Cangvat cu na hmuh bal ko la. A hmu ballo mi kan um lai ka zum ruam lo. Atu ka van tial hmanh hin ka thlingzaa. Nu nih an hmuh paoh cun a veu bak in an veu tawnmi cangvat cu ka hmuh lengmang ve. Nain, hi bantukin a lian mi "Saicangvat" hi cu a voikhatnak ka hmuh bak a si. Ka khuaruah a har tuk caah tawi tein ka van thai.
Cangvat hi Kawlram le tiva kan kal ah ka hmuh tawn lengmang ve. A thli in kan tanpawr hna ah an rak ibenh i kan thi an rak kan dawp. Kei cu ka ttih ngai. Tiva kan kal tawn ah a tongh hmanh ka tawng ngam lo. Hawi nih an kan lakpiak tawn lengmang. Ka hmuh ah ka thling a za. Tiva ka kal ahcun kai ralring taktak tawn. US balte hin ka hmuh theng rih lo. Kan thi hi a sunglawi tuk caah i dawpter ding hrim a si lo. Kan thi dor khat te zong hi man an rak ngei. Tikah, hi bantukin cangvat nih a thlithup in an rak dawp tikah cun kan thi a lakka bak in kan sung tinak a si.
Kan hnu kum ah Diniela Liverani timi nu hnar chungah lehmah 3' tluk saumi cangvat cu thlakhat chung a rak um. Zeihmanh a rak thei lo. A hnarthi atu le atu a chuak, ti a si. Southeast Asia lei a rak tlawnnak in a hnar chung hin luh dawh a si. Hiti a hnar kua chunng a luh hi ti ai lionak in a si kho men, cun a ti dinnak zong in a si kho mi a si thiam, tiah an chim. A cangvat a hnar chung i thlakhat chung a um a thei khawh lonak hi a kualh tein a rak kual. Fawi te zong in an chuah kho lo, ti a si. Cerhti lak kan kal le ti kan i lio tibantuk ah i ralring awktlak a si. 
No comments:
Post a Comment