Theihtlei: Vawleicung Fahringmi Nu Lakah Ngakchia Bikmi (10) Hna

Vawleicung fahring mi hna lak ah kum no bik mi minung 10 Richest nih an taarmi hna ka van taar chin. Theihtlei le rel nuam ah ka ti. An kong hi rel tik hna ah khuaruahhar taktak an si. Ruah suaimai ahcun zumh awk ah an har ngai. A tanglei i a tawifiannak in ka van taar mi tete hi rel ve hmanh law na khuaruahhar ve theu lai dah. Ka siaremlonak pakhat balte cu an hmanthlak ka van taar thiam chih hna loh hih. 

Lina Medina

10. Anna "Anya"/ Russia/ Kum 8 le thla 7

A kong lam tam in theih a si loh. Nain, an thei khawh tawk an chimnak ah an innpa pa nih arak tlaihhrem caah April, 2000 ah fapa Rostove-on-Don timi fapa te a rak hrin. 

9. Hilda Trujilo / Peru / Kum 8 le thla 7

Innkhaan pakhat ah chungkhar he sifak ngaiin khuasa mi a si. Cu an khuasaknak innkhan ahcun an upa tta-win-kuai (cousin) kum 22 pa nih a rak tlaihhrem. Ahohmanh nih an rak thei lo i Hilda zong nih hohmanh a chim ngam ve hna lo. Thla 5 hrawng van rauh hnu cun ningcang lo ngaiin a paw puar chin lengmang caah a nu a khuaruahhar. Arannak in doctor sin an tlikpi tikah naupawi i, thla 5 si cang ti a si. Nau pawiter tu an van hlathlai i taza an cuai pinah thong an thlak rih. Cuti cun nii le thla a kal chin lengmang ve bantukin Hilda nih December 2, 1957 ah fanu dawh te cu a van hrin.

8. A min an tial lo / Columbia / Kum 8 le thla 5 

A kum cu 2004 ah a si. Hi ngakchia nu te cu Ciudad Bolivar, Colombia ram ah a nu sii cawk an fial. Cu lio ahcun sii dawr rak hngakmi pa kum 32 a si cang mi nih a rak tlaihhrem. Hi ngakchia nu te nih a thlithup in a naupawinak ah herhmi sii-ai a din caah palik pawl lunghrinnak in an tlaih hna i bia an hal hna. A nu nih chim lo awk that ti lo caah a fanu tlaihhrem tonnak kong cu palik pawl a theiter hna, nain a tlaihrem tu pa nih ahohmanh theihter lo ding in a hrocer hna caah palik pawl nih an thei kho thai lo. 

7. Mum-Zi / Nigeria / Kum 8 le thla 4

Cheukhat Africa ram ahhin Muslim pawl nih nupi tampi an rak i chiahnak inn an rak ngeih. Cucu, miraang nih "Harem" tiah an auh. Cu Muslim pa nih nupi tampi an i chiahnak inn "Harem" chung ah cun hi ngakchia nu te 'Mum-Zi' timi zong hi a rak i tal ve. Nu nih hin an thi rat hlan chung cu fa an ngeih kho theng bal loh. Nain, hi ngakchia nu te cu kum 8 le thla 4 si ah a thi ra cang; fa ngei kho dirhmun ah a um cang. Khuaruahhar ngai si mi cu hi ngakchia nu Mum-Zi a fanu hi Zi a si i, a nu bantuk in ngakchia te a si ah fa a ngei ve. Kum 8 le thla thla 8 a si ah fa a ngeih ve i a nu Mum-Zi cu kum 17 lawng a rak si rih. Cucaah a nu Mum-Zi cu vawlei pitar (grandmother) lak ah a no bik zong a si chih.

6. Griseldina Acuna / Colombia / Kum 8 le thla 2

A kong lam tam in theih a si ve loh. Nain, record an lak mi ahcun kum 3 si ah a thi ra cang ti a si. Kum 8 le thla 2 a si ahcun fapa a hrin i an chungkhat pa khatkhat nih rak tlaihhrem dawh in an chim. 

5. A min an tial lo / India / Kum 8

India ram hi nupitthit puai tibantuk a uar ngaimi an si. A tunii tiang zongah nupitthit puai hi a laar ngai. Cun a tam deuh hi cu ngakchia tete ai tthium deuhmi an si tawn, ti a si. India ram khuate cu vawlei cung "poverty" ah a laar bak vemi a si caah nu le nih hin an fa le zuar an hmang tawn. A hleiin upa pipi sinah an fanu le hi tthi hna seh tiin tangka duh ah zuar an hmang. Hi lak ahhin a tu kum 8 simi nute zong hi a rak i tal ve. Record an tuahmi ah amin cu fiangin an hmuh kho lo, nain kum 8 si ah fa a pawi i, fa ngeihnak in fa he amah he an thi, tiah record tuahtu hna nih an tial.

4. Zulma Guadalup Morales / Mexico / Kum 8

January 12, 1993 kum ah Zulma timi nu nih National Medical Center nitlak lei hospital Guadalajara, Mexico ah fapa te a hrin. A fapa te cu a nu nih thla 9 chung a pawi hnu ah arak chuah i pawng 7.04 a si. Nau ngeihter doctor te nih, "a fapa he a nu an ngamdam dih ko" tiah an ti hna. Zulma hi a pate (uncle) nih a rak tlaihhrem mi a si. Khat leiin ruah ahcun Zulma te chungkhar caah ningzak ngai a si bantukin mipi theih an duh loh. A thlithup tein fa zong ngeihter an duh ko, nain kum no tuk i fa ngeimi a si ve caah thawngpang hlathlaitu (news reporter) pawl nih thawngzamhnak ah an chuah colh ve hna. 

3. H. / India / Kum 6 le thla 7

India ram in a si. Amin "H" ti lawngin record tialtu le reporter pawl nih an tial. H. cu kum 6 le thla 7 a si ah June 7, 1932 ah Victoria Zanana Delhli khua ah fanu te a hrin. Hi ngakchia nu te nih hin nau a pawi le pawi lo hmanh a rak i hngal lo. A ngakchiat tuk ve caah a ruah awk zong a rak ithei kho ve lo. A pawfah le a paw ai ningcang lo i siizung an kalpi ceo hnu lawng ah a fapawi hi an theih. Hi ngakchia nu hi khuaruah khun a si nak cu hawi he ai lo hrim loh. Fapawi ahhin a thi zong ra rih lo. A hnuk hmanh ai sem rih lo, ti asi. 

2. Yelizaveta "Liza" Gryshchenko / Russia/ Kum 6

1930 kum ah Liza ngakchia nu te cu aruang le a sullam theih loin paw a tthan tuk caah siizung ah an kalpi. Doctor pa nih felfai tein a van dotthlat tikah nau a pawi ti kha si i a chiatha "pubic hair" zong a rak keo cang, ti a si. Biahalnak an tuah tikah hiti nau a pawinak cu kum 69 a si cang mi a pu nih a rak tlaihhrem. Tlawmpal a van rauh tikah Liza nih fanu te hrin dingin ai timhtuah lio ah a fanu te cu a thi. A paw khuai i hrin ding kha a nu le pa nih an duh piak lo. Hitin thil an ton hnu ah khua dang um dingin an i thial nain a tlaihhremtu an pu (grand father) zong cu an sinah ai thial ve i an sinah a um ve thiamthiam. 

1. Lina Medina / Peru / Kum 5 le thla 7

Lina le a fapa

Vawleicung fahring mi nu lak ah ngakchia bik a si. Hi ngakchia nu te hi a fa ngeih a ngakchiat tuk caah a laar ngai i a kong voikhat ka rak rel bal ve cang. Lina cu Ticrapa, Peru ah a tthangmi a si. Nii khat cu ningcang lo ngaiin a paw tthan tuk caah siizung ah an kalpi. Lina naupawi ding hi a nu le pa nih an rak ruat bak lo. Hitin a paw a tthan chin lengmang mi zong hi "tumor" timi takvun phinnak zawtnak pakhat bantuk ah an rak ruah. Sinain, doctor pa nih van chekhlat tikah Lina cu nau a pawi i thla 7 a si cang, ti a si. A nu le pa an lau! Hitin an fanu nih nau pawi lai hi an rak ruat bak loh. Lina cu a ngakchiat tuk bantukin a phung ning tein fa ngeih awk a tha lo. Cucaah, hihsii chunh hnu ah paw khuai i a fapa te chuahpiak a hauh lai caah a doctor pa, Dr. Gerardo Lozada nih khuapi deuh siizung ah ai kalpi. May 14, 1939 ah Lina cu a paw an khua i fapa te cu a van hrin taktak i amin ah Gerardo tiah an sak. Khuaruahar ngai a simi cu, doctors pa nih surgery tha tein a tuah tikah Lina a chung lei thil (sexual organs) hi nungak puitling pakhat bantukin an rak si cang, ti a si. Mipi an khuaruahhar tuk cio caah Lina le a chungkhar cu $5000 pekin khuaruah har tuanbia pakhat chuah dingah North American film tuahtu pawl nih an hal hna, nain an rak duh loh. 

Lina le a doctor pa

A fapa te cu a van tthang chin lengmang i a nu Lina cu a unu ah a rel diam ai. Sinain, caan zeimawzat hnu cun a nu si kha a van theihtthan ve ko. A fapa te nih a unu ah a rel pinah an kum khua ai naihniam tuk caah unau ttafar bantukin an um kal i khua an sa, ti asi. Lina nih a fapa te hi apa ho asi ti a chim duh bal lo; a rak thuh peng. Sinain, a hnu ahcun a rak tlaihhremtu pa aho si kha van theih thiamthiam. Lina a rak tlaihremtu pa hi midang an rak si loh, amah hringtu a pa bak a rak si. A pa cu dantatnak an pek i thawng an thlak ve. Lina cu vawleicung fahringmi nu vialte ah ngakchia bik asi ko nain a ngan zong a dam ko. Sianginn zong tha tein a dih ve i, rian zong hawittuan ning tein a ttuan ve tthiam ko, ti asi. 

Zohchunhmi ca: http://www.therichest.com/rich-list/most-shocking/the-10-youngest-birth-mothers-of-all-time/