnruahnak, zaangfahnak he a khatmi Pathian. Zeizong vialte a tlinh dihtu Pathian nih hi tluk misual a kan dawt i, a fa ah kan cohlan i a Fapa Jesuh roco-hawi i a kan ser hi a mak tuk ee. Hihi na ruat bal maw? Hi tluk a sungmi Bawipa dawtnak cu chim loin kan um kho hnga maw? 

Jesuh Cu Bawi Asi

Morning Devotion (Pathian bia hin thazaang la rih ko hna usih)
Sualnak hi zumtu kan caah kan piahtana a si ti lo. Zumtu tampi kan piahtana cu, sualnak teitu, thihnak teitu, le vawlei teitu kan Bawipa Jesuh nifatin kan nunnak ah kan i tlaihpeng lomi hi asi. Vawleicung biaknak dang nih cun pathian hi an kawl. Kannih Khrihfa tu cu, Pathian nih a kan kawl i a kan khamh. A thisen in a kan thianh. Hnangamnak, lawmhnak, daihnak le thawnnak a kan pek. Cu kan Pathian cu nifatin in fek tein i tlaih usih law, kan tei khawh lomi thil tampi hi a kan teipiak ko la. Kan Pathian cu zumh awk a tlak (1 Cor. 10:13). Sualnak a tei, vawlei a tei, thihnak a tei. Jesuh cu Bawi asi (Phil.2:11).

Aaron le Hur Bantuk Hawitha...

Joshua le a ralkaap ral an tu. Moses nih tlangah kut thlir in thla a campiak. A kut thlirmi a derthawm paoh i a tthumh deuh paoh ah Joshua le a ralkap cu an sung. Aaron le Hur nih Moses kut cu an dawmhtlaihpiak i Moses thlacamnak le kut thlir nakin Joshua le a ralkap nih teinak an hmuh (Ex.17). Moses nih a kut kha rak thlir kho thai hlah seh law Joshua le a ralkap kha an sung kho men. Moses kut thlir bawmtu Aaron le Hur bantuk hawi-tha hi Pathian nih kan pe cio ko seh. Thlarau lei kaar kan hlannak i kan derthawm caan ah tanglei in a van kan dawmhtlaitu hawi-tha hi kan herh taktak. Khrihfabu chung i crusade le camping tuahnak hin minung an i thlengpah tawn ko. Nain, tanglei in dawmhtlaitu le thazaang petu hawi-tha an ngeih lo ruangah a tlu-ril thanmi an tampi. Pakhat le pakhat i dawmhtlaihnak nih a langhtermi cu dawtnak asi. Dawtnak hi kan herh bikmi arak asi ko. 

Thlarau He Nai Hawikom Maw?

Thlarau he hawikomhnak nan ngei maw? Phil. 2:1

Thlarau he hawikomhnak a ngeimi nupi cu a pasal he tha tein an i hawikom kho. Thlarau he hawikomhnak a ngeimi pasal cu a nupi he tha tein an i hawikomh kho ve. Kan chungkhar ah siseh, nuleva karlak ah siseh, buainak a chuah tawnnak hi Thlarau he hawikomhnak kan rak ngeih lo ruangah a si. Efesa 5:18 ahcun Thlarau hrimhrim in nan khat lai, a ti. Colose 3:16 chungah Pathian bia in khah nan i zuam lai i nan fim lai, tiah kan hmuh than. Nuleva karlak pehtlaihnak a dam ahcun chungkhar a dam. Chungkhar a dam ahcun Khrihfabu zong a dam. Khrihfabu dammi nih Pathian rian tampi an tuan tawn. Chungkhar in thok hna usih. :)

Examine Yourself

Li-hninh a tam chin lengmang. Ram khat le ram khat an i do. Bom puah a tam. Thlichia hran le tilet thawh zong a tam. Sihmanhsehlaw, minung lungthin cu a hak peng rih. Micheu cu hi bom puah thawng le li-hninh thawng nih kan thinlung a lauter kho rih lo -- a hnin kho rih lo. Zeicahtiah, mi tampi nih cun voidang i a cang tawn lengmangmi thil ah kan ruah. Cathiang chungah ni donghnak lai ni ahcun li-hninh a tam lai. Ram khat le ram khat an do lai, tiah fiang tein a kan cawnpiak (mat. 24). Kannih teh kan thinlung a hak peng rih maw? Zeitik ahdah kan i hlau ve te lai? Peter cu arkhuang nih a tthangh khah!! (luk. 22:34).

"Kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai?" Hebrew 2:3

Testimony of Me

Paul cu zarh khat a si ah cuarpantan a si. Chuahkehnak lei in Israel mi, Benjamin phun, Hebru mithiang a si. Judah mi nawlbia zulhnak leiah Farasi a si. Nawlbia chung thil zulh in din ti ahcun soi awk um lo a si (Phi. 3:4-6). Hi thil hna cu a caah miaknak a chuahpi tu le vanram kainak tiangah a rak ruah. Pathian ka ttanh a ti nain palh ttanh arak si. Sihmanhsehlaw, Khrih Jesuh he an i ton hnu ahcun cu vialte cu pakpalawng ah a rel dih cikcek hna. Khrih a co i Khrih he an i pehtlaih khawh nakhnga zeizong vialte hi a hlonh a dih hna. Khrih he iton taktak ahhin cun dawhnak, minthannak, degree, rumnak, vawlei thilri le chawva hi pakpalawng taktak an si ko (Khrih kan ngeih lo ahcun zeizong vialte hi pakpalawng an si tihi ka chim duhmi asi). Cucu Filipi 3 i Paul tehtekhannak hin fiang tein hmuh khawh a si. Tu lio ah ka hngar bikmi hna minung cu Bawipa caah nunnak pek in thawngtha chimmi le riantuanmi hi an si. Cucu, zahan zaan MMI gospel team thawngin ka nun ah a ka suk tukmi bia asi caah kan share hna.

"Ka duhmi cu amah Khrih hngalh le a thawhthan tthawnnak hmuh ve le temhinnak a inmi in ve le amah thih bantuk in thih ve lawng hi a si cang." Phi. 3:10

I Ralring!!

Nunnak a um, thihnak a um. Vanram a um, hell a um. Ka Facebook hawile tampi chungah micheu cu an thih cangka in holh in chim khawh lomi Khrih Sunparnak hrawmh an si la. Micheu cu, tu le tu Khrih thawngtha in warning pek lengmang ko hna buin an sualnak ngaihchih duh loin vawlei a tlaihchan pengmi an um caah an thih tik ah direct in hell ah kuat colh an si la. Dawtnak Pathian asi cu kan i fiang tuk nain a dingmi Pathian asi cu kan philh tawn. Cathiang nih sual man thihnak asi, a ti (Rom. 6:23). Kan sual man cu kan thi ko la. A chim bantuk in riantuan zungzaltu Pathian asi. A dingmi Pathian cu pei asi fam cu. Cucaah, vel a kan ngeih caah zungzal nunnak a Fapa ngeihchun a kan pekmi zei rel loin na um chung paoh cu sual man thihnak chungin na luat rih lo. Kan dawt tuk caah Khrih thawngtha in warning kan pek.

We Cannot Rest Until The Gospel Is Preach Throughout The World!!!

Kan i din kho lo. Taksa lei in kan retheih caah thlacam kan huam lo tuk caan a um ko lai; Bible study tuah kan huam lo caan zong a um ko lai. Thangthat kan huam lo caan a um ko lai. Sihmanhsehlaw, vawlei ka zoh tikah hi vawleipi nih Khrih Thawngtha a herhning ka hmuh tikah thazaang thar ka la than lengmang. I dinh awk kan that loning hi a thar in a ka hmuhter than lengmang. Bawipa min thangthat si ko seh! Khrih Thawngtha vawleicung khuazakip i chim a si dih hlan cu kan i din kho lo!!